APOCALIPSIS 18:2 - New Testament in Mixtec Atatláhuca

² Te ni cana jee ya: Je ni naa iī ñuu teyɨ́ Babilonia. Te ni nduu vehe tāca táchī, nuū ñúhun ndɨnuū tachī neé, jíín táca téji, quɨtɨ quíni jeē tu nújnahan ni yō.

APOCALIPSIS 18:2 ပူးပေါင်းရင်းမြစ်များ

APOCALIPSIS 1:15

Te jehē yā xíñú jíto nájnūhun cāa cuaán jéē ni ndúhvā nuū horno. Te nɨ́hɨn ndasɨ́ cáhán yā, nájnūhun nɨ́hɨn cuehē yūte náhnu.

APOCALIPSIS 10:3

Te ni cana jee téyɨ́ yá, nájnūhun jeē ndahyú ndɨcaha. Te ná ni cana jee ya, te ni cacahān uxā taja.

APOCALIPSIS 11:8

Te ndɨ̄yɨ ún cava nuū yáhu ñuu cáhnu nuū ní cajehni i máá Jítoho yō jicā cruz. Te ñuu un cácahān yatá i jeē ñuu Sodoma jiín Egipto cúu, sɨquɨ̄ jeē xeēn cuēchi íyó ñuu ún.

APOCALIPSIS 14:15

Te ni quenda ɨnga ndajéhé yā ini templo, te ni cana jee, te cáhán jiín Yaā néne nuū vicó un: Cahnde ni jíín hoz ní, te nastútú ní ñayuu ñayɨ̄vɨ́. Chi je ni quee quɨvɨ̄ jeē nastútú ní i nájnūhun táhndé trigo jeē jé ni cuaan, áchí.

APOCALIPSIS 14:8

Yūcuán na te ndíquín ɨnga ndajéhé yā vēji, te ni cahān yā: Je ni naa iī ñuu teyɨ́ Babilonia. Chi ni sáha jeē ñáyuu tācá nación casɨ́quɨ́ ndéē i Yaā Dios jeē ní castóo i ya te cándiquīn i ídolo jiín táca jniñu néé, áchí ndajéhé uū.

APOCALIPSIS 16:13

Te ni jito ri jeē ini yuhu coō cáhnu jíín ini yuhu quɨtɨ xéén jiín ini yuhu máá tée nácani jnūhun stáhú ní canecoo unī tachī jeē cáa nájnūhun sáhvá.

APOCALIPSIS 16:19

Te máá ñuu cujéhnu Jerusalén, ni cusɨ́ɨn ni nduu unī parte, te nɨ́ɨ́ cáhnu ñayɨ̄vɨ́ ni naa tācá ñuu. Te ñuu teyɨ́ Babilonia, chi ni sáha nahín yá jeē ní ndutahū i castigo xeēn, chi ni quɨtɨ̄ ndasɨ́ ni yā sɨquɨ̄ cuéchi i.

APOCALIPSIS 17:18

Te ñahan jeē ní jito ró cúu máá ñuu teyɨ́ jéē cujéhnu nuū tāca rey ñayɨ̄vɨ́. Achí ndajéhé un.

APOCALIPSIS 17:5

Te jneē ña ndéé ɨɨn sɨ́hvɨ́ jéē cúu ɨɨn jnūhun sāhí, te suhva cáhán: Yāha cúu ñuu teyɨ́ Babilonia, jeē cúu nájnūhun náná tāca jéē cájica jnéní jíín jéē casáha néé ndasɨ́ ini ñayɨ̄vɨ, áchí.

APOCALIPSIS 18:10

Te cuɨñɨ jícá de chi yūhú de coto de jeē súcuan ndoho ña castigo. Te cahān de jíjnáhan de: Nacā jeē xeēn ndóho ró, ñuu cujéhnu Babilonia, chi yá‑ni ñuu teyɨ́ ní cuu ró núú. Te vijna chi ɨɨn núnúu‑ni te ni quee castigo jeē náā rō, achi de jíjnáhan de.

APOCALIPSIS 18:21

Yūcuán na te ɨɨn ndajéhé ndíso poder, ni quihin ya ɨɨn yuū cáhnu nájnūhun ɨɨn yōso cáhnu, te ni scáne ya ini mar. Te ni cahān yā: Nájnūhun ni naa yōso yáha, suni súcuan naa Babilonia, ñuu cujéhnu téyɨ́. Te ma núcoo cuɨtɨ gā jeē cóto yó núū.

APOCALIPSIS 5:2

Te ni jito ri ɨɨn ndajéhé yā jeē ndíso poder, te ni cahān jee: ¿Ndé ɨɨn cúu tēe vāha ndasɨ́ jeē cóndiso jníñu cahnde sello te nune tutu yáha? áchí ndajéhé yā.