APOCALIPSIS 18:17 - New Testament in Mixtec Atatláhuca

¹⁷ Te vijna te ɨɨn núnúu‑ni te ni naa ndɨhɨ tācá ndajníñu váha ún, achi de jíjnáhan de. Te cuɨñɨ jícá táca tée cáscáca barco, jiín ñáyuu cuángoo nuū barco, jiín tée cásájniñu ini barco, jiín táca gá tēe cásájniñu nuū mar.

APOCALIPSIS 18:17 ပူးပေါင်းရင်းမြစ်များ

HECHOS 27:11

Te tu ní chúsóhó capitán jeē cahán Pablo, chi sa suhva jeē cahán tēe scáca barco un jíín tée chíí barco.

APOCALIPSIS 17:12

’Te ndɨhúxí ndɨquɨ jeē ní jito ró cúu nájnūhun uxī rey, te ná tu ndacu de jniñu jíjnáhan de. Te máá de jíín quɨtɨ xéén un, chi nihīn jníñu de cuu de rey jecu‑ni tiempo.

APOCALIPSIS 17:16

Te ndɨhúxí ndɨquɨ jeē ní jito ró jéē névāha quɨtɨ xéén un, suu cácuu rey jeē coto uhū de ñahan jíca jnéní un. Te sáha de jeē quendōo ndáhú ña te quendōo vichí lɨ́ɨ ña. Te caji de cūñu ña te cahmu de ña nuū ñuhún.

APOCALIPSIS 18:19

Te cosō de tɨcachā ñuhun xinī de jeē cácucuíhyá ni de. Te ndahyū de te ndahyū cohó de. Te cana jee de jíjnáhan de: Nacā jeē xeēn ndóho ñuu teyɨ́ yáha. Chi jíín ndajníñu cúcá jeē ni íyo ñuu un ní cacucúcá táca ñáyuu cánevāha barco cájica nuū mar. Te vijna te ɨɨn núnúu‑ni te ni naa ndɨhɨ‑ni, achi de.