APOCALIPSIS 17:4 - New Testament in Mixtec Atatláhuca

⁴ Te ñahan un ñúhun ña sahma ndihí jíín sahma cuehé, te suni ñúhun ña sɨquɨ̄ oro jiín yúū luu jíín perla jeē ndeé yahu. Te ndáhá ña ɨɨn cohō oro jeē ñúhun chitú jíín jniñu néé ndasɨ́ jíín jniñu jnehén jéē jíca jnéní ña.

APOCALIPSIS 17:4 ပူးပေါင်းရင်းမြစ်များ

APOCALIPSIS 14:8

Yūcuán na te ndíquín ɨnga ndajéhé yā vēji, te ni cahān yā: Je ni naa iī ñuu teyɨ́ Babilonia. Chi ni sáha jeē ñáyuu tācá nación casɨ́quɨ́ ndéē i Yaā Dios jeē ní castóo i ya te cándiquīn i ídolo jiín táca jniñu néé, áchí ndajéhé uū.

APOCALIPSIS 18:12

Te ndajníñu cáxīcó de un cúu oro, plata, yuū luu jíín perla jeē ndeé yahu, jíín sahma fino jiín sahma seda jeē ndihí jíín jéē cuehé. Te suni tācá yujnu jeē asɨ̄n jéen xicō, jiín táca ndajníñu luu jeē ni sáha jíín marfil jiín yujnu lúu jeē ndeé yahu jíín cáa cuaán jíín cáa hierro jiín yúū cuijín luu.

APOCALIPSIS 18:16

Te cahān de jíjnáhan de: Nacā jeē xeēn ndóho ñuu teyɨ́ yáha. Chi ni cuu nájnūhun ɨɨn ñahan jeē ni ñúhun sahma fino, sahma ndihí jíín jéē cuehé. Te ni ñuhun ña sɨquɨ̄ oro jiín yúū luu jíín perla jeē ndeé yahu.

APOCALIPSIS 19:2

Te ndaā te vāha sándaā yā tācá jniñu, chi ni ndonda ya sɨquɨ̄ cuéchi ñuu neé cújéhnu ún. Chi ni stɨ́vɨ un ñáyuu nɨɨ́ cáhnu ñayɨ̄vɨ jíín jnúhun cásɨ́quɨ́ ndéē Yaā Dios. Te ni sáha ya jeē ní ndutahū ñuu un sɨ́quɨ̄ jeē ní jehni tāca mozo yā. Achí i jíjnáhan i.

APOCALIPSIS 21:21

Te ndɨhúxí uū yehyɨ́ un cácuu uxī uū perla jeē ndeé yahu. Te ɨɨn ɨɨn yéhyɨ́ cúu ɨɨn ɨɨn perla. Te máá nene oro cúu calle cáhnu ñuu ún, te quɨyɨ nájnūhun vidrio.

APOCALIPSIS 9:21

Te ni tu ní cánacani ni i stóo i jeē jéhni i ndɨ̄yɨ, jíín jéē satásɨ́ i, jíín jéē jíca jnéní i, jíín jéē sacuíhná i.