APOCALIPSIS 17:17 - New Testament in Mixtec Atatláhuca

¹⁷ Chi Yaā Dios scánda ya ini de jeē na sáha de jniñu cúní yā. Te squíjnáhan de jnūhun jeē nacuāha de jniñu ndíso de nuū quɨ́tɨ xéén un, ndacu tɨ jniñu nde na squícu tāca jnúhun ni cahān Yaā Dios.

APOCALIPSIS 17:17 ပူးပေါင်းရင်းမြစ်များ

SAN LUCAS 22:22

Chi ruhū, Yaā ní nduu tēe, jendaá cúu jeē quihín rī cuu rī nájnūhun je ni sándaā Yaā Dios jeē súcuan coo. Te nacā xeēn ndoho tēe jeē nastúu ruhū, achí yá.

SAN LUCAS 22:3

Te ni quɨ̄vɨ Satanás ini anuá Judas jeē nastúu de ya. Te suni nání de Iscariote, te cúu de ɨɨn jnáhan jeē ndɨhúxí uū tēe apóstol.

SAN LUCAS 22:37

Chi cáhán rī jiín ró jeē quee quɨvɨ̄ ndoho yó jnúndóho, chi cánuú squícu jnūhun yáha jéē cahán nuū tútu sɨquɨ̄ rī: Sáha ñayuu jiín yá nájnūhun cásáha i jíín tée sáha cuēchi xeēn, áchí tutu. Chi tāca jnúhun un jéē yosó cáhán sɨquɨ̄ rī, chi squícu nahín, áchí yá.

SAN JUAN 10:35

Chi ñayuu jeē ní cajetáhú jnúhun ya, ni cahān yā jeē cácuu i nájnūhun yaā. Te cájini yō jeē ma cúu cahān yō jeē tú ndaā jnūhun cáhán tutu iī.

SAN JUAN 13:18

’Te nasūu jéē cahán rī jeē ndɨhɨ ró ndétū, chi je jíní rī tāca róhó jéē ní nacāji ri. Te cánuú squícu jnūhun yáha jeē cáhán tutu iī: Tēe yéji staā jiín rí, ni ndió cuɨ́ñɨ́ de sɨquɨ̄ rī, achí tutu.

SAN JUAN 13:2

Te jexeén je ni squɨ́vɨ ini anuá Judas Iscariote sēhe Simón, jeē vijna nastúu de ya.

SAN JUAN 19:24

Te ni cacahān maá de: Ma cáhnde yō, chi vāha ga na sáha yó sorteo, te na cóndēhe yó ndé ɨɨn yó níhīn, achí de. Te súcuan ni squícu jnūhun yósó núū tútu iī nde jenahán jéē cahān Jesús: Ni caquihin de sahma ri cuu máá de. Te ni casáha de sorteo sɨquɨ̄ camisa rī. Achí. Súcuan ni casáha soldado un.

SAN JUAN 19:28

Yūcuán na te ni jini Jesús jeē jé ni jīnu tācá jniñu jeē cánuú ndoho ya. Te návāha squícu jnūhun cáhán tutu iī, te ni cahān yā: Jíchí rī ndute, áchí yá.

2 CORINTIOS 8:16

Te na cútahū rī nuū Yaā Dios jeē ni sáha ya jeē ndɨhvɨ́ ni Tito jehē rō nájnūhun cándɨhvɨ̄ ni maá rí.

APOCALIPSIS 10:7

Chi núu na quéjéé ndajéhé uxā tɨvɨ yā trompeta, yūcuán na te squícu‑ni Yaā Dios jnūhun sāhi yá, nájnūhun ni castūhun yá nuū tāca mozo yā, tēe ni canacani jnūhun ya nde jenahán, áchí ndajéhé.

APOCALIPSIS 15:1

Te ni jito ri ɨnga jniñu jéhnu ichi ándɨvɨ́ jéē náā ni yō jíto yó. Chi cáhīin uxā ndajéhé yā jeē cuāha ndɨhúxá jnūndóho sandɨ̄hɨ́ na. Te jeē jínu ndɨhúxá jnūndóho yáha, te jīnu jeē cuáha Yaā Dios castigo xeēn sɨquɨ̄ cuéchi.

APOCALIPSIS 17:13

Te ndɨhúxí rey un chi squíjnáhan de jnūhun, te nacuāha de poder de jíín jniñu ndíso de nuū quɨtɨ xéén un návāha ndacu tɨ jniñu.

APOCALIPSIS 19:9

Te ni cahān ndajéhé yā jiín rí: Tee ró jnúhun yáha: Nacā jeē ndetū tāca ñáyuu jeē ní cana ya quingoo vico nándāha Yaā cúu Londe. Te ni cahān gā ndajéhé un jíín rí: Tāca jnúhun yáha cúu jnūhun ndaā ni cahān Yaā Dios, achí yá.

APOCALIPSIS 6:11

Yūcuán na te ni jēhe ya sahma cuijín cuhun i jíjnáhan i, te ni cahān yā jiín i jeē na ndétātú i jecu gā tiempo. Chi íyó gá hermano i jeē cájejníñu nuū yā, jeē suni jíni ñúhún cuu i návāha jīnu número i, áchí yá.