APOCALIPSIS 17:1 - New Testament in Mixtec Atatláhuca

¹ Yūcuán na te ni quiji ɨɨn jnáhan ndɨhúxá ndajéhé jeē ní candāhá ndɨhúxá cohō ún, te ni cahān yā jiín rí: Nehen, te na stéén rī nuū rō ndese coo castigo sɨquɨ̄ maá ñahan jnéní jeē cúu ñuu cujéhnu íne nuū iyó cuéhē ndute.

APOCALIPSIS 17:1 ပူးပေါင်းရင်းမြစ်များ

SAN LUCAS 24:32

Te ni cacahān maá de: Jendaá jeē yóhyo ni cacusɨɨ̄ ni yō ná ni nacani ya jnūhun nuū yō ichi ún te ni castūhun cájí yá jnūhun cáhán tutu iī. Achí de.

SAN LUCAS 9:30

Yūcuán na te ni canecoo uū tēe, cándajnūhún de jíín yá. Te cúu de Moisés jiín Elías, tēe ni cahīyo jenahán.

APOCALIPSIS 1:1

Jnūhun yáha cúu jeē ní cachi Yaā Dios nuū Jesucristo ndese coo tācá jniñu quiji, návāha nacastūhun yá nuū ñáyuu cácandíje jeē cácuu i mozo yā. Te stéén yā nuū i tācá jniñu jeē yachī coo. Te ni tají yá ndajéhé yā ni quiji ya ni steén ndijin yā jniñu un núū ruhū Juan jeē cúu ri mozo yā.

APOCALIPSIS 15:1

Te ni jito ri ɨnga jniñu jéhnu ichi ándɨvɨ́ jéē náā ni yō jíto yó. Chi cáhīin uxā ndajéhé yā jeē cuāha ndɨhúxá jnūndóho sandɨ̄hɨ́ na. Te jeē jínu ndɨhúxá jnūndóho yáha, te jīnu jeē cuáha Yaā Dios castigo xeēn sɨquɨ̄ cuéchi.

APOCALIPSIS 16:19

Te máá ñuu cujéhnu Jerusalén, ni cusɨ́ɨn ni nduu unī parte, te nɨ́ɨ́ cáhnu ñayɨ̄vɨ́ ni naa tācá ñuu. Te ñuu teyɨ́ Babilonia, chi ni sáha nahín yá jeē ní ndutahū i castigo xeēn, chi ni quɨtɨ̄ ndasɨ́ ni yā sɨquɨ̄ cuéchi i.

APOCALIPSIS 18:1

Yūcuán na te ni jito ri jeē ní cuun ɨnga ndajéhé yā ni quiji ichi ándɨvɨ́. Te cújéhnu ndasɨ́ yá. Te jeē ndíndēe yá te ni ndindēe núū ñayɨ̄vɨ́.

APOCALIPSIS 19:2

Te ndaā te vāha sándaā yā tācá jniñu, chi ni ndonda ya sɨquɨ̄ cuéchi ñuu neé cújéhnu ún. Chi ni stɨ́vɨ un ñáyuu nɨɨ́ cáhnu ñayɨ̄vɨ jíín jnúhun cásɨ́quɨ́ ndéē Yaā Dios. Te ni sáha ya jeē ní ndutahū ñuu un sɨ́quɨ̄ jeē ní jehni tāca mozo yā. Achí i jíjnáhan i.

APOCALIPSIS 19:9

Te ni cahān ndajéhé yā jiín rí: Tee ró jnúhun yáha: Nacā jeē ndetū tāca ñáyuu jeē ní cana ya quingoo vico nándāha Yaā cúu Londe. Te ni cahān gā ndajéhé un jíín rí: Tāca jnúhun yáha cúu jnūhun ndaā ni cahān Yaā Dios, achí yá.

APOCALIPSIS 21:15

Te ndajéhé jeē ni cáhān jiín rí, ndáhá yá ɨɨn yujnu oro jeē chícuāha yá ñuu un jíín táca yéhyɨ́ jiín máá jéē ndihyú ñuu ún.

APOCALIPSIS 21:9

Yūcuán na te ni quiji ɨɨn jnáhan ndɨhúxá ndajéhé jeē ní candāhá ndɨhúxá cohō jeē ni ñúhun chitú ndɨhúxá jnūndóho sandɨ̄hɨ́. Te ni cahān yā jiín rí: Nehen, te na stéén rī nuū rō ñahan jeē nándāha ña cuu ña ñasɨhɨ́ Yaā cúu Londe, áchí yá.

APOCALIPSIS 4:1

Yūcuán na te ni ndacoto ri, te ni jito ri jeē núne ɨɨn yéhyɨ́ andɨvɨ́, te máá Yaā jeē ni cáhān jiín rí jeē xíhna ñúhún, ni cahān tucu jíín rí nájnūhun jeē tɨ́vɨ trompeta. Te ni cahān: Caa quiji ró yáha, te na stéén rī nuū rō tācá jniñu jeē cóo ichi núú gā, achí yá.