APOCALIPSIS 14:7 - New Testament in Mixtec Atatláhuca

⁷ Te ni cahān jee ya: Conso īyo ró núū Yaā Dios, te na cáhán rō jeē yóhyo cújéhnu ya, chi je ni quee quɨvɨ̄ jeē sándaā yā sɨquɨ̄ rō ndese ni casáha ró. Te na chíñúhún ró yā, chi máá yá ni sáha andɨvɨ́ jíín ñáyɨ̄vɨ jíín mar jiín táca núū cáne ndute, áchí ndajéhé yā.

APOCALIPSIS 14:7 ပူးပေါင်းရင်းမြစ်များ

SAN MATEO 25:13

Yūcuán na te ni cahān yā: Núu súcuan te ndito coo ni rō, chi tu cájini rō na quɨvɨ̄ na hora ndiji ruhū, Yaā ní nduu tēe. Achí yá.

SAN LUCAS 17:18

¿A máñúhún‑ni tēe ñuu jicá yáha cúu jeē ní nandicó de nácuatáhú de nuū Yaā Dios?

HECHOS 14:15

Tátā jijnáhan ní, ma sáha cuɨtɨ ni súcuan, chi sāñá suni tēe‑ni cácuu ná nájnūhun máá ní jíjnáhan ní. Te vējicoo ná nacani ná jnúhun vāha Yaā Dios nuū ní, chi cahān na jíín ní jeē ma sáha ga ni táca jniñu yáha jéē tu ndé jéjníñu cuɨtɨ, chi sa suhva na chíñúhún ní maá Yáā Dios, Yaā técu, Yaā ni sáha andɨvɨ́ jíín ñáyɨ̄vɨ jíín ndute mar jiín táca gá jeē iyó nɨ́ɨ́ cáhnu.

1 PEDRO 4:7

Te je cuacuyajni quɨvɨ̄ jeē náā tāca jéē iyó. Núu súcuan te ndito na cóo xinī rō jijnáhan ró, te condɨhvɨ̄ ni rō cacān tahú rō.

APOCALIPSIS 11:13

Te máá hora un jnáa ndasɨ́, te ndicó cáva naa ɨɨn jeē uxí parte ñuu ún. Te jíín ñujnáa ún cuu uxā mil ñayuu. Te tāca gá ñayuu jeē ndóo, yūhú ndasɨ́ i, te cahān i jeē cujéhnu Yaā Dios jeē ndeé andɨvɨ́.

APOCALIPSIS 11:18

Ñayuu tācá nación ni caquɨtɨ̄ ni i sɨquɨ̄ ní. Te vijna chi ni quee quɨvɨ̄ jeē cuáha ní castigo i, jíín jéē sándaā ní jniñu tāca ndɨ́yɨ. Te cuāha ni táhū nuū tāca mozo ni jéē ní canacani jnūhun ní, jíín núū tāca ñáyuu cájejníñu nuū ní, jíín ñáyuu cáchiñúhún núū ní, cúu ñayuu cácujéhnu jíín jéē tuú. Te vijna te snáhnú ndetū ni ñáyuu castɨ́vɨ ñayɨ̄vɨ́. Achí de jíjnáhan de.

APOCALIPSIS 15:4

Tú ni ɨɨn i íyó jéē ma cónso īyo i nuū ní, Tátā Yaā Dios. Te ndɨhɨ i cahān nahín i jeē yóhyo cújéhnu ní. Chi máñúhún ni máá ní cúu Yaā ndoo Yaā iī. Te quijicoo ñayuu tācá nación, chiñúhún i níhín, chi je ni cajini i jeē ndaā vāha sáha ní táca jniñu. Achí i cájita i.

APOCALIPSIS 16:9

Te xeēn ndasɨ́ ní cayū tāca ñáyuu. Te vēsú súcuan te tu ní cánacani ni i stóo i cuēchi i, ni tu ní cácahān i jeē cujéhnu Yaā Dios. Chi sa suhva ni cacahān ndevāha i sɨquɨ̄ yā jeē ni jéhe ya tācá castigo yáha nuū i.

APOCALIPSIS 18:10

Te cuɨñɨ jícá de chi yūhú de coto de jeē súcuan ndoho ña castigo. Te cahān de jíjnáhan de: Nacā jeē xeēn ndóho ró, ñuu cujéhnu Babilonia, chi yá‑ni ñuu teyɨ́ ní cuu ró núú. Te vijna chi ɨɨn núnúu‑ni te ni quee castigo jeē náā rō, achi de jíjnáhan de.

APOCALIPSIS 18:17

Te vijna te ɨɨn núnúu‑ni te ni naa ndɨhɨ tācá ndajníñu váha ún, achi de jíjnáhan de. Te cuɨñɨ jícá táca tée cáscáca barco, jiín ñáyuu cuángoo nuū barco, jiín tée cásájniñu ini barco, jiín táca gá tēe cásájniñu nuū mar.

APOCALIPSIS 18:19

Te cosō de tɨcachā ñuhun xinī de jeē cácucuíhyá ni de. Te ndahyū de te ndahyū cohó de. Te cana jee de jíjnáhan de: Nacā jeē xeēn ndóho ñuu teyɨ́ yáha. Chi jíín ndajníñu cúcá jeē ni íyo ñuu un ní cacucúcá táca ñáyuu cánevāha barco cájica nuū mar. Te vijna te ɨɨn núnúu‑ni te ni naa ndɨhɨ‑ni, achi de.

APOCALIPSIS 19:5

Te nde nuū mesa nuū ndácu ya jniñu ni cahān ɨɨn jnūhun: Róhó jéē cájejníñu nuū Yaā Dios, jíín róhó jéē cándiso īyo nuū yā, jeē cácujéhnu jíín jéē tu cácujéhnu, na cáhán rō jeē yóhyo vāha Yaā cúu ya. Achí.

APOCALIPSIS 4:11

Jitoho ná te Yaā Dios na cúu ní. Te vāha ndasɨ́ Yaā cúu ní jéē cácahān i jeē luu cújéhnu ní, te cáhīyo yɨ́ñúhún i nuū ní, te jnɨ́ɨ ní ndɨhɨ poder. Chi máá ní ni sáha ndɨhɨ jeē iyó, te sɨquɨ̄ jeē súcuan ni cuu ni maá ní te ni jecōo ndɨhɨ. Achí de jíjnáhan de.

APOCALIPSIS 4:9

Chi máni jeē cácahān ndɨcúún un jéē cujéhnu ndasɨ́ máá Yaā jeē néne nuū mesa, Yaā jeē técu nɨɨ́ cáni cuɨtɨ. Te yɨ́ñúhún cácahān un jíín yá, te nácuatáhú núū yā.

APOCALIPSIS 8:10

Te ndajéhé unī ni tɨvɨ yā trompeta. Te ni nɨngava ɨɨn quɨ̄mɨ cáhnu ichi ándɨvɨ́, te cáyú nájnūhun cáyú ɨɨn yɨtɨ cáhnu. Te ni nɨngava sɨquɨ̄ ɨɨn ɨɨn jeē tāca únī yūte jíín núū cáne ndute.