APOCALIPSIS 14:13 - New Testament in Mixtec Atatláhuca

¹³ Yūcuán na te ni jini sōho ri ɨɨn jnūhun ichi ándɨvɨ́ jéē ni cáhān jiín rí: Tee ró jnúhun jeē cahán rī jiín ró yāhá: Nacā jeē ndetū tāca ñáyuu cácandíje Jitoho yō jeē cájihī vijna jíín ndé nɨɨ́ cuáhān yō. Jendaá chi ndetātú i jeē ní casáha i jniñu váha, te jniñu i un má náā chi sáha jeē quendōo vāha i nɨ́ɨ́ cáni, áchí Espíritu.

APOCALIPSIS 14:13 ပူးပေါင်းရင်းမြစ်များ

SAN MATEO 3:17

Te ichi ándɨvɨ́ ni cahān ɨɨn jnūhun: Yāha cúu Sēhe ri jeē maní ndasɨ́ rí jiín, te yōhyo cúsɨɨ̄ ni rī jiín, áchí.

SAN LUCAS 16:25

Te ni cahān Abraham jiín de: Séhē, nucūhun ni rō jeē ni níhīn rō ndɨhɨ jeē váha ná ni cotecu rō, te Lázaro chi sa suhva jnūndóho ni nihīn de. Te vijna je ni ndusɨɨ̄ ni de yāhá, te róhó chi ndóho ró jíñā.

SAN LUCAS 16:9

’Núu súcuan te cáhán rī jiín ró jeē ndichí gá na sáha ró vēsú jeē ni sáha mozo ndichí un. Chi ini ñayɨ̄vɨ yáha nuū yɨ́hɨ cuēchi, na sáha ró jniñu váha jíín xúhun ró, cuāha ró núū ñáyuu ndahú, návāha vēsú núu ni ndɨhɨ xūhun ró ñayɨ̄vɨ yáha, te quɨ̄vɨcoo ró andɨvɨ́ núū coo vehe ró nɨ́ɨ́ cáni.

ROMANOS 14:8

Chi núu técu yō, te técu yō jeē cuajníñu yó núū maá Jítoho yō. Te núu cuu yō, te suni cuu yō sɨquɨ̄ jeē cuní maá Jítoho yō. Núu súcuan te núu jeē cótecu yō chí jéē cuu yō, te yɨ́hɨ yó ndaha Jítoho yō.

1 CORINTIOS 15:18

Te núu jeē súcuan cúu núú, te suni je ni cajnahnū ndetū ñayuu ni cacandíje Cristo.

1 CORINTIOS 15:20

Te tuú chi íyó ndáā jeē ní natecu Cristo mēhñu ndɨ́yɨ. Te máá yá cúu jeē xíhna gā ni natecu nuū tāca gá ndɨ̄yɨ jeē natecu.

1 CORINTIOS 15:58

Jeē yúcuan, ñánī mánī, cuɨñɨ nīhin ró te ma cáca yátá ró jijnáhan ró. Te níní na sájniñu vāha ró jíín jniñu máá Jítoho yō. Chi je cájini rō jeē tu cásájniñu cāha ró jiín máá Jítoho yō.

2 CORINTIOS 5:8

Te cácucáhnu ni rī, chi sáha ri cuenta jeē váha ga núu na quénda ri chīji yɨquɨ cúñu yáha te quihīn rī condee rī jiín máá Jítoho yō.

FILIPENSES 2:17

Te vēsú na cúū rī jeē socō rī maá rí nuū yā jeē sɨquɨ́ rohó, te yūcuan cúu jeē nducú rí scandíje ga rī rohó, návāha socō rō maá ró sáha ró jniñu váha jeē cácandíje ró yá. Jeē yúcuan cúsɨɨ̄ ni rī, te cúní rī jeē suni cusɨɨ̄ ni rō jiín rí jijnáhan ró.

1 TESALONICENSES 4:14

Chi nájnūhun cácandíje yó jéē ni jíhī Jesús te ni natecu yā, suni súcuan cácandíje yó jéē nastécu Yaā Dios tāca ñáyuu ni cacandíje nuū Jesús te ni cajihī.

1 TESALONICENSES 4:16

Chi máá Jítoho yō nuu ya quiji ya ichi ándɨvɨ́, te cana jee ya jeē maá yá ndácu jniñu, te cana jee ndajéhé cujéhnu ga, te cuecu trompeta Yaā Dios. Te xīhna gā natecu tāca ndɨ́yɨ jeē ní cacandíje Cristo.

1 TESALONICENSES 5:10

Te máá yá ni jihī yā jehē yō, návāha cotecu ɨnuú yó jíín yá, vēsú núu cotecu gā yō ñayɨ̄vɨ yáha chí cúū yō.

1 TIMOTEO 5:24

Cuēchi sava ñayuu chi je íyó ndijin nde ná tu quɨ̄vɨ i nuū cúndaā cuēchi i. Te cuēchi sava ga i chi cúcuéé te natūu nahín.

1 TIMOTEO 5:25

Te suni súcuan tācá jniñu váha, chi íyó ndijin. Te vēsú ná tu natūu jniñu váha ún, te ma cúu quɨsāhi nɨ́ɨ́ cáni, chi natūu nahín.

APOCALIPSIS 1:11

Te ni cahān jiín rí: Máá rí cúu nájnūhun letra A xīhna ñúhún jíín letra Z jeē sándɨ̄hɨ́ na, chi máá rí cúu Yaā iyó ndé xīhna ñúhún te coo ri nɨɨ́ cáni. Te na tée ró núū ɨɨn tutu tāca jéē cóto ró, te tají ró quihīn nuū ndɨhúxá grupo ñayuu cácandíje jeē cáyūcú i nɨ́ɨ́ cáhnu Asia, suu ini ñuu Efeso, jiín ñuu Esmirna, Pérgamo, Tiatira, Sardis, Filadelfia, jiín Laodicea. Achí.

APOCALIPSIS 10:4

Te ná ni cacahān uxā taja, te je íyó túhva ri jeē tée ri jnūhun un núú. Te ni jini sōho ri ɨɨn jnūhun ichi ándɨvɨ́ jeē ni cáhān jiín rí: Chuvāha ró táca jnúhun jeē ní cacahān uxā taja ún, te ma steén rō, ni ma tée ró, áchí.

APOCALIPSIS 11:15

Te ndajéhé uxā ni tɨvɨ yā trompeta. Te ni jini sōho ri ni cacahān jee ichi ándɨvɨ́. Te súcuan ni cacahān: Tācá nación ñayɨ̄vɨ́ je ni nuquɨhɨ ndaha máá Jítoho yō Yaā Dios jiín Cristo jeē ní tají yá. Te ndacu ya jniñu nɨ́ɨ́ cáni cuɨtɨ. Achí.

APOCALIPSIS 11:19

Yūcuán na te ni nune templo Yaā Dios jeē iyó andɨvɨ́. Te ni cajito ñayuu jeē yúcuan íne yejnū jeē ñúhun contrato yā. Te ni ndindēé taja, te nɨ́hɨn, te cáhán taja, te ni jnāa, te ni cuun xeēn ñɨñɨ́.

APOCALIPSIS 16:17

Te ndajéhé uxā ni jetɨ ya cohō yā nuū tachí. Te ini templo andɨvɨ́ jíín núū mesa nuū ndácu ya jniñu, ni cane ɨɨn jnūhun jeē ni cáhān jee: Je ni jīnu, áchí.

APOCALIPSIS 19:9

Te ni cahān ndajéhé yā jiín rí: Tee ró jnúhun yáha: Nacā jeē ndetū tāca ñáyuu jeē ní cana ya quingoo vico nándāha Yaā cúu Londe. Te ni cahān gā ndajéhé un jíín rí: Tāca jnúhun yáha cúu jnūhun ndaā ni cahān Yaā Dios, achí yá.

APOCALIPSIS 2:1

’Tee ró jnúhun yáha na quíhín nuū jeē cujéhnu nuū ñáyuu cácandíje ñuu Efeso: Súcuan cáhán ruhū, Yaā jeē jnɨ́ɨ ndɨhúxá quɨ̄mɨ jíín ndaváha ri, te jíca cuu ri mēhñú ndɨhúxá candelero oro.

APOCALIPSIS 2:7

Ñayuu iyó sóho na chúsóhó i jeē cahán maá Espíritu Santo jiín táca grupo ñayuu cácandíje. Tāca ñáyuu jeē cúndeyɨ́ sɨ́quɨ̄ jeneé, cuāha ri jnūhun caji i ndehē jeē cúun xinī yújnu jeē sáha jeē cótecu i nɨ́ɨ́ cáni. Te yujnu un íin nuū jardín Yaā Dios nde andɨvɨ́, áchí yá.

APOCALIPSIS 20:6

Te nacā jeē ndetū tāca ñáyuu ndoo ánuá jeē nátecu xīhna gā. Chi ma cúū cuɨtɨ i vuelta uū. Te cuu i sutū nuū Yaā Dios jiín núū Cristo, te ndacu i jniñu jíín yá mil cuiyā.

APOCALIPSIS 21:5

Yūcuán na te ni cahān maá Yaā néne nuū mesa: Condēhé, chi nasáha jeé rí tāca jéē iyó, áchí yá. Te suni ni cahān yā: Tee ró jnúhun yáha. Chi tāca jnúhun yáha cúu jnūhun jeē jiní ndije ró jéē ndaā cúu.

APOCALIPSIS 22:17

Te máá Espíritu Santo jiín máá ñahan jeē nándāha jíín Yaā cúu Londe, cácahān: Nehen, quɨ̄vɨcoo ró ndaha ya, achí. Te tāca ñáyuu jeē jíni sōho, suni na cáhán i: Nehen, quɨ̄vɨcoo ró ndaha ya. Te tāca ñáyuu cájichī jeē cácuni i coho i, na quɨ́vɨcoo i ndaha ya, te súcuan‑ni na cóho i ndute jeē cótecu i nɨ́ɨ́ cáni sáha.

APOCALIPSIS 6:11

Yūcuán na te ni jēhe ya sahma cuijín cuhun i jíjnáhan i, te ni cahān yā jiín i jeē na ndétātú i jecu gā tiempo. Chi íyó gá hermano i jeē cájejníñu nuū yā, jeē suni jíni ñúhún cuu i návāha jīnu número i, áchí yá.