APOCALIPSIS 12:10 - New Testament in Mixtec Atatláhuca

¹⁰ Yūcuán na te ni jini sōho ri ɨɨn jnūhun jeē cahán jee ichi ándɨvɨ́: Je ni quee quɨvɨ̄ jeē jínu jnama ya yohó, jíín jéē steén ndijin yā jeē jnɨ́ɨ ya poder, jiín jéē ndácu ya jniñu, jíín jéē ndíso jníñu máá Cristo jeē ní tají yá. Chi je ni quenehen ya maá jéē cahán cuēchi sɨquɨ̄ tācá hermano yō. Chi nduú ñuú ni cahān cuēchi sɨquɨ̄ i nuū Yaā Dios maá yó.

APOCALIPSIS 12:10 ပူးပေါင်းရင်းမြစ်များ

SAN MATEO 26:64

Te ni cahān yā: Suu ri cúu, nájnūhun cáhán rō. Te na cástūhun rí nuū rō jijnáhan ró jéē tāca quɨ́vɨ jeē quíji te coto ró rúhū, Yaā ní nduu tēe, condee rī lado váha Yaā iyó poder. Te coto ró jéē ndíji ri ichi ándɨvɨ́ jíín vícō. Achí yá.

SAN MATEO 28:18

Te ni quee ya nde nuū de, ni cahān yā jiín de: Je ni jēhe Tátá rī ndɨhɨ poder nuū rī jeē ndácu ri jniñu andɨvɨ́ jíín ñáyɨ̄vɨ́.

SAN MATEO 6:10

Te ñúhun ni na jéē yachī quiji quɨvɨ̄ ndacu ní jniñu nɨ́ɨ́ ñáyɨ̄vɨ yáha. Te na cóo tācá jniñu nújnahan ni ní, nájnūhun íyó ini andɨvɨ́, súcuan na cóo ini ñayɨ̄vɨ́.

SAN LUCAS 11:2

Te ni cahān yā jiín de: Jeē cacán tahú rō, te suhva cahān rō: Tátá maá ná jijnáhan ná jéē ndeé ní andɨvɨ́, níní na cóo yɨ́ñúhún ná nuū ní, chi Yaā iī cúu ní. Te ñúhun ni na jéē yachī quiji quɨvɨ̄ ndacu ní jniñu nɨ́ɨ́ ñáyɨ̄vɨ yáha. Te na cóo tācá jniñu nújnahan ni ní, nájnūhun íyó ini andɨvɨ́, súcuan na cóo ini ñayɨ̄vɨ́.

SAN LUCAS 22:31

Te suni ni cahān maá Jítoho yō jiín Simón Pedro: Simón, cuni sōho ró, chi ni jicān Satanás rohó jíjnáhan ró jéē coto ndee rohó nájnūhun jeē síjin trigo, te stúu ndé ɨɨn ró cácuu nájnūhun paja jeē nayūhu ró, te ndé ɨɨn ró cácuu nájnūhun trigo jeē candíje nīhin ró.

1 CORINTIOS 5:4

Núu súcuan te na ndútútú ró jijnáhan ró, te máá Jítoho yō Jesucristo coo ya jiín ró. Te máá rí chi nájnūhun cone ri jiín ró, chi ñúhún ni rī rohó. Te poder maá Jítoho yō Jesús suni coo jíín ró.

2 CORINTIOS 12:9

Te ni cahān yā jiín rí: Tuú chi tu cúmanī jeē cundáhú ni rī rohó. Chi ñayuu jeē tú na fuerza ini, sáha ri jeē nducuehē gā fuerza maá rí ini i, ni achi yā. Núu súcuan te cúsɨɨ̄ ni rī jeē tú na fuerza ini rī, chi súcuan te nducuehē gā fuerza Cristo ini rī.

TITO 2:3

Te suni súcuan tācá ñahan jéhnu, na sáha yɨ́ñúhún ña, te ma sajnúhún ña, te ma nájīni ña. Te na stéén ña tāca jéē váha.

1 PEDRO 5:8

Te cájí na cóo xinī rō te ndito coo ni rō. Chi jexeén jeē jíto uhū rohó, jíca cuu ndúcú squɨ́vɨ róhó jíjnáhan ró núū cuéchi. Te xeēn gā sáha vēsú ndɨcaha jeē īyo ndáhyú.

APOCALIPSIS 11:15

Te ndajéhé uxā ni tɨvɨ yā trompeta. Te ni jini sōho ri ni cacahān jee ichi ándɨvɨ́. Te súcuan ni cacahān: Tācá nación ñayɨ̄vɨ́ je ni nuquɨhɨ ndaha máá Jítoho yō Yaā Dios jiín Cristo jeē ní tají yá. Te ndacu ya jniñu nɨ́ɨ́ cáni cuɨtɨ. Achí.

APOCALIPSIS 2:26

Tāca ñáyuu jeē cúndeyɨ́ sɨ́quɨ̄ jeneé, jíín jéē squícu vāha jniñu cúní rī nde vijna te nde quɨvɨ̄ sándɨ̄hɨ́, sáha ri jeē cujéhnu i ndacu i jniñu nuū tācá nación,

APOCALIPSIS 7:10

Te ni cacana jee i: Yaā Dios maá yó cúu jeē ní jnama yóhó, Yaā jeē néne nuū mesa jeē ndácu jniñu, jíín Yaā cúu Londe Yaā Dios. Achí i jíjnáhan i.