APOCALIPSIS 11:9 - New Testament in Mixtec Atatláhuca

⁹ Te ñayuu tācá ñuu, tāca yúcūn, tācá yuhu, tācá nación, chi coto i jeē cáva ndɨndúú ndɨ́yɨ un únī quɨvɨ̄ yosáva, te ma cuáha i jnūhun jeē quíndūji.

APOCALIPSIS 11:9 ပူးပေါင်းရင်းမြစ်များ

SAN MATEO 7:2

Chi nájnūhun cácahān rō sɨquɨ̄ cuéchi ñayuu, suni súcuan cahān yā sɨquɨ̄ cuéchi ró. Te cūhva jeē cándɨhvɨ̄ ni rō sɨquɨ̄ i, suni cūhva yúcuan sáha ya jiín ró.

APOCALIPSIS 10:11

Te ni cacahān jiín rí: Cánuú jéē nacani tucu ró jnúhun Yaā Dios, ndese coo sɨquɨ̄ ñayuu cuehē ñuu jiín cuéhē nación jeē sɨ́ɨn sɨ́ɨn yuhu, jíín sɨ́quɨ̄ cuehē rey cándacu jniñu, áchí jíín rí.

APOCALIPSIS 11:11

Te jeē yáha unī quɨvɨ̄ yosáva ún, te Yaā Dios sáha ya jeē nastáa tachī de, te ndonda‑ni de. Te yūhú ndasɨ́ ñáyuu coto i jeē ní canatecu de.

APOCALIPSIS 13:7

Te tu ní jésɨ ya jeē cuajnáhan tɨ jíín ñáyuu maá Yaā Dios, te cundeyɨ́ tɨ́ jiín i. Te suni ni nihīn jníñu tɨ jeē ndácu tɨ jniñu nuū ñáyuu tāca yúcūn, tācá ñuu, tācá yuhu, tācá nación.

APOCALIPSIS 17:15

Te ni cahān gā yā: Cuehē ndute jeē ní jito ró núū néne ñahan jíca jnéní, suu cúu ñayuu cuehē tācá ñuu, tācá yuhu, tācá nación.

APOCALIPSIS 5:8

Te ná ni quihin ya tutu ún, te ndɨcúún jeē técu jiín ndɨhócó cuūn tēe jéhnu cándiso jníñu, ni cajecuɨñɨ̄ yɨtɨ́ núū yā. Te ná ɨɨn ná ɨɨn tēe jéhnu un cándaha yaa jeē naní arpa, jíín cóhō cūu oro jeē ñúhun chitú súje cutú. Te sūje cutú un cúu máá táca jnúhun jeē cájicān tahú ñayuu yɨ́hɨ ndaha Yaā Dios.

APOCALIPSIS 5:9

Te ni cajita de ɨɨn yaa jeé, te suhva cáhán: Vāha ndasɨ́ Yaā cúu ní jéē quihin ní tutu te cahnde ni sello jeē ndihyú. Chi ni cajehni i níhín, te jíín nɨ́ñɨ̄ ni ní nacuaan ní ñayuu mēhñu táca raza, tācá yuhu, tācá ñuu, tācá nación, návāha cuu i ñayuu Yaā Dios.