APOCALIPSIS 11:15 - New Testament in Mixtec Atatláhuca

¹⁵ Te ndajéhé uxā ni tɨvɨ yā trompeta. Te ni jini sōho ri ni cacahān jee ichi ándɨvɨ́. Te súcuan ni cacahān: Tācá nación ñayɨ̄vɨ́ je ni nuquɨhɨ ndaha máá Jítoho yō Yaā Dios jiín Cristo jeē ní tají yá. Te ndacu ya jniñu nɨ́ɨ́ cáni cuɨtɨ. Achí.

APOCALIPSIS 11:15 ပူးပေါင်းရင်းမြစ်များ

SAN MATEO 24:31

Te tají rí ndajéhé rī quingoo, te tɨvɨ nīhin ya trompeta. Te quinastútú yá ñayuu ní nacāji ri ndɨcúún lado ñayɨ̄vɨ́, nde ɨɨn lado ñayɨ̄vɨ jíín ndé ɨnga lado.

SAN MATEO 6:13

Te ma cuáha ni jnúhun jeē coto ndee jexeén sāñá, chi sa suhva jnama ní sáña núū tāca jéē neé. Chi máá ní cúu Yaā ndácu jniñu, te jnɨ́ɨ ní poder, te yōhyo luu cújéhnu ní nɨ́ɨ́ cáni. Súcuan na cóo. Amén. Achi rō jijnáhan ró.

SAN LUCAS 1:33

Te nɨ́ɨ́ cáni ndacu i jniñu nuū ñáyuu nación Israel. Te ma ndɨ́hɨ cuɨtɨ jeē ndácu i jniñu. Achí ndajéhé.

SAN LUCAS 15:10

Te cáhán rī jiín ró jeē suni súcuan cúsɨɨ̄ ni tācá ndajéhé Yaā Dios sɨquɨ̄ ɨɨn ñayuu iyó cuéchi núu nacani ni i jeē stóo i cuēchi i. Achí yá.

SAN LUCAS 15:6

Te núu ni ndee rō vehe ró, te nastútú ró tācá amigo rō jiín ñáyuu yúcu yajni jíín ró, te cahān rō jiín i: Na cúsɨɨ̄ ni yō, chi ni nanihīn rī lanchi ri jeē ní sana. Achi rō.

HECHOS 4:26

Ni cacutútú jéē cácuu rey ñayɨ̄vɨ jíjnáhan, te tēe cácujéhnu ni cacutútú de, te ɨnuú‑ni ni candonda de sɨquɨ̄ maá ní jeē cúu ní Jitoho ná, jíín sɨ́quɨ̄ Cristo, Yaā jeē ní jeni ní. Achí David.

HEBREOS 1:8

Te jnūhun Sēhe ya chi sa suhva cáhán yā: Máá ró cúu Yaā Dios, te ndacu ró jniñu nɨ́ɨ́ cáni, te jniñu ndácu ró, máni jniñu ndaā cúu.

APOCALIPSIS 10:7

Chi núu na quéjéé ndajéhé uxā tɨvɨ yā trompeta, yūcuán na te squícu‑ni Yaā Dios jnūhun sāhi yá, nájnūhun ni castūhun yá nuū tāca mozo yā, tēe ni canacani jnūhun ya nde jenahán, áchí ndajéhé.

APOCALIPSIS 12:10

Yūcuán na te ni jini sōho ri ɨɨn jnūhun jeē cahán jee ichi ándɨvɨ́: Je ni quee quɨvɨ̄ jeē jínu jnama ya yohó, jíín jéē steén ndijin yā jeē jnɨ́ɨ ya poder, jiín jéē ndácu ya jniñu, jíín jéē ndíso jníñu máá Cristo jeē ní tají yá. Chi je ni quenehen ya maá jéē cahán cuēchi sɨquɨ̄ tācá hermano yō. Chi nduú ñuú ni cahān cuēchi sɨquɨ̄ i nuū Yaā Dios maá yó.

APOCALIPSIS 15:4

Tú ni ɨɨn i íyó jéē ma cónso īyo i nuū ní, Tátā Yaā Dios. Te ndɨhɨ i cahān nahín i jeē yóhyo cújéhnu ní. Chi máñúhún ni máá ní cúu Yaā ndoo Yaā iī. Te quijicoo ñayuu tācá nación, chiñúhún i níhín, chi je ni cajini i jeē ndaā vāha sáha ní táca jniñu. Achí i cájita i.

APOCALIPSIS 16:17

Te ndajéhé uxā ni jetɨ ya cohō yā nuū tachí. Te ini templo andɨvɨ́ jíín núū mesa nuū ndácu ya jniñu, ni cane ɨɨn jnūhun jeē ni cáhān jee: Je ni jīnu, áchí.

APOCALIPSIS 17:14

Te cuajnáhan de jíín Yaā cúu Londe. Te Yaā cúu Londe quende yā poder de jíjnáhan de. Chi máá yá cúu Jitoho nuū tāca jítoho, te máá yá cúu Rey nuū tāca rey. Te ñayuu cáhīin jíín yá, chi ni nacāji Yaā Dios i te ni cana ya i, te cásquícu vāha i. Achí ndajéhé un.

APOCALIPSIS 19:1

Te ná ni cuu tāca jéē yáha, te ni jini sōho ri jeē cahán jee cuehē ndasɨ́ ñáyuu ini andɨvɨ́: Yōhyo cújéhnu Yaā Dios. Chi Yaā Dios maá yó cúu jeē ní jnama yóhó. Te máá yá cujéhnu ndasɨ́, te máá yá jnɨ́ɨ ndɨhɨ poder.

APOCALIPSIS 19:6

Te ni jini sōho ri jeē cácahān ñayuu cuehē ndasɨ́, te nɨ́hɨn nájnūhun nɨ́hɨn cuehē yūte, te nájnūhun jeē cahán nīhin taja. Te ni cacahān: Yōhyo cújéhnu ya. Chi Jitoho yō Yaā Dios, Yaā jnɨ́ɨ ndɨhɨ poder, vijna te ndácu nīhin ya jniñu.

APOCALIPSIS 20:4

Te ni jito ri tāca mesa nuū ndácu jniñu, te yūcuan cáyūcu táca ñáyuu jeē ní canihīn jníñu i sándaā i jniñu. Te suni ni jito ri anuá tāca ñáyuu jeē ní cajehnde xinī i sɨquɨ̄ jeē ní canacani i jnūhun Jesús jiín jnúhun Yaā Dios. Te tu ní cáchiñúhún i quɨtɨ xéén jiín imagen tɨ̄, ni tu ní cájēhe i jnūhun jeē cóndee jnunī tɨ̄ jneē i chí ndaha i. Te ni jito ri jeē ní natecu i te ni candacu i jniñu jíín Cristo mil cuiyā.

APOCALIPSIS 8:12

Te ndajéhé cuūn ni tɨvɨ yā trompeta. Te ɨɨn jeē uní parte niāndii jiín yóō jiín quɨ́mɨ ni tɨ̄vɨ́. Te ni ndunee ɨɨn jeē uní parte i, te tuá ni cúndijin ɨɨn jeē uní parte nduú jíín ñuú.

APOCALIPSIS 9:1

Te ndajéhé uhūn ni tɨvɨ yā trompeta. Te ni jito ri jeē ichi ándɨvɨ́ ní nɨngava ɨɨn quɨ̄mɨ nde ini ñayɨ̄vɨ́. Te nuū quɨ́mɨ un ní jēhe ndacáa jeē núne tūhnchi cúnú ndasɨ́.

APOCALIPSIS 9:13

Te ndajéhé iñū ni tɨvɨ yā trompeta. Te ni jini sōho ri ɨɨn jnūhun jeē ni cáhān nde mēhñú ndɨcúún yɨquɨ̄ altar oro jeē íin nuū Yaā Dios.