APOCALIPSIS 11:1 - New Testament in Mixtec Atatláhuca

¹ Yūcuán na te ni cajēhe ɨɨn yujnu nuū rī, jeē cúu ɨɨn cūhva jeē chícuāha. Te ni cacahān jiín rí: Ndocuɨñɨ̄ te chicuāha ró templo cáhnu Yaā Dios jiín altar, te cahu ró nasaa ñayuu cúu jeē cáchiñúhún núū yā yūcuán.

APOCALIPSIS 11:1 ပူးပေါင်းရင်းမြစ်များ

2 CORINTIOS 6:16

¿Te ndese cuu quijnáhan templo Yaā Dios jiín ídolo? Chi máá ró cácuu templo Yaā Dios, Yaā técu, chi ndéé yá ini anuá rō, nájnūhun ni cahān yā: Condee rī ini i te caca cuu ri mēhñú i, te cuu ri Yaā Dios maá i, te cuu i ñayuu maá rí.

1 PEDRO 2:5

Te máá ró chi cácuu ró nájnūhun ɨɨn ɨɨn yuū jeē cúvāha templo Yaā Dios, te cotecu rō nɨɨ́ cáni. Te na cuáha ró jnúhun jeē sama ya rohó jíjnáhan ró jéē cúvāha templo yā, cúu jeē ndeé Espíritu yā ini anuá rō nájnūhun ini ɨɨn templo. Te suni cúní Yaā Dios jeē cuu ró sútū cáhīyo ndoo cájejníñu nuū yā. Chi sɨquɨ̄ jeē ni sáha Jesucristo jehē rō, te na sócó rō maá ró jeē cuajníñu ró núū yā sáha ró táca jniñu váha jeē nújnahan ni Yaā Dios.

1 PEDRO 2:9

Te máá ró cácuu ñayuu jeē ní nacāji Yaā Dios. Te suni cácuu ró sútū cájejníñu nuū maá Yaā cúu Rey, te ñayuu cáhīyo ndoo, jíín ñáyuu maá yá cácuu ró. Súcuan ni sáha Yaā Dios rohó návāha nacani ró jnúhun ndese yōhyo jéhnu jniñu sáha ya, chi máá yá ni cana róhó ná ni coyūcu ró nájnūhun nuū néē. Te ni squɨ́vɨcoo ya rohó núū luz yā jeē yóhyo vāha stéén yā ini anuá rō.

APOCALIPSIS 10:11

Te ni cacahān jiín rí: Cánuú jéē nacani tucu ró jnúhun Yaā Dios, ndese coo sɨquɨ̄ ñayuu cuehē ñuu jiín cuéhē nación jeē sɨ́ɨn sɨ́ɨn yuhu, jíín sɨ́quɨ̄ cuehē rey cándacu jniñu, áchí jíín rí.

APOCALIPSIS 21:15

Te ndajéhé jeē ni cáhān jiín rí, ndáhá yá ɨɨn yujnu oro jeē chícuāha yá ñuu un jíín táca yéhyɨ́ jiín máá jéē ndihyú ñuu ún.