APOCALIPSIS 10:5 - New Testament in Mixtec Atatláhuca

⁵ Yūcuán na te ndajéhé jeē ní jito ri jeē íin nuū mar jiín núū ñúhun, ni ndonehen ya ndaha váha ya ichi ándɨvɨ́.

APOCALIPSIS 10:5 ပူးပေါင်းရင်းမြစ်များ

HECHOS 14:15

Tátā jijnáhan ní, ma sáha cuɨtɨ ni súcuan, chi sāñá suni tēe‑ni cácuu ná nájnūhun máá ní jíjnáhan ní. Te vējicoo ná nacani ná jnúhun vāha Yaā Dios nuū ní, chi cahān na jíín ní jeē ma sáha ga ni táca jniñu yáha jéē tu ndé jéjníñu cuɨtɨ, chi sa suhva na chíñúhún ní maá Yáā Dios, Yaā técu, Yaā ni sáha andɨvɨ́ jíín ñáyɨ̄vɨ jíín ndute mar jiín táca gá jeē iyó nɨ́ɨ́ cáhnu.

HECHOS 17:23

Chi ni jica nuu ná, te ni jecondēhe ná nuū jeē cáchiñúhún ní, te ni jito ná ɨɨn altar jeē yosó jnúhun yáha: Yāha cúu altar yaā jeē ná tu cuni yō jnūhun ya, achí. Te máá Yáā un jéē cáchiñúhún ní, vēsú ná tu cuni ni jnúhun ya, suu jnūhun Yaā un cúu jeē nácani ná núū ní vijna.

ROMANOS 1:20

Chi jíín táca jeē ni sáha ya te cúu jécūhun ni ñayuu ndese Yaā cúu máá Yaā tu jíto i nuū. Chi nde ni jecōo ñayɨ̄vɨ jíín ndé vijna te cúu jécūhun vāha ni i jeē maá yá cúu Yaā Dios te íyó poder yā nɨɨ́ cáni. Te jeē yúcuan má cúu cuɨtɨ cahān i jeē tu jíní i jeē iyó yá.

HEBREOS 6:13

Chi quɨvɨ̄ jeē ni jéjnūhun Yaā Dios nuū Abraham, te ni ndacunehen ya maá yá jeē ni jéjnūhun téyɨ́ yá, chi tuá na ɨnga ndacunehen ya jeē cujéhnu ga vēsú maá yá jeē cuu testigo yā.

APOCALIPSIS 1:18

Te Yaā técu cúu ri. Chi ni jihī rī te ni natecu rī, te vijna chi técu rī nɨɨ́ cáni. Te máá rí jnɨ́ɨ poder sɨquɨ̄ cuéhyɨ̄ jéhni ñayuu jiín sɨ́quɨ̄ lugar nuū cáyūcu ánuá ndɨ̄yɨ.

APOCALIPSIS 10:2

Te ndáhá yá ɨɨn libro lulí jéē núne. Te ni jeni ya jehē váha ya nuū mar, te jehē jecó yá nuū ñúhun íchi.

APOCALIPSIS 14:7

Te ni cahān jee ya: Conso īyo ró núū Yaā Dios, te na cáhán rō jeē yóhyo cújéhnu ya, chi je ni quee quɨvɨ̄ jeē sándaā yā sɨquɨ̄ rō ndese ni casáha ró. Te na chíñúhún ró yā, chi máá yá ni sáha andɨvɨ́ jíín ñáyɨ̄vɨ jíín mar jiín táca núū cáne ndute, áchí ndajéhé yā.

APOCALIPSIS 16:17

Te ndajéhé uxā ni jetɨ ya cohō yā nuū tachí. Te ini templo andɨvɨ́ jíín núū mesa nuū ndácu ya jniñu, ni cane ɨɨn jnūhun jeē ni cáhān jee: Je ni jīnu, áchí.

APOCALIPSIS 4:11

Jitoho ná te Yaā Dios na cúu ní. Te vāha ndasɨ́ Yaā cúu ní jéē cácahān i jeē luu cújéhnu ní, te cáhīyo yɨ́ñúhún i nuū ní, te jnɨ́ɨ ní ndɨhɨ poder. Chi máá ní ni sáha ndɨhɨ jeē iyó, te sɨquɨ̄ jeē súcuan ni cuu ni maá ní te ni jecōo ndɨhɨ. Achí de jíjnáhan de.

APOCALIPSIS 4:9

Chi máni jeē cácahān ndɨcúún un jéē cujéhnu ndasɨ́ máá Yaā jeē néne nuū mesa, Yaā jeē técu nɨɨ́ cáni cuɨtɨ. Te yɨ́ñúhún cácahān un jíín yá, te nácuatáhú núū yā.