APOCALIPSIS 1:7 - New Testament in Mixtec Atatláhuca

⁷ Cuni sōho jíjnáhan ró, chi ndiji Cristo jiín vícō. Te ndɨvii ñayuu coto i nuū yā, te nde jiín ñáyuu jeē ní castújí i ya. Te tāca raza ñayuu nɨɨ́ cáhnu ñayɨ̄vɨ́ ndahyū i jeē tu ní cácandíje i ya. Súcuan nahín coo.

APOCALIPSIS 1:7 ပူးပေါင်းရင်းမြစ်များ

SAN MATEO 16:27

Chi ruhū, Yaā ní nduu tēe, ndiji ri jiín táca ndajéhé rī, te yōhyo luu cujéhnu ri nájnūhun cújéhnu Tátá rī. Yūcuán na te cuāha ri tahū nuū ɨɨn ɨɨn ñayuu núu ndese jniñu ni casáha i.

SAN MATEO 16:28

Te jendaá cahán rī jiín ró jeē sava tēe cáhīin yāhá, ma cúū de chi nde cuni de jeē maá rí, Yaā ní nduu tēe, ndácu ri jniñu jíín poder rī.

SAN MATEO 24:30

Yūcuán na te coto ñayuu nuū maá rí, Yaā ní nduu tēe, ndiji ri ichi ándɨvɨ́. Te ndahyū ñayuu tācá nación nɨɨ́ cáhnu ñayɨ̄vɨ́. Te coto i nuū ruhū, Yaā ní nduu tēe, ndiji ri jiín vícō andɨvɨ́, te condiso ri cuehē poder, te yōhyo luu cujéhnu ri.

SAN MATEO 25:31

Te ni cahān gā yā: Ɨɨn quɨvɨ̄ te ndiji máá Yaā ní nduu tēe, te cuu ya Rey nuū ñáyuu. Te tācá ndajéhé yā cuɨñɨ nɨ́ɨ́ xiin ya. Te cucōo ya mesa nuū ndácu ya jniñu, te yōhyo luu cujéhnu ya.

SAN MATEO 26:64

Te ni cahān yā: Suu ri cúu, nájnūhun cáhán rō. Te na cástūhun rí nuū rō jijnáhan ró jéē tāca quɨ́vɨ jeē quíji te coto ró rúhū, Yaā ní nduu tēe, condee rī lado váha Yaā iyó poder. Te coto ró jéē ndíji ri ichi ándɨvɨ́ jíín vícō. Achí yá.

SAN MARCOS 13:26

Yūcuán na te coto ñayuu nuū maá rí, Yaā ní nduu tēe, ndiji ri jiín vícō, te condiso ri cuehē poder, te yōhyo luu cujéhnu ri.

SAN MARCOS 14:62

Te ni cahān yā: Suu ri cúu. Te coto ró jéē ruhū, Yaā ní nduu tēe, condee rī lado váha Yaā iyó poder, te ndiji ri ichi ándɨvɨ́ jíín vícō, achí yá.

SAN LUCAS 21:27

Yūcuán na te coto ñayuu nuū maá rí, Yaā ní nduu tēe, ndiji ri jiín vícō, te condiso ri cuehē poder, te yōhyo luu cujéhnu ri.

SAN JUAN 19:34

Te ɨɨn soldado chi ni cují de lanza xiin ya, te ni cane‑ni nɨñɨ̄ jiín ndute.

SAN JUAN 19:37

Te suni ɨnga jnūhun cáhán tutu iī: Ɨɨn quɨvɨ̄ te coto i nuū Yaā jeē ní cují i lanza, achí.

1 TESALONICENSES 1:10

Te cánacani i jeē cándetu ró jéē ichi ándɨvɨ́ ndiji Sēhe ya Jesús jeē ní nastécu yā. Te máá Jesús jnama ya yohó núū castigo xeēn jeē quíji.

1 TESALONICENSES 4:17

Yūcuán na te yóhó jeē cátecu gā yō quɨvɨ̄ ndíji ya, suni ndonehen ya yohó jíín i, quihīn yō mēhñu vícō. Te naquijnáhan yó jíín máá Jítoho yō sava andɨvɨ́. Te súcuan condee yō nɨɨ́ cáni jíín máá Jítoho yō.

HEBREOS 10:29

Te nagā ni cuu jeē ma ndóho xeēn gā ñayuu jeē squéhichī i máá Séhe Yaā Dios, chi nájnūhun jeē jeñú níhnu i sɨquɨ̄ yā. Te sáha i jeē tu ndé jéjníñu nɨñɨ̄ yā jeē ní jetɨ sɨquɨ̄ contrato jeē ndúndoo i nuū yā nuú. Te súcuan sáha ndevāha i nuū maá Espíritu Yaā Dios jeē sáha jeē váha yóhó.

HEBREOS 6:6

Te ñayuu un núu caca yátá i, te ma cúu ga ndejéé jeé i jeē nácani ni i. Chi jeē cáca yátá i cúu nájnūhun jeē nácahni tucu i Sēhe Yaā Dios jicā cruz, te cájēhe i jnūhun canu yā cájito ñayuu.

1 JUAN 3:2

Ñánī mánī, vijna te cúu yó séhe Yaā Dios, te ná tu cuni yō ndese coo yó nɨ́ɨ́ cáni. Te je jíní yō jeē quɨvɨ̄ quénda ndijin Jesucristo, te nduu yó nájnūhun íyó máá yá, chi coto yó núū yā ndese íyó yá.

JUDAS 1:14

Te jeē ní yāha iñū yucūn Adán, te ni cacu Enoc, te ni nacani de jnūhun jeē ni stéén Yaā Dios nuū de sɨquɨ̄ tāca tée yáha, áchí de: Máá Jítoho yō ni steén yā nuū rī jeē ɨɨn quɨvɨ̄ te quiji ya jiín cuéhē mil ñayuu maá yá.

APOCALIPSIS 22:20

Te Yaā jeē ni cáhān tāca jnúhun yáha, suhva cáhán yā: Jendaá jeē ndiji yachī rī, achí yá. Amén. Súcuan na cóo. Jitoho ná Jesús, jícán tahú na jéē ndíji yachī ní.

APOCALIPSIS 22:4

Te coto i nuū yā, te condee sɨhvɨ́ yá jneē i.