APOCALIPSIS 1:3 - New Testament in Mixtec Atatláhuca

³ Yōhyo ndetū ñayuu cahu tutu yáha, te suni yōhyo ndetū ñayuu cuni nahín jeē cáhu ñayuu tāca jnúhun yáha jeē ní cachi Yaā Dios, te chuhun ni i. Chi je cuacuyajni quɨvɨ̄ coo tācá jniñu yósó núū tútu yáha.

APOCALIPSIS 1:3 ပူးပေါင်းရင်းမြစ်များ

SAN MATEO 24:15

’Te Daniel, tēe ni nacani jnūhun Yaā Dios, ni tee de jnūhun ɨɨn tēe néé jéē quíji. Te róhó jéē cácahu tutu ún, na jécūhun ni rō. Chi ɨɨn quɨvɨ̄ te cuni rō jeē sáha ndevāha de jeē stɨ́vɨ de tācá ndajníñu iī ini templo, te cuɨñɨ de ini lugar iī.

SAN LUCAS 11:28

Te ni cahān yā: Sa suhva yōhyo ga ndetū ñayuu cájini nahín jnúhun Yaā Dios te cásquícu i, áchí yá.

ROMANOS 13:11

Súcuan sáha ró jíjnáhan ró, chi sáha ró cuenta jeē cuácuyajni quɨvɨ̄ ndíji ya. Te ma cóo ga rō nájnūhun ñayuu quixí, jeē cúhuun ni rō. Chi vijna je ni cuyajni ga quɨvɨ̄ jnáma ya yohó vēsú quɨvɨ̄ ní candíje yó jnúhun ya.

ROMANOS 13:12

Chi nájnūhun je yajni yāha jecuáā, te cuacundijin quɨvɨ̄ jnáma ya yohó. Núu súcuan te na stóo yó jniñu jeē ni sáha yó núū néē, te na cúcutú yó jíín táca jniñu ndaā jeē caca yó jiín luz yā.

1 PEDRO 4:7

Te je cuacuyajni quɨvɨ̄ jeē náā tāca jéē iyó. Núu súcuan te ndito na cóo xinī rō jijnáhan ró, te condɨhvɨ̄ ni rō cacān tahú rō.

2 PEDRO 3:8

Te suni ma náā ni rō jnūhun yáha, ñánī mánī: Jeē nuū maá Jítoho yō chi ɨɨn quɨvɨ̄ cúu nájnūhun mil cuiyā, te mil cuiyā cúu nájnūhun ɨɨn quɨvɨ̄‑ni.

APOCALIPSIS 22:10

Te ni cahān gā ndajéhé un jíín rí: Ma chísāhi ró táca jnúhun Yaā Dios jeē yosó núū tútu yáha, chi je cuacuyajni tiempo jeē cúndaā ndɨhɨ.

APOCALIPSIS 22:12

Jendaá jeē ndiji yachī rī, achí Jesús. Te quiji ri jiín táhū cuāha ri nuū ɨɨn ɨɨn ñayuu, núu ndese jniñu ni casáha i.

APOCALIPSIS 22:20

Te Yaā jeē ni cáhān tāca jnúhun yáha, suhva cáhán yā: Jendaá jeē ndiji yachī rī, achí yá. Amén. Súcuan na cóo. Jitoho ná Jesús, jícán tahú na jéē ndíji yachī ní.

APOCALIPSIS 3:11

Te yachī ndiji ri. Núu súcuan te quendōo nīhin ró jíín jnúhun cácandíje ró, návāha ni ɨɨn ma quénde premio rō.