3 JUAN 1:12 - New Testament in Mixtec Atatláhuca

¹² Tāca ñáyuu chi cácahān i jeē vāha sáha Demetrio. Te jniñu ndaā jeē sáha de, stéén jeē tée ndaā cúu de. Te suni súcuan cácahān maá rí, te cájini rō jeē iyó ndáā jnūhun cáhán rī.

3 JUAN 1:12 ပူးပေါင်းရင်းမြစ်များ

SAN JUAN 19:35

Te máá rí jeē tée tutu yáha, ni jito ri jeē súcuan ni cuu, te nácani ndaā rī jnūhun ndese ni cuu. Te jíní rī jeē iyó ndáā jnūhun cáhán rī, návāha suni candíje máá ró jijnáhan ró.

SAN JUAN 21:24

Te tēe scuáha un jéē maní gā Jesús jiín, suu cúu ruhū jeē nácani jnūhun tācá jniñu yáha, te suu ri tée tāca jnúhun yáha. Te cájini rō jijnáhan ró jéē iyó ndáā jnūhun nácani ri.

HECHOS 10:22

Te ni cacahān mozo un: Cornelio, tēe cúu capitán, ni tají de sāñá. Te tēe ndaā, tēe ndíso īyo nuū Yaā Dios cúu de, te tāca ñáyuu hebreo suni cácahān i jeē tée vāha cúu de. Te ni cahān ɨɨn ndajéhé yā jiín de jeē na cána de níhín jéē ní vehe de te chusóhó de jnūhun cahān ni jíín de.

HECHOS 22:12

’Te yūcuan ní condee ɨɨn tēe nání Ananías, te tāca jnáhan yó hebreo yūcuan cácahān jeē tée vāha cúu Ananías, chi vāha squícu de ley jeē ni jéhe ya nuū Moisés.

HECHOS 6:3

Núu súcuan te róhó, hermano, nacāji ró úxā jnáhan máá yó, te na cóndiso jníñu de saja de staā. Te nacāji ró tée jeē cájejnúhún ñáyuu de, tēe ndíchí jéē ní cunuú Espíritu Santo jiín de.

1 TESALONICENSES 4:12

Súcuan na sáha ró návāha ñayuu tu cándíje, cuatáhú i róhó, te suni ma cúmanī jeē cotecu rō.

1 TIMOTEO 3:7

Te cánuú cuu de tēe jeē suni nde ñayuu tu cácandíje, cuajnúhún i de, návāha ma nihín i cuēchi sɨquɨ̄ de, te ma cúndeyɨ́ jexeén jíín de.