2 JUAN 1:5 - New Testament in Mixtec Atatláhuca

⁵ Hermana, cáhán ndahú ná jiín ní jeē na cúndáhú ni yō jnáhan yó. Te jnūhun tée ná yáha cuájeē nuū ní, nasūú ɨɨn jniñu jéé sá ndácu ya cúu, chi jniñu ní ndacu ya nuū yō nde ná ni quejéé yó candíje yó cúu.

2 JUAN 1:5 ပူးပေါင်းရင်းမြစ်များ

SAN JUAN 15:12

Te yāha cúu jniñu ndácu ri nuū rō jijnáhan ró: jeē na cúndáhú ni rō jnáhan ró nájnūhun cúndáhú ni rī rohó.

SAN JUAN 15:17

Te yāha cúu jniñu ndácu ri nuū rō: jeē na cúndáhú ni rō jnáhan ró.

GÁLATAS 5:22

Te ñayuu jeē nduú i jíín Espíritu, tācá jniñu yáha sáha ya jiín i: Jeē cundáhú ni jnáhan, jeē cúsɨɨ̄ ni, jeē iyó ndeyɨ́ sɨ́ɨ̄ ni, jeē iyó paciencia, jeē maní ni, jeē váha ni, jeē squícu vāha,

EFESIOS 5:2

Te níní cundáhú ni rō jnáhan ró, nájnūhun ni cundáhú ni Cristo yohó, te ni socō yā maá yá jehē yō, ni cuu ya nájnūhun ɨɨn londe jeē jeén asɨ̄n nuū Yaā Dios jeē ni sócō yā maá yá.

1 TESALONICENSES 4:9

Te tu jíni ñúhún jéē tée ri nuū carta yáha jéē coo manī rō jiín táca hermano, chi je ni steén Yaā Dios nuū rō jeē coo manī rō jiín jnáhan ró.

HEBREOS 13:1

Ma jécuɨñɨ̄ rō jijnáhan ró jéē cundáhú ni rō hermano rō cácandíje.

1 PEDRO 4:8

Te jeē cánuú gá cúu jeē cundáhú ndasɨ́ ni rō jnáhan ró. Chi núu cundáhú ni yō jnáhan yó, te íyó jnúhun cáhnu ni nuū cuehē cuēchi.

2 PEDRO 1:7

Te sɨquɨ̄ ún chisóó ró jeē cóo manī rō jiín jnáhan ró, te sɨquɨ̄ ún chisóó ró jeē cundáhú ni rō jnáhan ró.

1 JUAN 3:11

Yāha cúu jnūhun jeē ní cajini sōho ró ndé jeē xíhna ñúhún: jeē na cúndáhú ni yō jnáhan yó.

1 JUAN 3:23

Te yāha cúu jniñu ndácu ya: jeē na cándíje yó jéē ni sáha Sēhe ya Jesucristo jehē yō, jiín jéē na cúndáhú ni yō jnáhan yó, nájnūhun ni ndacu ya jniñu nuū yō.

1 JUAN 4:20

Te núu ɨɨn ñayuu cahán i jeē maní i jíín Yaā Dios, te núu quɨ́tɨ́ ni i nuū jnáhan i, núu súcuan te ñayuu stahú‑ni cúu i. Chi núu ɨɨn ñayuu tu íyó mánī i jíín jnáhan i jeē jíto i nuū, te ni ma cúu coo manī i jíín Yaā Dios jeē tu jíto i nuū yā.

2 JUAN 1:1

Máá ná cúu tēe jéhnu ndíso jníñu, te tée ná carta yáha cuájeē nuū ni jéē cúu ní hermana ni nacāji Yaā Dios, jiín núū séhe ní jíjnáhan i. Te manī na jíín ní jijnáhan ní sáha jnūhun ndaā yā, te nasūu máá‑ni ná, chi suni tāca ñáyuu jiní jnūhun ndaā.