1 JUAN 2:20 - New Testament in Mixtec Atatláhuca

²⁰ Te máá ró jijnáhan ró, chi Cristo ni jēhe ya Espíritu Santo, ndeé yá ini anuá rō, te jeē yúcuan cájini rō jnūhun ndaā.

1 JUAN 2:20 ပူးပေါင်းရင်းမြစ်များ

SAN MATEO 13:11

Te ni cahān yā jiín de: Róhó jíjnáhan ró chi sáha ya jeē cájecūhun ni rō jnūhun ni yɨsāhi yáha, ndese quɨ́vɨcoo ñayuu ndaha Yaā andɨvɨ́ jeē ndacu ya jniñu nuū i. Te ñayuu yáha jéē tu cácandíje, chi ma jécūhun ni i.

SAN MARCOS 1:24

¿Naun vēji ní núū na jíjnáhan ná, Jesús ñuu Nazaret? ¿A véji ní jéē snáā ni sáña, chí naún? Je jíní na ndé ɨɨn cúu ní, chi Sēhe iī Yaā Dios cúu ní. Achí de.

SAN LUCAS 4:18

Espíritu maá Jítoho yō Yaā Dios iyó yá jiín rí, chi ni tejníñu ya ruhū jeē nácani ri jnūhun vāha nuū ñáyuu ndahú. Te ni tají yá ruhū vēji ri jiín jnúhun jeē ndúvāha ni ñayuu cácucuíhyá ni. Te castūhun rí nuū ñáyuu cáyɨhɨ ndaha jexeén jeē coo libre i. Te sáha ri jeē ndúndijin ini anuá ñayuu tu cájecūhun ni, te jnama ri ñayuu jeē cándoho i sáha jnáhan i.

SAN LUCAS 4:34

Cujiyo ní. ¿Naun vēji ní núū na jíjnáhan ná, Jesús ñuu Nazaret? ¿A véji ní jéē snáā ni sáña, chí naún? Je jíní na ndé ɨɨn cúu ní, chi Sēhe iī Yaā Dios cúu ní. Achí de.

SAN JUAN 14:26

Te Tátá rī chi tají yá Espíritu Santo, quiji nucuɨñɨ̄ nuū rī. Te máá yá chindéé ñáhán yá rohó, te sáha ya jeē cóo sɨɨ̄ ni rō. Te stéén yā tāca jnúhun nuū rō, te nacachi tucu ya tāca jéē ni cáhān rī jiín ró.

SAN JUAN 16:13

Te jeē quée maá Espíritu jeē steén jnūhun ndaā, te máá yá steén tāca jnúhun ndaā un núū rō. Chi ma cahán yā jeē maá yá, chi cahān yā tāca jéē jíni sōho ya cahán Yaā Dios. Te stéén yā sɨquɨ̄ tācá jniñu jeē coo.

HECHOS 10:38

Te cájini ni jéē Yaā Dios ni jēhe ya Espíritu Santo jiín poder nuū Jesús, Yaā ní jehnu ñuu Nazaret. Te cájini ni jéē ní jica cuu ya ni sáha ya jniñu váha, te ni nasávāha ya tāca ñáyuu jeē cándoho i sáha jexeén, chi Yaā Dios ni chindéé ñáhán yá Jesús.

HECHOS 3:14

Te ni casquéhichī ni yá vēsú cúu ya Yaā ndaā, Yaā iī. Te sa suhva ɨɨn tēe jéhni ndɨ̄yɨ ni cacahān ni jíín Pilato jeē na siáá de.

1 CORINTIOS 2:15

Te ñayuu cánevāha Espíritu, chi cájecūhun ni i ndese íyó ndɨhɨ‑ni. Te ñayuu ñayɨ̄vɨ́ ma cúu jecūhun ni i ndese ñayuu cácuu ñayuu ún.

HEBREOS 1:9

Cúsɨɨ̄ ni rō jiín jniñu váha, te jíto uhū rō jniñu néé. Jeē yúcuan ruhū, Yaā Dios maá ró, ni sáha ri jeē yóhyo ga cúsɨɨ̄ ni rō vēsú tāca gá jeē iyó andɨvɨ́.

HEBREOS 8:11

Te tuá jíni ñúhún stéén i nuū jnáhan i nuū ñáni i, návāha cuni i ndese Yaā cúu Jitoho i. Chi ndɨhɨ i cuni ndese Yaā cúu ri, nde ñayuu núu ga jiín ndé ñayuu cujéhnu ga.

1 JUAN 2:27

Te máá ró jijnáhan ró, chi ni jēhe Jesucristo Espíritu Santo, ndeé yá ini anuá rō. Te jeē yúcuan tu jíni ñúhún jéē steén ni ɨɨn ñayuu nuū rō ndé vé cúu jendaá, chi máá Espíritu cúu jeē steén ndɨhɨ nuū rō, te stéén yā jnūhun ndaā, chi tu stáhú cuɨtɨ yā. Núu súcuan te caca ndúú ró jiín Cristo, nájnūhun stéén Espíritu nuū rō.

1 JUAN 4:13

Te máá Espíritu Santo jeē ni jéhe ya jeē ndeé ini yō, máá yá steén jeē nduú yó jiín Yaā Dios, te ndéé Yaā Dios ini yō.

JUDAS 1:5

Te vijna chi vēsú je cájini vāha ró, te cúní rī jeē na núcūhun ni rō ndese ni sáha máá Jítoho yō. Chi ni jnama ya ñayuu Israel jenahán, ni chindéé ñájnáhan ya i jeē ní jinu i ini ñuu tatú Egipto cuahān i. Te vēsú súcuan te cuéé gá te ni snáā yā sava i jeē tu ní cácandíje i.

APOCALIPSIS 3:7

’Te tee ró jnúhun yáha na quíhín nuū jeē cujéhnu nuū ñáyuu cácandíje ñuu Filadelfia: Súcuan cáhán ruhū, Yaā ndoo Yaā ndaā, te névāha ri ndacáa rey David. Te máá rí núne jeē quɨ́vɨ ñayuu nuū ndácu ri jniñu, te ni ɨɨn ma cúu casɨ, te máá rí jésɨ, te ni ɨɨn ma cúu nune.

APOCALIPSIS 4:8

Te ndɨcúún jeē técu un íyó íñū ndijēn jeē ɨ́ɨn ɨɨn. Te máni máá tɨ́nūu cúu nɨ́ɨ́ cáhnu nde jiín nɨ́ɨ́ chíji ndijēn. Te nduú ñuú tu jécuɨñɨ̄ cuɨtɨ jeē cahán: Yaā iī Yaā ndoo ndasɨ́ cúu máá Jítoho yō Yaā Dios, Yaā jnɨ́ɨ ndɨhɨ poder, Yaā iyó vijna, te ni īyo yá nɨɨ́ cáni, te coo ya nɨɨ́ cáni. Achí.