1 CORINTIOS 15:6 - New Testament in Mixtec Atatláhuca

⁶ Te sáá te ni nane ya nuū vihyá gā uhūn ciento hermano jeē cáyūcu tútú. Te sava i técu gā nde vijna, te sava i je ni jihī.

1 CORINTIOS 15:6 ပူးပေါင်းရင်းမြစ်များ

SAN MATEO 28:10

Te ni cahān yā jiín ña: Ma yūhu ró jijnáhan ró. Cuángoo te castūhun ró nuū tācá hermano rī, tēe ni cascuáha jíín rí, jeē na núngoo de nde Galilea, te yūcuán coto de nuū rī. Achí yá.

SAN MARCOS 16:7

Cuánungoo te cachi rō nuū tée cáscuáha jíín yá, jíín núū Pedro, jeē xíhna gā maá yá jinū Galilea, te sáá te najinūcoo de. Te yūcuán coto de nuū yā, nájnūhun ni cahān yā jiín de nde saá, áchí yá jiín ña.

HECHOS 13:36

Te David chi jíní yō jeē ní jejníñu de nuū ñáyuu ní cotecu de jíín, nájnūhun ni cuni Yaā Dios. Te ni jihī de, te ni quindūji de nájnūhun ni quindūji tāca jíí yō, te ni tehyū de.

HECHOS 7:60

Te ni jecuɨñɨ̄ yɨtɨ́ de te ni cahān jee de: Tátā Yaā Dios, ma quénehen ní cuéchi sɨquɨ̄ i jeē casáha i jíín ná, áchí de. Súcuan ni cahān de te ni jihī‑ni de.

1 CORINTIOS 15:18

Te núu jeē súcuan cúu núú, te suni je ni cajnahnū ndetū ñayuu ni cacandíje Cristo.

1 CORINTIOS 15:20

Te tuú chi íyó ndáā jeē ní natecu Cristo mēhñu ndɨ́yɨ. Te máá yá cúu jeē xíhna gā ni natecu nuū tāca gá ndɨ̄yɨ jeē natecu.

1 TESALONICENSES 4:13

Suni cácuni rī, hermano, jeē na jécūhun ni rō jijnáhan ró sɨ́quɨ̄ ñáyuu cájihī, návāha ma cucuíhyá ni rō nájnūhun sava ga ñayuu jeē tu cáñuhun ni i jeē nátecu ndɨ̄yɨ.

1 TESALONICENSES 4:15

Jeē yúcuan cácastūhun rí ɨɨn jnūhun jeē ní castūhun máá Jítoho yō nuū rī: Jeē yóhó jéē cátecu gā quɨvɨ̄ ndíji máá Jítoho yō, nasūu máá yó cosnūu jéē ndaa yó quíhīn yō. Chi xīhna gā ñayuu je ni cajihī ndaa i quihīn i.

2 PEDRO 3:4

Te cahān de jíjnáhan de: ¿Najehē cúu jeē tu ndíji Cristo nájnūhun ni jejnūhun ya? Chi nde quɨvɨ̄ ní cajihī jií yō te nde vijna, tu ndé sáma cuɨtɨ ndɨhɨ jeē iyó ndé ná ni jecōo ñayɨ̄vɨ́, achi de.