Zephaniah 3:8 - Ohiatonhseratokénti

⁸ “Ne káti aorí꞉wa, takwahteráhrat” ráton ne Roiá꞉ner, “asè꞉ken ne thóh enwenhniserá꞉teke kwáh thentekʼtane tsi ní꞉ioht ne ronwathonkwetawenhtháton; asè꞉ken tsi natewatiatoréton ne nakheiataró꞉roke nonkweshón꞉as, nakeró꞉roke tsi nionakeráhsera ne ronnontí꞉io ne nahontakawé꞉ron nakenakwáhtshera rohnonhà꞉ke; akwé꞉kon tsi niiotarí꞉hen nakenakwáhtshera kwáh ohontsakwé꞉kon otsiráhke enwát꞉tsa ne tsi niwakatekéffen.

Zephaniah 3:8 ပူးပေါင်းရင်းမြစ်များ

Psalms 12:5

“Tioríhwa tsi nikarihwahétken tsi nihonwatiʼiérase ne tehonthonhnakárias, tioríhwa, tsi niotironhiáken né tehonthonhnakárias, kwáh ónenk thóh nénhtiere,” ráton né Roiá꞉ner; “kwáh entkákʼkakwe né kaienawaséhtshera tsi nithonskáneks.”

Psalms 123:2

Tsi ní꞉ioht ne rannhá꞉tsera ne roniahésen ne raiataʼkwení꞉io, tsi ní꞉ioht ne kanhátsera ne ioniahésenh ne kanonsakweʼní꞉io, káti teshakwahkánere ne Roiá꞉ner onhkwahNí꞉io, kwáh tsi nió꞉re ienhshonkwénhtenhre.

Psalms 27:14

Tatiethakwénhak ne Roiá꞉ner; sehsháststet, tánon sehríhon ne seriáne nahionikonraníronhke; tatiethakwénhak ká꞉ti ne Roiá꞉ner!

Psalms 37:34

Roiá꞉ner nòkwah shariwahnirónhak tánon shatewénhnarak ne raotiawenráhtshera; enhiakwéniensthe tsi éntʼthion nonwéntsia, tánon enshé꞉ken ne rotiʼriwahneraʼákskon tsi enhonwaʼnátonhte.

Psalms 37:7

Sák tasahthatón꞉ni raohénton ne Roiá꞉ner, tánon sanikonkáts꞉te tsi tsiateráhrat tsi nenháiere; Tóhsa sehiaskanétsek tsi niháti ne rotihianerasténni tsi nihatiweienhnóten, Tó꞉ka ní ó꞉ni tsi niháti né꞉ne raʼtihá꞉wi tsi nihonatenikonríhshon ne karihwaʼhetkénsera.

Psalms 62:1

Kwáh sák thiwakatatón꞉ni né꞉ne Rawenni꞉io ahatiatanónsthateʼ rahonháke nón꞉we nitewètha natiatakenatiéra.

Psalms 62:5

Asèken Rawenni꞉io khók rihniahé꞉sen; asèken nakararát꞉tseras rahonháke nón꞉we nitewé꞉tha.

Psalms 79:5

Tohnikaríwes, Ó Sewenní꞉io? Kwáh kén tsi nénhwe enkénhake tsi ensanakwénhenke? Kwáh kén ne waʼtekéfas sanhakwáhtshera enhióteke tsi ní꞉ioht ótsire?

Psalms 79:6

Thóh nòkwah niahásaf ne sanhakwáhtshera nonkwéhne né iáh teiesaienhtéri, tánon ne tsi kanakeraserakérons né iáh í꞉seke nón꞉we tsehonterénhnaiens.

Proverbs 20:22

Tóhsa ní꞉se saskáriaʼkt nahò꞉ten wahétken. Tsheniáhes Roiá꞉ner ne enharihwakwatá꞉ko.

Song of Songs 8:6

Eʼtáke takíteron naskehiarasthákwahke ne sehrhiáne, tsi shiatenháwahkwe senenhtsáke: asèken ne kanoronkwáhtsera kashátste tsi ni꞉iot ne kenhéion, iahonweskwenhníhakwe tsi nikatsʼtsániskwe natʼtsatónkwa, Tewatʼtsiraritʼkonhskwe tsi natewatʼtsiraríkʼkonhs notién꞉a, iotonkwatsáni.

Isaiah 14:26

Ne kí tsi niwahtenikonrón꞉ni nʼèhtho tsi niʼwatenikonrí꞉son tsi nó꞉kwah nonhontsaʼkwékon; tánon né kí꞉ken notsá꞉na iaʼtehiótsate nakahontsaʼkeróhnons akorihwàke.

Isaiah 30:18

Ne ó꞉ni waónhni ne Roiá꞉ner roráhre nahontahiarihwaiéritʼtse; ne ó꞉ni waónhni kwáh thenthá꞉tane nahréneste naʼtanitenhrátsera shonhake. Asèken ne Roiá꞉ner né꞉ne Rawenni꞉io ne roterihwaʼkwahríshion; iakotáskats nonkwetaʼkwékon ne rahónha ronhwará꞉re.

Isaiah 34:2

Asèken ne Roiá꞉ner tsi wahotenakwahwénhratʼtse kwáh ratikwékon wahotíraʼne niaʼkahontsakeró꞉nons, tánon tsi nathaterhiatítkon ratiʼkwékon tontashaʼkókwekte tsi nihotiʼtsiókwahs; wasakoríwenhte, wasahkotsakwahrísi nahonwatiʼnonwarhiá꞉kon.

Isaiah 63:6

Akenhaʼkwahtsherákon tsi watekheiaskwahserónkwahte nonkweshón꞉has, Wakheʼiátonhte thóh akenhaʼkwahtsherákon, tánon wakhenékwaʼte né꞉ne raotiʼnekwénhsa watkenekwenhshón꞉koʼte nonwenhtsàke.”

Jeremiah 10:25

Thóhʼniahásaf ne sanahkwáhtshera tsi nónhwe ne onhkweshón꞉a ne iáh tehieshaʼsénnaiens tánon ó꞉ni ne ónhkwe ne ieshakenrónni. Sahkotinonhwarhiákon ne shonkwetaʼsónha; kwáh tohkénʼen tsi hionkhiʼiatónton tánon nonhkwanahkeʼráhsehra hioriwahiesáhon.

Hosea 12:6

Ók kí ní꞉se, Saní꞉io nón꞉we nionsáse, ne satienawastónhak ne raʼonoronhkwáhtshera tánon ne kaianéren, tánon tasakontakwénhak tsi tsiaterá꞉rat ne Saní꞉io.

Joel 3:2

kwáh enkhehiaʼtaró꞉rohke ratikwé꞉kon ne niateiakahontsiákes tánon ienkhehiaʼténhawe nahonráhkwakon Jehoshaphat, tánon thóh nón꞉we naʼthenkhehiatórete, tsi ronónha nakonkweʼtashón꞉as í꞉ken nʼIsraerʼró꞉nons, tiorì꞉wa tsi nateshakonareniáton tsi ratinákeres nonkweshón꞉as. Tehotihiakhónhnion nakonhóntsa,

Micah 7:7

Ók kíʼ ní꞉i, kwáh kíʼ iatenhikanérake ne Roiá꞉ner, kwáh kíʼ enhihiateráhrate ne Roiá꞉ner, rahónha natiatakená꞉tshera í꞉ken; náhke Ní꞉io enhakaʼthón꞉tehne.

Habakkuk 2:3

Kahiatónhak, tiorì꞉wa tsi iáh aré꞉kho tsehióhe ne naiá꞉wenhne nahón꞉we norihwí꞉io; ók ne tsi nikawistáhets iostó꞉re tsi tá꞉we tsi nahorihothénsons ne konhnatónhnionhnis kwáh kíʼ thóh nenhá꞉wenhne. Ethó꞉sane kíʼ nahorihoʼthénsons ioiatakenhé꞉ion ne naiá꞉wenhne; ó꞉nenk tsi ensateráhrate, kwáh orihwiiohón꞉we tsi enwáh꞉we, kwáh iáh tahionísko.

Zephaniah 1:18

Sénha í꞉si nón꞉we ne raotiwístas kawistará꞉kens khés ne owistanó꞉rons iáh tkakakwé꞉ni nahiakonónsthate né꞉tho tewenhniséronhte ne Roiá꞉ner raonakwáhtshera; ók onhontsakwé꞉kon ótsire enwatsáhate ne tsi nihotekéfen, asè꞉ken ne enronhniáte ne tsi iehiotókte tenhiotenonhianí꞉tonhke kwáh ratikwé꞉kon tsi nihiákon ienákere ne tsi ionhontsá꞉te.

Haggai 2:22

tánon enkheshatstenhseráhkhwa tsi kanonhtiiotsheraké꞉rons; kwáh enkatónhte ne raotishatsténhseras ne tsi ratinontiiotsherakérons tánon enkatónhte notiónhkwas ó꞉ni né꞉ne rontihonwí꞉seres; tánon ne akoshá꞉tens ó꞉ni ne rotishá꞉tens kwáh kí enhonhní꞉heie, satihiatatʼtions né꞉ne raosarekó꞉wa ne atatekénhsera enhontirhió꞉te.

Matthew 25:32

Nok akaonȣentsiakȣekon nonkȣe raohenton enhionteroroke, nok tensakoiataiestasi, tsikiniiot ne teiotinakarontonha ranonhne, tesakokhasions notinnhetien tanon ne Kontitsinn.

2 Tiér 3:10

Nók nentewenniseráteke ne Roiá꞉ner thóh ní꞉ioht tsi tètre tsi ní꞉ioht ne ranénskwas. Ne thóh entewenniseráteke ne tsi karonhiáte enwáton tsi nenwatáti ne iowennothí꞉ie, tsi nahoténsons ne tsi karonhiáte enwákʼtsa ó꞉ni enkariwatónthon, tanon ne tsi ionwenhtsate oni nahoiotenhsera ne thóh nonwe nikaiotenhen, tsi enwenene.

Revelation 16:1

Eʼthò꞉ne iowénhte wakewenhná꞉ronhke thóh nontá꞉we ononsatokentikó꞉wane iakoró꞉ris ne tsá꞉ta nihá꞉ti ratironhiakeró꞉nons, “Wáhs tánon tasewawéhron ne tsi ionwenhtsá꞉te ne tsá꞉ta nikatshetákes ne raoterhiatitkhóntshera ne Ní꞉io.”

Revelation 16:14

Ne kí꞉kens ne rontʼkonseráksens í꞉ken, iatékon tehatiieronhnionhátons, tsik nonwéhsons niehonhnétha tsi thathì꞉teronh ne ronhtinontí꞉ios ne tsi ionwenhtsá꞉te, ne nasakotiiataró꞉roke nahonterí꞉io ne thóh entewenhniserá꞉teke ne wenhniserowá꞉nen ne Ní꞉io rawenhní꞉sera né꞉ne Roshatstenhserowanenhkó꞉wa.