Zephaniah 3:6 - Ohiatonhseratokénti

⁶ Khehiákse nonkweshón꞉as; ne tsi kanikató꞉tons ne tsi tekashiosakérons ne wathenhénrote iorihwenhtásherons; wakatieshatánion ne tsi tekanatokenhátons ne raotinatákons, ne káti ne kwáh tó꞉sa ónhka thóh nón꞉we nahiontohéstake; iáh ónhka ne rónhkwe thóh nón꞉we tehanákere ne raotinatá꞉kons.

Zephaniah 3:6 ပူးပေါင်းရင်းမြစ်များ

Isaiah 14:26

Ne kí tsi niwahtenikonrón꞉ni nʼèhtho tsi niʼwatenikonrí꞉son tsi nó꞉kwah nonhontsaʼkwékon; tánon né kí꞉ken notsá꞉na iaʼtehiótsate nakahontsaʼkeróhnons akorihwàke.

Isaiah 37:36

Eʼthó꞉ne ne raoronhiakeró꞉non ne Roiá꞉ner iahahiakénʼne tánon washakowéntho énska tewenhniá꞉we shatèkonʼniwáhsen-wísk niwenhniaʼwehetsheráhsen ne tsi ronanátaien ne Assyriaró꞉nons; nó꞉nen sahiórenhne, kwáh ratikwé꞉kon ronenhé꞉ion tewenhehiontó꞉taron.

Isaiah 6:11

Eʼthó꞉ne wakíron, “Tóh nikaríhwes kíʼ thóh naiotónnhake, Ó Saiá꞉ner?” Tánon wahénron: “Tsi nió꞉re ne kanatowánens éhʼtake enkaiéntane iotkaronníhon kwáh iáh ónhka tahonsaienákereke, tánon ne tsi kanonsó꞉tons iáh ónhka taieterónhtake, tánon ne tsi ionhontsáien kwáh enkaieshah;

Jeremiah 9:12

Wakerihwahnónhton, “Saiá꞉ner, onhnonhtiéren nonwénhtsia tsi iohiesáhon tánon iostatʼténʼen tsi ní꞉ioht ne kehenthakeʼkówah, káti ne ne tó꞉sa ónhka éhthoh nónhwe ahonsahiontó꞉hetsthe? Ónhka iatekahiéri tsi nahiontenikonhratʼthókhaʼke nahiakonikonhrahiéntahne kí꞉ken? Ónhka ashenikonhrahientahténni káti ne ne ahathikwéni nakóren iahonsahshakotiró꞉ri?”

Leviticus 26:31

Kwáh né enkónhniaʼte ne sewanatowánens nakarihwahiésa, enkerihwenhtonháton tsi nónhwes nishaʼterenhnaientáhkwas, tánon iáh thakatʼthónthaʼte natiéna ne sarihwiʼiosehokónhas.

Zephaniah 2:5

Tsi nihiá꞉kon ne kaniataraktónhtie ienakerénion, tánon ne Cherethró꞉nons raotitióhkwas, ne raowén꞉na ne Roiá꞉ner sewatkónhte; Canaan, né꞉ne tsi rononhontsá꞉ien ne Philistiaró꞉nons, kwáh enkwahtónhte iáh ónhka thahonsaienákereʼke.

Zechariah 7:14

Ne teskaieróntahre ne tehioweratá꞉se tahkherahthakwáhte tsi nón꞉we ionhshahathinahkérahte ne thitionhontsá꞉te. Kí꞉ken ne iowenhtsí꞉io kwáh ontkénsthe kwáh iáh ónhka tetienahkeréhkwe.”

Matthew 23:38

Onen kati Ononsokon enȣaton tsi seȣanonsote.

1 Corinthians 10:11

Oriwahkwékon kíʼ tsi niʼiawénhon né꞉ne ahionkwenésten, tánon kahiáton né꞉ne ahionkwahronkáten. Asèhken thóh nónwe nitionnhétie ne tsi ieiotókʼthe ónen thóh waháhonwe.

1 Corinthians 10:6

Nónwah, oriwahkwékon kí꞉ken tethewahteienténston nonkwariwáhke, nahionkwahtohkáten ne tóhsa ahitewaskánehke ne kariwáksens, tsi né nihothiʼiéren.

Joshua 23:4

Tkwá꞉wi ne senhwenhtióhkwas akwé꞉kon ne tsi ionhontsá꞉iens né꞉ne Jordan Kaniatarathátie tiothásawe né꞉ne nà꞉kon nòkwah ne Mediterranean Kaniatarakeʼkowáhne né꞉ne tsi iaʼtewatséntos nòkwah. Tkwawí꞉hon akwé꞉kon nohóntsas ne ratikwé꞉kon né꞉tho nonhkweshón꞉a iethisénhnion, tánon ó꞉ni nonhóntsas né꞉tho nonhkweshón꞉as naré꞉kho teieʼthisénhnion.