Zephaniah 3:5 - Ohiatonhseratokénti

⁵ Ne Roiá꞉ner ahotióhkwakon í꞉res kwáh rorihwakwahríhshion; kwáh iáh tahóthen thatahaterientawénhrie. Niatehioronhketsherá꞉ke iáh taorihwanó꞉ron naontahátkawe ne raorihwenhtátshera, Ók ne iáh tehiakoiánere iáh teierihwaienté꞉ri onhní꞉ioht nahiontéhen.

Zephaniah 3:5 ပူးပေါင်းရင်းမြစ်များ

Genesis 18:25

Oriwiioʼón꞉we tsi iáh thahsheiáhtonʼte ne iáh teiakohnhí꞉kon skátne ne rotihnhí꞉kon, tshieiorí꞉wakon nenʼné꞉eh! Iáh thahskwé꞉ni neh náhshiere. Tókaʼ thóh nénhshiere, ne iáh tehotihnhí꞉kon skátne enhontré꞉wahte ne rotihnhí꞉kon tsheiorí꞉wakon nenʼ né꞉eʼh. Ne Shakorihwènhtha nohontsakwé꞉kon ó꞉nenk tsi thóh nenhá꞉iere tsi nitkarihwaié꞉riʼs.”

Job Tánon ne Raoronhiakensera 34:10

“É꞉tho káti, takwatahónsatat, tsi ní꞉tion ne sewaʼnikonraientáskon, ahí꞉non ít꞉ken tsi nahontá꞉we ne Rawenni꞉io ne thé꞉nen nahá꞉iere ne karihwahét꞉ken, tánon tsi nahontá꞉we ne Roshatstenhserowanenhkó꞉wa ne thé꞉nnen nahá꞉iere ne iáh teioiá꞉nere.

Job Tánon ne Raoronhiakensera 7:18

shenatarená꞉wi niatehioronketsherá꞉ke, shehiateniéntʼtha kwáh tsi ní꞉kon kawistáhets?

Job Tánon ne Raoronhiakensera 8:3

Ne Rawenni꞉io thé꞉nenh ken renhtatsátha ne kahiáneren? Khés ne roshatstenhserowanenʼkó꞉wa thé꞉ken rentatsátha ne karihwakwahrihshióntshera?

Psalms 145:17

Né Roiá꞉ner akwékon tkarihwaiéris ne raoweiénhnas, tánon thorihwaiéri akwékon tsi nihatseránions.

Psalms 37:6

Né enrónhniathe ne shariwahkwarihshióntshera thóh nataioswát꞉theke, tsi ní꞉ioht nó꞉nen éntie nón꞉we nikaháwi nikará꞉kware.

Psalms 92:15

Nʼe kíʼ ken watróris ne Roiá꞉ner tsi rothonkwetaʼkwahríshion; rahónha tehaketriwásnieʼse, tánon iáh thahóthen ne iáh tahioterihwakwahríshionke ne rahonháke.

Isaiah 12:6

Teshahénret iorakareníhak tánon tesehríh꞉wak natonhnarátshera Ó nètho sewanákere Zion, asèken tehotenonhianíton ne sewanenhríhen rénhteron ne Rohiatatokénti Saiáta khók í꞉ken ne Israerʼronónke.

Isaiah 28:19

Kwáh tsi niʼioriwàhke enwatohetsthá꞉nion, kwáh kíʼ iensaiaténhaʼwe; áseʼken kwáh niaʼteioronkhetseràkes tsi enwatohétstahke, neh nenhtiékheʼne tánon tsi niwashón꞉tes; kwáh kíʼ entkakaʼrenrákwahte ne kateronkwáhtshera ne naiakonikonraién꞉taʼne nateriwanhotáhtshera.

Isaiah 33:2

Ó Saiá꞉ner, taʼkwénhtenr; Í꞉se kwahrá꞉re. Í꞉se takwahtenenhtsaʼshónteras né niatehioronkétshera, ne nonkwahiatakená꞉tshera í꞉ken nó꞉nen thènenh tekanikónrare.

Isaiah 45:21

Tesewariwát꞉tet tánon tsiotá꞉si né sewarihwasónha; ánion skát꞉ne ratiʼtsiénhaien! Ónhka kí꞉ken iakokʼróri ne wahónhnise tkènhne? Ónhka iakorihotáshion norihwakáion? Iáh kén Í꞉i tèken, né Watiá꞉ner? Iáh kén ónhka né Ní꞉io akénhake tsi nó꞉kwah ní꞉i, né꞉ne roiánere Ní꞉io tánon Sakoiatákwas; iáh ónhka nó꞉ia tekáien ne ók ní꞉i.

Isaiah 50:4

Né Roiá꞉ner Ní꞉io thaʼkáwi né rawenhnáson ne naʼsakoʼrihón꞉nien, ó꞉ni tsi niʼiákon nó꞉nen ronwatirihʼhonhniénhni né nahón꞉ton nahonkateriéntaraʼne onhní꞉iot tsi akheʼiatiénawaste ne teiakowiʼsenhéion tsi akhethá꞉rase. Niaʼtehioronhketsheráke ratiétha— raiétha nakwahónta né nakatahonsaʼtáte kwáh tsi ní꞉ioht tsi niʼiá꞉kon ne ionthaterihʼhonhniénhni.

Jeremiah 3:3

Ne aoríhwa iáh tetsokénnores, tánon ne konhkwitenékha okennorésehra iáh tetsawéhnon. Kwáh ó꞉ni éhtho nishiatóten tsi ní꞉ioht ne ioriwahiathathónʼon; iáh teshatehensehráhien.

Jeremiah 6:15

Ronthéhes onhtèken tioríhwa tsi nihonahtiéren kíʼ kén iotheriwatéhas? Iáh, tehonahthehénʼen; akwékon iáh tehonahtheriénthare onhní꞉ioht ne onekwénthara nahathihiathótenʼne. Tánon káti kwáh éhtho ní꞉ioht tsi enthathihiátenʼne tsi kíʼ ní꞉ioht ne ronáhtsiakes; Nónenh enkheréwahthe, kwáh totʼtsienwatót꞉ten ne ronónha. Í꞉i, ne Watiá꞉ner, wakatháti.”

Jeremiah 8:12

Akonkwetashón꞉a, wesehwahtehénʼken tsioríwa tsi nesehwahtiéreh kí꞉ken ioteriwatehasónhas? Iáh, kwáh iáh thènenh tesehwahthehénʼen; akwékon iáh tesehwateriéntahre onhní꞉ioht ne onekwéntahra nahisehwahiató꞉tenʼne! Tánon káti éhtho ní꞉ioht tsi entisehwahiátenʼne tsi ní꞉ioht ne ronátiakes tsi thóh thihiaténʼen; Nónenh enkwahréwahte, thók niensewatókthase. Í꞉i, ne Watiá꞉ner, wakatáti.

Lamentations 3:23

Ehniwáse tsi ní꞉ioht noronkéne, ehnihioriwí꞉io tsi ní꞉ioht tsi tkarakwínekens.

Ezekiel 18:25

“Ók ní꞉se shá꞉ton, ‘Tsi nihatiéra ne Roiá꞉ner iáh tetkaiéri.’ Takatahónshatat, ní꞉se Israerʼró꞉non. Ísere onhtèken tsi nikeweiennhóten tsi nitseráhnions iáh tetkaiéri? Í꞉se saweiénhna iáh tetkariwahiéri.

Ezekiel 48:35

Ne tkakwékton tsi nihiónsons nashontasónhas ne kaiéri níkon ne skatísons ne kanatowánen 30,000 niwashì꞉take. Nahosénhna ne kanatowánen ne kénhen ienwatásahwen “Ne Roiá꞉ner Kénʼen Ires!”

Hosea 14:9

Tsi nihiá꞉kon ne iontenikonraʼthókha iakonikonraiéntas kí nahorihothénsons; tsi nihiá꞉kon ne ieierihwákens iakoteriènhtare. Asè꞉ken ne raoweiénhnas ne Roiá꞉ner tkariwaié꞉ri í꞉ken, tánon ne tionkweʼtaié꞉ri thóh nón꞉we nihiakothaí꞉take, ók ne rotiriwanerahátskon né꞉ne tonasitsiátstha.

Hosea 6:5

Ne káti aorì꞉wa kherontsá꞉kon rotitokénse nón꞉we nitsawé꞉non, Khenonwarhiá꞉khon tsi nitsawé꞉non owén꞉na ne tsitsaká꞉ronte, tánon nakerihwenhthátsera ohén꞉ton niewé꞉tha tsi ní꞉ioht ne teioswát꞉te.

Micah 3:11

Ne rahonhnonkweʼtashón꞉as ne ratirihwénhtha oʼwísta ronhwatikárhiakse ne nahatinikónhrate, ne ratitsihénstatsis ratikaráiens tsi sakotirihonhnién꞉nis, ne rotitokénhse tsi nishakotirihothashién꞉nis oʼwísta rotí꞉rare nahontahonhwénhnon; nek kíʼ sá꞉ka raonhà꞉ke ne Roiá꞉ner iehatihiatarákare tánon rón꞉ton, “Orihwiiohón꞉we ne Roiá꞉ner tsi tewakwé꞉kon! Iáh othé꞉nen ne karihwahetkénhsera tahionkwárane.”

Micah 7:9

Ó꞉nenk tsi enkatakátstate ne raonakwáhtshera ne Roiá꞉ner, tiorì꞉wa tsi wakerihwáneren tsi nokwáh ne rahónha, tsi nió꞉re rahónha tenhakerihwakénhase nakerihwaʼshón꞉as tánon enharihwénhte. Kwáh tsi teioswáthe nienhatiathénhawe; kwáh kʼi enkatkáto ne raorihwakwarihshióntshera.

Habakkuk 1:3

Onhniiohtié꞉ren ní꞉se tsi ne takonhnién꞉nis nakatkátho ne kariwahétken í꞉ken tánon ne takatkáneren ne teionikónrahrak? Atkaronhniátshera tánon kaniakatsténhsera atkénton í꞉ken; aterihiósera tánon ateriotarokʼtshera otʼkétsko.

Zephaniah 2:1

Sewatkenhní꞉sa tánon skát꞉ne sewatsataró꞉rok, í꞉se tiónkwe ne iáh tesewatehenserá꞉ien,

Zephaniah 3:13

Ne niateonathaténhron ne Israerró꞉nonhke kwáh iáh othé꞉nen thatahonterienʼtawénhrie, khés ne thé꞉nen ahontá꞉ti nonhó꞉wen; iáh ó꞉ni ne kaʼnikonhráthon nawenhnáson thakaktséronhke ne tsi ratisakáronhte; tsi thenhonskáhon tánon enhontsiatiónhnite, tánon iáh ónhka tahonwatiʼterónhkwen.”

Zephaniah 3:15

Ne Roiá꞉ner éhren rohawí꞉ton ne karewathátshera ne shonhà꞉ke; sehsakoktháton ne iesásons; ne Ronhnontí꞉io Nisraeró꞉nonke, né꞉ne Roiá꞉ner, sewanenhrí꞉hen í꞉res tánon iáh shé꞉kon tahonsehsewatkátho ne karihwahetkénhsera.

Zephaniah 3:17

Né Roiá꞉ner sah Ní꞉io sewanenrí꞉hen í꞉res; roshatstenhserowá꞉nen tánon énthion natesenhniétshera; kwáh shonhà꞉ke nón꞉we nenhatonhnáren, kwáh atsenhnonhniatsherá꞉kon tsi á꞉se enshiónhni ne raonoronhkwahtsherá꞉kon, tenhohénrehte tsi nihotsenhnón꞉ni ne shonhà꞉ke tsi natehorihwákwen,

Zechariah 2:5

Ne Roiá꞉ner rorahrátston raónha ne tekensténrote nótsire neh tekanhathanákton nahonthashá꞉kohne tánon thóh nón꞉we nenhenterónthake skatʼke ne rahohiathanerahkwátshera.”

Zechariah 9:9

Sewatonhnhá꞉ren, sewatonhnhá꞉ren, tiónkwe ne Zion! Tesehwahén꞉ret naʼtsenhnonhniá꞉tshera ne Jerusalem nón꞉we! Iasehwatʼkáto, ne tsi Sewahnonhtí꞉io tiohá꞉ke nonhtahawenonhátie! Tsi táhre tekahrensáhron tánon rotʼkwenionhátie, ók eʼtà꞉ke rotahtón꞉ni tánon tewahòn꞉tes rohshaténtie— nitsioʼnaskwahiónha, né꞉ne tewahòn꞉tes akohiénʼa.

Luke 12:2

Aseken iah tekaien neioteriȣaseton ne iah takatokensere; iah oni ȣene taontonsere ne kariȣaseton.

Romans 2:5

Nók iáh tatesahontakáronte tánon seriasáksen. Nekarihónʼnis, í꞉se satatonniénʼnis neh karewatátsera sénha tehiotenonhianíton tsi ní꞉ioht ne tewenʼniserónte nónen neh Rawenni꞉io rahonakwátsera tánon ne tkariwaiéri kaiatoretátsera enhiotásion.

Romans 3:26

Nók kíʼ nónwa kén nikaháwis ken niehaiéra nonkwesónhas akoriwaneraháktseras, nahariwanírate ne rahoriwakwarisióntseras. Tsi thoʼní꞉ioht Rawenni꞉io renéstha tsi rahónhak khók roiánere, tánon ó꞉ni kwáh onkwetakwékon sehsakoha-arátha tsi niháti entonwétakwe ne Ié꞉sos.

1 Corinthians 4:5

Káti iáh tesateriwahiénni nónka tashehiatórethe nohénton ne iakáhewe. Nonakènkha ne karewahtátshera ónenk tsi enwahterahráton tsi naténtʼre ne Roiá꞉ner; tenhaswátʼtethe ne tetiókaras kariwahshetánions tánon enrotashiónko ne ronahtenikonrahsehtánions nonkweshónʼa. Tánon etʼthó꞉ne onkwetaʼkwékon eniehiéna tsi néntewe ne Ni꞉ióʼne ne kanonweratóntshera tsi nahtahiakoténtion.

Deuteronomy 23:14

Shakwenienstónhak ne tsi satená꞉taien, tiorì꞉wa ne Roiá꞉ner saNí꞉io tsi senikwé꞉kon ne tsi satená꞉taien ne nahonthahiane tánon ahontáhion naʼteseniéntshera tsi nokwáh ne tetsatà꞉tsons. Tó꞉sa othé꞉nen ne shateriwaténtiat ne iáh tehiotkwé꞉niens né꞉ne akarihón꞉ni ne Roiá꞉ner ahiatswaʼténien.

Deuteronomy 32:4

“Ne Roiá꞉ner se ne roshatstenhserowá꞉nen thiá꞉nes, toriwaié꞉ri tánon rohiá꞉nere akwé꞉kon tsi nihaweienhnó꞉tens; Ne sewaNí꞉io roriwató꞉ken tánon orihwí꞉io í꞉ken; eʼnihaié꞉ra nahó꞉ten ne tkariwaié꞉ri ó꞉ni ioiánere.

1 Tiér 1:17

Kanísera tsi sewanathónkwa, nónen rahonháke ne Rawenni꞉io ensaterénnaien, rahónha kwáh sahtetiótʼte nonkwetakwékon tsi tesakoiatorétha, entioianénhawe tsi naiakotiéren ne tieiatát꞉tion; kwáh káti, tsi nikaríwes shékon enshónnheke ne kén꞉en onwentsiáke tsi tseriwakweniénstak.