Zephaniah 2:7 - Ohiatonhseratokénti

⁷ Tánon tsi niwatenáskwah ne kaniataraktónhtie ne kaniatarakeʼkowáhne kwáh ne enhonawenhkónhweke tsi ronónhshote ne Judah, tánon thóh nón꞉we nenkonwahnatʼkháwe ne rahothitsenenhó꞉kons nakonthihóntake; tánon thóh enhonhnónhwete tsi ronónhshote ne Ashkelon noʼkarasnéha; asè꞉ken ne Roiá꞉ner kwáh ensakonatarená꞉se tánon tentesakáwenh ne raonatatewenhnihiósera.

Zephaniah 2:7 ပူးပေါင်းရင်းမြစ်များ

Genesis 50:24

Eʼthó꞉ne ne Só꞉se wahshakawènhahse ne rontateʼkoʼokón꞉ʼa, “Ó꞉nen thó꞉ha akíheie; ók kwáh orihwiioʼón꞉we, ne Rawenni꞉io tsi enhtshisewehiá꞉raʼne, tánon entehtshisewaiaʼtínekenhwe ne kenh nón꞉we niionhontsá꞉ien, ók thóh nón꞉we nientshisewaiaʼténhawe tsi tionhontsá꞉ien ne kwáh iorihwahní꞉ron rohrharatstén꞉ni ne Abraham, tánon ne Isaac tánon ne Jacob.”

Psalms 80:14

Tontaskenhénʼhion, Ó Sewenní꞉io Sashaststenhserowánen; tasatkátho karonhiáke nón꞉we, tánon satkátho; sathenhnikonhráhren kí꞉ken watenenharísehres,

Psalms 85:1

Saiá꞉nehr, kwáh í꞉ken tsi tisáwehron ne kaiataterítsera ne shonhonhtsáke; sahʼsónhnien ne Israel nahonsahiokwáhtshene shé꞉kon.

Exodus 4:31

Tahonnhétaʼkwe, tánon ne sahatiʼriwáhronʼke né Roiá꞉ner tsi sakohiaʼthoʼrènʼen tánon rotkathó꞉sehron tsi nihonwahʼnateniaʼkatsʼténhni, waʼthonsáhkeʼte tánon wahonterénhnaien.

Isaiah 11:11

Né thóh enwenhniseráte ne Roiá꞉ner kwáh kíʼ iaʼthensanéntseste ne tekeníhaton ienwàteratsʼte nahonshaʼsakohiataróhroʼke ne iatehonathaʼthénron ne rahonkwetaʼshón꞉has, né꞉ne Assyria, Egypt, tánon ne Pathros, Ethiopia Elam, Shinar, Hamath, tánon ne kawenhnokwátʼtonhtses ne kaniataraʼkhekowàʼne natentʼtónhne.

Isaiah 11:14

Ók kwáh kí iathenhonhnitiónkwahʼkwe ne ratiʼhnenhshá꞉kes ne Philistines ne tsiʼiatewatʼtsénthos nón꞉we, enthonthénroʼwe nasakotiʼnenskwenháton nonkweshón꞉has ne tsitʼkarakwínekens ratiʼnakeré꞉nion. Kwáh iaʼthenhonhnentsáthaʼte rononhàke ne Edom tánon ne Moab, tánon ne Ammonró꞉nons enhonwatiʼwénhnaraʼkwe.

Isaiah 11:16

Kwáh thóh nón꞉we nenhiohatátseke ne iohahowánen né꞉ne Assyria nón꞉we nènhtewe asèken né꞉ne iatehonathaténron rahonkwetaʼshónhas raoʼtirihwàke, tsi kí né nihiotónhne NʼIsraerʼró꞉nons nó꞉nen sathontahonténhti ne tsi tsiohontsáien ne Egypt.

Isaiah 14:1

Ók né Roiá꞉ner kwáh tenhoró꞉ton ne Jacob tánon shé꞉kon kí ne ensaiataráko ne Israel, tánon thóh ienseshakóteron ne rahononhontsáke; tánon ne thiʼhononhontsátes enhonwanatsátaraʼse tánon thóh enhotiʼiatanénhtake tsi rononshó꞉te ne Jacob.

Isaiah 32:14

Asèken ne tsironónshote ne ronhnontí꞉io kwáh kí enwatewenhthétonke, ne titkanenhrá꞉rakwe ne kanatowanénhke iáh ónhka tetséteron; ne tsi ionhniáhere tánon ne kanikátote ne tehonnenhraientákwahkwe kwáh tsi iontsientákwah ienwáton né꞉ne tsi nénhwe enkénhake, né raonatʼtsenhnonhniátshera ne tewahóntes enkénhake, thóh enkonwatiʼteronhtákwahke ne kontitshénens;

Jeremiah 23:3

Ensheʼkhehiataróhroʼke nakonhkwetaʼshón꞉a tsi nonhwésons niʼkanakerahsehrakérons iaʼtekhehiareʼniáton, tánon tenthekheʼhiaténhaʼwe tsi nónhwe nihonahnakeráhton. Wéso enhotiwirahiénthaʼne ó꞉ni enhonatiokowáhna.

Jeremiah 29:10

“Ne Roiá꞉ner ráton, ‘Ne nónenh ne Babylonia ne tsáta niwáhsen niʼioserahke enwahtók꞉ten, Enkénesthe nakeriswahshón꞉a ne tionháke tánon enkenónhsthaʼte nakwahrahrátʼtshera ne tahonthakwahiaténhaʼwe ne tsi sehwehtherónton.

Jeremiah 29:14

Hén, káhton enskwahiatatʼtsénri, tánon enskwahkwahthákwahse ne tionhontsashón꞉ʼa. Kwáh enskwahiatharó꞉rohke tsi kanahkerahsehrahkérons tánon tsi nonhwésons hiatekwahreniáton, ó꞉ni kwáh tentkwahiaténhaʼwe tsi nónhwe nihionhontsá꞉ien ne kwáhʼthekwá꞉hton tsi kwáh-nahkerahkwáh꞉ton, Í꞉i, ne Watiá꞉ner, wakatháti.’

Jeremiah 3:18

Israel enhiotiatáhrahse ne Judah, tánon skátʼne tsi nentʼkéne nahonshatianahkeráhko tsi kanahkerahsehráhien ne othoréhke tánon thóh niénskehʼne tsi tiohontsiáien nètho thekhehiáwi ne ietʼtsisotʼtkonkonhkénʼen né tsi rahonahwenhkónhwe enkénhake.”

Jeremiah 30:3

asèken táhwe ne kawistháheks nónen ensehkheriwahsehrónnien nakonkwetaʼshón꞉a, ne Israerʼró꞉nons tánon ne Judahró꞉nons. Kwáh iensehkhéteron ne tsi tiohontsáien ne shaʼkotisotʼthonkonkénʼen khehionhontsáwi, tánon shé꞉kon enshontiénahwasʼthe. Í꞉i, ne Watiá꞉ner, wakatáti.”

Jeremiah 31:7

Ne Roiá꞉ner ráton, “Tesehwahriwákʼkwas natonnahráhtshera ne Israel, ne ahonháʼa tkasennowáhnenh akahonhà꞉ke nonkweshónha. Tesehwahríhwak ne sehwahrénnas ne kanonhwerahtóntshera, ‘Ne Roiá꞉ner wahshakonónhsthaʼte ne rahonkwetahshón꞉a; wahshaʼkoniákenʼthe tsi nihiákonh ne iaʼtehiakothaténron.’

Jeremiah 32:44

Onhkweshón꞉a entsení꞉non ne kahenthakérons, tánon ne kahiatónsehras enwahtatʼtsénnarahke, enkanhetanénhthakon, ó꞉ni enhionthonkwetaʼwenhtáthonʼke. Ne ne Benjamin ahonthonwenhtsiáke kíʼ thóh nenhiáwenhne, ne tsi kanahthaiéntons aktónties ne Jerusalem, tsi kanahtohwáhnenhs ne Judah, ó꞉ni ne tsi kanahtoʼwáhnenhs ne ionniarónnions ne kahetakéson, ne tsi ieionnonhtaʼientáhons, tánon ne entiéne nòkwah ne Judah. Kwáh iensehkhéteron nonhkweshón꞉a ne raononhontsiáke. Í꞉i, ne Watiá꞉ner, wakatáti.”

Jeremiah 33:12

Ne Roiá꞉ner Roshastsʼtenserowáhnenh ráton, “Ne kénʼen ionwénhtsiaien kwáh thóh ní꞉ioht tsi ní꞉ioht ne iahonwenhtsaténhake tánon tsi nónhwe iáh ónhka nonhkweshón꞉a ó꞉ni ne katʼtshénenh tehatináhkere, kwáh káti shé꞉kon énska iensehwáhtheratsʼte enskahenthaiénthake nahkonhwahtiʼterontákwahke ne katʼtshénenhs tsi nónhwe ne teiotinahkarontónha sahkotinónhʼne nienshakotiʼhiaténhaʼwe ne teiotinahkarontónʼa.

Jeremiah 33:7

Kwáh enkhehiónnenh ne Judah ó꞉ni ne Israerʼró꞉nons nahothihianerásten, tánon kwáh ensehkhekwahthákwahse tsi nitsiotónʼne.

Jeremiah 47:5

Kanikonhraʼtsenhtsheroʼwáhnen rothiráhon nonhkweshón꞉a ne Gaza nónhwe, ók nonhkweshón꞉a ne Ashkelon nónhwe sák né thihonahthaʼtónhni. Thóh nikaríwes ne rohnáhtsiakes ne Philistia nónhwe enhotinikonhraksénhsehke?

Ezekiel 39:25

Ne Ronhnontí꞉io Roiá꞉ner wahénron, “Ók kíʼ ónenh enkhetenrehkówah ne Jacob tsi wahawahtsirahthá꞉tse, nonhkweshón꞉ʼa ne Israerʼró꞉nonhke, tánon shé꞉kon ensetkhehiónhnien nahonsahotihianerásten. Kwáh enkenónhsthate natsenhnatokénti.

Hosea 6:11

Asè꞉ken kwáh í꞉se ó꞉ni, O Judah, nenhsehshientwá꞉ko wenhniserará꞉kwen. Nó꞉nen ensetkwahtá꞉ko ne raonateraswí꞉iotseras nakonkweʼtashón꞉a,

Obadiah 1:19

Tsi nihá꞉ti ne Negeb kwáh enhontiénawahste ne tsi ionón꞉te ne Esau, tánon tsi nihá꞉ti ne Shephelah neʼne tsi ronnonhontsá꞉ien ne Philistines; kwáh neʼ enhontiénawahste tsi ronnonhontsá꞉ien ne Ephraim tánon tsi ronnonhontsá꞉ien ne Samaria tánon ne Benjamin ronnónha enhontiénawahste ne Gilead.

Micah 2:12

Kwáh orihwiiohón꞉we tsi enskwahiataró꞉roke sewakwé꞉kon, O Jacob, kwáh ensehkhehiataró꞉roke ne niatehonathaténhron Israerró꞉nonhke; kwáh skátne enkhè꞉teron tsi ní꞉ioht ne teiotinakaronhtón꞉a ne Bozrah nón꞉we, tsi nón꞉we nikonhwatiʼteronhtáhkwa tánon tsi nikowá꞉nen teiakonitonhniathén꞉nis nonkweshón꞉as.

Micah 4:10

Kwáh saronhiakénhak tánon shonhséhnak, O akoién꞉ha Zion, kwáh tsi ní꞉ioht ne iónkwe ioronhiá꞉ke tsi iowiraientásere asè꞉ken ó꞉nenh kwáh ienshiákenʼne ne kanatowanénhke kahentà꞉ke nienhénse; ní꞉se kwáh tsi nió꞉re Babylon nienhéseh. Thóh nón꞉we ne Roiá꞉ner nenhshiaiatáko thensehsakoshotarísi ne ieshá꞉sons.

Micah 4:7

Tánon ne iontsinokhátha ne enkheionniáte ne iatahonathátere tánon ne teiakorenion enhonatiokowanenhke tánon enhatishátsteke. Tánon ne Roiá꞉ner kwáh kíʼ ensakonontí꞉ioke ne tsi tionónhte ne Zion ne nón꞉wa tánon né꞉ne tsi nén꞉we enkénhake.

Zephaniah 2:9

É꞉tho ká꞉ti, tsi nikónhnhe, ráton ne Roiá꞉ner ne kwáh è꞉neken tókte ne ratironhiaʼkehró꞉nons, ne Sakoní꞉io Israerʼró꞉nons; ne Moab thóh nenhiohiatáwen tsi nihiohiatawénhon ne Sodom tánon nahonkweʼtashón꞉as ne Ammon thóh nenhotihiatáwen tsi nihioiatawénhon ne Gomorrah, thóh nón꞉we niwatonhniátha ne kahontátsens tánon ne hiosonhwakarónhtons ne tiohió꞉tsis tánon kariwaiesáton né꞉ne tsi nén꞉we enkénhake; ne iatehonathaténhron nakonhkweʼtashón꞉as Judahró꞉nons kwáh enhatinenskwenhá꞉ton, ne nakonkweʼtashón꞉as ensatihiatakwení꞉ioke.

Zephaniah 3:13

Ne niateonathaténhron ne Israerró꞉nonhke kwáh iáh othé꞉nen thatahonterienʼtawénhrie, khés ne thé꞉nen ahontá꞉ti nonhó꞉wen; iáh ó꞉ni ne kaʼnikonhráthon nawenhnáson thakaktséronhke ne tsi ratisakáronhte; tsi thenhonskáhon tánon enhontsiatiónhnite, tánon iáh ónhka tahonwatiʼterónhkwen.”

Zephaniah 3:20

Né thóh nenhkahá꞉wike, kwáh tentkwahiathénhawe tánon skátne tsi enskwahiaʼtaró꞉roke, asè꞉ken kwáh enkwasenhnowánate tánon thenkwarenhsarónhnion tsi ratinakerénion nonkweshón꞉as ne tsi ionhontsá꞉te; ne nó꞉nen satontakwáhion ne sewathatewenhnihiósera ne ohénton tsi natesewakanérakwe, ráton ne Roiá꞉ner.

Haggai 1:12

Ethò꞉ne ne Zerubbabel ne roʼní꞉ha né꞉ne Shealtiel, tánon ne Joshua ne roʼní꞉ha né꞉ne Jehozadak, né꞉ne kwáh è꞉neken tokʼte ratsihénstatsi, skátne ne iateonathathénron nonkweshón꞉as, wahontewenhnárakwe ne raowén꞉na ne Roiá꞉ner raotiní꞉io, tánon ne raowenhnaó꞉kons ne rotokénhse Haggai, tsi kí ní꞉ioht ne Roiá꞉ner raotiní꞉io tsi toteniéhton. Tánon nonkweshón꞉as wahonwakwéniensthe ne Roiá꞉ner.

Haggai 2:2

Stáras nó꞉nen ne Zerubbabel ne roʼní꞉ha né꞉ne Shealtiel, ne rakó꞉raʼkwe ne Judah, tánon ó꞉ni ne Joshua né꞉ne roʼní꞉ha ne Jehozadak, né꞉ne kwáh è꞉neken tókte ratsihénstatsi, tánon ne iateiakothaténhron nonkweshón꞉as, tánon tsí꞉ronh,

Luke 1:68

Tahonȣanonȣeraton ne Roianer Israerronon Rao-Niio, ne tsi sasakaȣeiarane nok sasakohnerensi ne raotiokȣa,

Luke 7:16

Akȣekon ok taiontonneke nok tehonȣanonȣeronnionskȣe ne Niio; iontonhakȣe: oriȣiio tsi raiatanoronkoȣa nahoketote nonkȣentiokȣakon; nok ȣasakotenre ne Niio ne raotiokȣa.

Acts 8:26

Ne Roiá꞉ner rahoronhiakerónon wahawénhase ne Philip, “Satateweienʼnéntan tánon entié꞉ne niaháse nehne wahohatátie tsi nitsawénon ne Jerusalem tánon ne Gaza nieʼiawénon.”

Acts 8:40

Philip Azotus neh nonnionsáre; thó꞉ne Caesarea, nionsáre, tánon tsi niaháre roteriwanothátie ne kariwí꞉ios ne kwáh tsi niaʼtekanatákes.

Romans 11:5

Kwáh káti sékon neh sáka nónwa nikaháwis. Kénk niháti iateshonatháteron tsi nikáien ne Rawenni꞉io sakoiatarákwen ne rahoténrat iorihonníʼon.

Ruth 1:6

Ohnaʼkénhkha káti Naomi waʼerihwá꞉ronke ne Roiá꞉ner tsi wahshakoiaʼtaté꞉riste ne raonkweʼtaʼshón꞉ʼa é꞉so tahshakotenniéhten ne kaienthóhsera; waʼontateweiennén꞉taʼne káti waʼakennakerá꞉ko ne Moab wakón꞉ne ne konwatisá꞉wha.