Zephaniah 2:5 - Ohiatonhseratokénti

⁵ Tsi nihiá꞉kon ne kaniataraktónhtie ienakerénion, tánon ne Cherethró꞉nons raotitióhkwas, ne raowén꞉na ne Roiá꞉ner sewatkónhte; Canaan, né꞉ne tsi rononhontsá꞉ien ne Philistiaró꞉nons, kwáh enkwahtónhte iáh ónhka thahonsaienákereʼke.

Zephaniah 2:5 ပူးပေါင်းရင်းမြစ်များ

Isaiah 14:29

Tó꞉sa satonhnáren, sewakwékon Philistines, nʼètho kániah ne tesewanón꞉ware tehiotsákon, asèken thóh nahoteráke nóniare nón꞉we nentkaiá꞉kenhne ne kaniaraseró꞉hen, tánon ne tenhwatewí꞉riaʼke kwáh enhatiʼtsésehke tsi niʼhiotsíroʼte nóniaʼre.

Isaiah 14:30

Né thoʼnahtserénhton ronanahkeráton ne rotíten kwáh kíʼ enhontekhón꞉ni, tánon ne tehiontonhnakárias enhontsatiónhniʼte kwáh skénnonk thenkénhake; ók kwáh kí ne enkónhniate ne satèra atonhkariákon enhioró꞉te, tánon ne shonkwéta niaʼtehonataténhron enhkhenonwahrhiákon.

Jeremiah 47:7

Ók onhní꞉ioht tsi thatahonthóh꞉thaʼte, nónenh tsiotenhsehráhwi? Keʼnháhon ne iahiotsatónti ne Ashkelon ó꞉ni nonhkweshón꞉a natsaktóntsie ienahkerehní꞉on.”

Ezekiel 25:16

Tánon káti wakerihówahnahthe tsi ienkhehiatiathónti ne Philistiaró꞉nons tánon enkhehiáthonte. Kwáh enkhehiáthonte tsi niháti né nónhwe iatenhonahthaténronhke ne Philistiaró꞉non ahothonwenhtsáke.

Amos 3:1

Sewatahónhsatat kí꞉ken owennáʼshón꞉ʼahs ne ne tsi nihotatí꞉ʼon ne Roiá꞉ner tsi nokwáh ní꞉se, O tsón꞉kwe NʼIsraelronón꞉ke, kwáh iehwatsirakwé꞉kon tsi tetkwaiaʼtinekénhen tsi tiohontsá꞉ien ne Egypt:

Amos 5:1

Ne Amos wahèn꞉ron sewatahónsahtat kí꞉ken karén꞉na tsi nathenkwahrihwáhkwahse O tiónkwe Nisraerónons:

Zephaniah 1:11

Tesewahénret, í꞉se ne Mortar nón꞉we nisewanákere! Asè꞉ken onhkweʼtakwé꞉kon sakotónhton ne Canaan nón꞉we nihatinákere; ratikwé꞉kon ne rotiwistákete kaswistará꞉ken tsi enhonwenhnónhniake.

Zephaniah 3:6

Khehiákse nonkweshón꞉as; ne tsi kanikató꞉tons ne tsi tekashiosakérons ne wathenhénrote iorihwenhtásherons; wakatieshatánion ne tsi tekanatokenhátons ne raotinatákons, ne káti ne kwáh tó꞉sa ónhka thóh nón꞉we nahiontohéstake; iáh ónhka ne rónhkwe thóh nón꞉we tehanákere ne raotinatá꞉kons.

Zechariah 1:6

Nakenhatsherahó꞉kons ne rothitokenséhakwe nón꞉we nitsawè꞉nonh tsi tekhehiá꞉wi ne ietsisoʼthonkonhkén꞉en tsi kheró꞉ri tánon kheronkahtén꞉ni, ók iáh othé꞉nen karì꞉wa tehononhʼni tánon wahathironhiáken tsi niahá꞉wenhne. Ethò꞉ne shahontatré꞉wahte tánon wahathiriwahní꞉rahte tsi Í꞉i, ne Watiá꞉ner Wakeshatstenhserowá꞉nen, kherewáhthon tsi natehonhaténtʼtion tánon tsi niwahkatenikonrón꞉niʼne tsi niénhtiere.’”

St. Mark 12:12

Ethone ȣahontenienten nahonȣaiena, aseken ȣahatiienterene tsi rononha ȣatesakoriȣakentonkȣakȣe, nok onkȣeokon ionsasakotitsanike; nese ȣahonni ok ehren tonsahonnete.

Joshua 13:2

kanakerahserakwé꞉kon ne Philistia ó꞉ni ne Geshur,

Joshua 13:3

ó꞉ni tsi tkanakerahserá꞉ien ne Avvim nenhtiè꞉ne nokwá꞉ti. (Ne iohontsá꞉ien tsi nitiawé꞉non ne kahionhatátie Shihor, ne tsit karistatátie ne Egypt, kwáh tsi nió꞉re nothorè꞉ke nokwá꞉ti tkaristatátie ne Ekron, akénhake né꞉ne Canaanite; ne ronhtinontí꞉ios Philistines ratinákereʼkwe ne Gaza, Ashdod, Ashkelon, Gath, ó꞉ni ne Ekron.)

Judges 3:3

Tsi niká꞉ien ne iatehonathaténhrons ne tsi ionhwenhtsáien né꞉ne wísk nihotinátakes ne Philistiaró꞉nons, ratikwékon ne Canaanró꞉nons, ne Sidonró꞉nons, tánon ne Hivró꞉nons né꞉ne tsi iononhténions ne Lebanon nónhwe nihatinákeres thóh tsotásaʼwe ne tsi ionónhte ne Baal Hermon tsi nióre ne Hamath Pass.

1 Samuel 30:14

Iakhiʼnenhrenténhni tsi ratiʼnakeraserá꞉ien ne Cherethites ne ne entié꞉ne nokwáhti í꞉ken ne Judah tánon tsi kanakeraserá꞉ien tsi ratiʼtárá꞉ien ne Caleb, ó꞉ni wahakwatenathéntahwe ne Ziklag.”