Zephaniah 2:3 - Ohiatonhseratokénti

³ Tsi sewahiatí꞉sak ne Roiá꞉ner í꞉se seweriasí꞉ios ne tsi nionhontsá꞉te, ronónha ratísehre ne raorihwataʼtsheras; sewésak ne karihwakwahrihsónhtsheras; sewésak ne skén꞉non nonhtié꞉rek kwáh enietsihiataséhte nenhtewenhniseráteke ne Roiá꞉ner.

Zephaniah 2:3 ပူးပေါင်းရင်းမြစ်များ

2 Samuel 12:22

Wahén꞉ron, “Tsi ná꞉he rónnhekwe ne raksáha, onkentón꞉tiete tánon watkaséntho; asèken wakiron, ‘Ónhka iakoteriéntare? Ne Roiá꞉ner nontsérek entorihwaiérike nakonhá꞉ke, tánon ne raksáha nontsérek enrónhnheke.’

Psalms 105:4

Rahonháke ne Roiá꞉ner niaháseʼwe natsisewaʼiénawaʼse; tánon iehiokonhtakwénhak tsi sewaʼsenhnaiénsek.

Psalms 149:4

Asèken ne Roiá꞉ner ronwatsenhnonhniathénhnis ne rahonkwetaʼshón꞉has; shaʼkokweniénstha tsi niʼiákon ne éʼtake ionhtatónhnis ne teshakówis natesenhniétsera.

Psalms 22:26

Né iakó꞉then kwáh thenhiontskáon tánon enhiakó꞉tane; tsi nihiákon ne ronwahiatísaks kwáh thenhonwaʼnonweráton ne Roiá꞉ner. Aiáwenhs ahitiónnheke tsi nénhwe enkénhake!

Psalms 31:20

Né tsi waskwáhere tsi nón꞉we ní꞉ses nenhsehiatásehte tánon ensehnóns꞉thate tsi nòkwah nonkweshón꞉ha tsi nihionteristhakérons; ensehiateweiénton skennenkó꞉wa thenkénhake tsi nón꞉we nisataskwáhere tsi nó꞉kwah ne karihwaʼnón꞉we takarihwakénha awenhnáson.

Psalms 45:4

Thóh sashaststenhserákon sahonwíser notiónkwa ne tsi sahtesénhnion asèken karihwakwarihshión꞉tshera aorihónniat tánon nahontásehne ne tkariwaiériʼ sahthóntak ne sehseweientethákwen nahisanatón꞉hase ne iorihwanerakwaténions kahioténhseras.

Psalms 57:1

Takiténhrak, Ó Sewenní꞉io, takiténhrak, asèken shonháke nón꞉we nakatón꞉nhets niʼiotekwáhsen; né tsi iotasátare ne sanerahón꞉tsa nón꞉we nenhkatekwáhsen, tsi nió꞉re ne iakothóntha kawerowánen enwaʼtó꞉hetste.

Psalms 76:9

Nó꞉nen ne Rawenni꞉io sahthá꞉tane naharihwaʼsehrón꞉ni ne kahiatorethátshera, nasahkonónsthate ratikwékon ne ronhwaʼtironhiakéntha ne tsi ionwenhtsáte. Selah

Psalms 91:1

Ónka kí꞉ken akénhake thóh nón꞉we nihiakonnhétie tsi niteshakónes ne kwáh éhʼneken tót꞉te ónhka kí꞉ken akénhake tsi nisakohiatanónstats ne roshaststenhseroʼwánen,

Exodus 12:27

tenietʼtsiriwaʼserákwaʼse, ‘Né꞉ne kariwiʼiosehʼokónhas ne iotoʼhetstákwen nahonwakwé꞉niensʼthe ne Roiá꞉ner, tsioríwa tsi é꞉neken nahatóhetsthe tsi roʼtinonhsóhtons ne lsraeró꞉nonhs ne Egypt nónwe. Washaʼkoʼnonhwarhiakónhnion ne Egyptró꞉nons, ók ní꞉i washonkwaʼnónstaʼte.’” Ne lsraeró꞉nons waʼthontentʼtshóten tánon wahonterénhnaien.

Proverbs 18:10

Roiá꞉ner ne táhtsheren ne kwáh tioʼnikahtaʼní꞉ron, tsi nón꞉we enwá꞉ton niá꞉ien ne tionkweʼtaié꞉ri ne skén꞉nen aionnonhtonniónhake.

Isaiah 1:17

sewatéweienst thóh nasewáier ne ne ioiánere; sewésat kaiáneren, saietʼtsiniákent ne iontateronhiakéntha, ietsiʼiénawas ne iáh tehiakonísen, taiétsine ne ionateré꞉ons.

Isaiah 11:4

ók Karihwakwarihshionʼtsherákon tsi kwáh tensakoiatórehte ne iakóten, tánon thenhaiatóreʼte kwáh sathenhiotónhake ne tsakorihwaiéri ne tsi ionwenhtsáte; kwáh ne enhaiénte ne tsi ionwenhtsáte ne kánia rohnón꞉te tsi rasakarón꞉te, tánon né tsi nihatón꞉ries ne raskwenhtàke kwáh ensakononwarákon ne ronhnonkwetaʼhétkens.

Isaiah 61:1

Ne Raoshatsʼténhsera ne Roiá꞉ner Rawenni꞉io onhtiaʼtórenhne, tsioríhwa ne Roiá꞉ner tsi ratiaʼtarákwen; thaʼkateniéton nahontátʼkhawe ne karihwí꞉ios rononhá꞉ke ne ronwatiʼwí꞉shaton, nahonshakhétienhte ne teiakawerhiaʼsaríhon, naʼkerihowanátenh natatewenhniʼiósera rononhá꞉ke ne ratinhó꞉tons, tánon nahonsahonwahtiʼnhotónhko ne ratiʼnhó꞉tons;

Jeremiah 39:18

Í꞉i enkhonhnikonráhrahke, tánon iáh thahieshaʼnonhwahrhiákhon. Ne tsi sónnhe ensehniákenhthe tioríwa tsi í꞉i thakeniahésenhne. Í꞉i, ne Watiá꞉ner, wakahtháti.”

Jeremiah 45:5

Kwáh kén séhshaks ne iorihowáhnenh ne shariwáhke? Tó꞉sa éhʼtho náhtsiere. Kwáh takʼkháwi ne kakahronhniátshera nonhkwetahkwékon akorihwáhke, ók kíʼ níse ensehniákente ne tsi sónnhe, ne ne kwáh tsík nonhwéson nienhénse. Í꞉i, ne Watiá꞉ner, wahkatáti.”

Ezekiel 13:5

Iáh tehatinikónhrahre tsi nonhwéson nasóntas tehioréhnion, iáh ó꞉ni teshatikwahtákwahs nasontasónhas, tánon káti ne Israerʼró꞉nons iáh tahatikwéni nahontahonthátehne nónenh nateriʼiósehra enwáhwe ne Roiá꞉ner rahwenhnísehra.

Hosea 10:12

Ne sewathatsiénthos ne karihwakwahrihshióntsheras; ne sewaienthó꞉ko ne iorihwató꞉ken kanoronkwáhtshera; tesakenrawénhrie tsi nón꞉we nisatonhontsaserón꞉ni; asè꞉ken ó꞉nen iehióhe natsiatísake ne Roiá꞉ner, ne kí nahónton nahóntare tánon ne ahakenhnóreste ne karihwakwahrishón꞉tshera shón꞉hake.

Hosea 7:10

Né Israel tsi niwathatónhni ne wahoiatanó꞉ten; nek kík sá꞉ka iáh Roiá꞉ner Raotiní꞉io nokwáh tseshón꞉netha, khés nahonwahiatísake, né kí akarihónhni.

Jonah 3:9

Tóka seʼ nón꞉wa ne Rawenni꞉io tenshoterihwaté꞉nien; tóka seʼnón꞉wa enhátkaʼwe tsi nihonahkhwén꞉en, tánon iáh thaʼetewén꞉heie!”

Zechariah 8:19

“Ne iakenthontsethákwas ne kaierí꞉haton, wískhaton, tsatáhkhaton, ó꞉ni ne oieríhaton niwenhnithakehá꞉ton ne ienwahthihéntho nathonhnaráhtshera ó꞉ni naʼtsenhnonhniá꞉tsheras ne tahiontenonhwerá꞉ton ne wenhthanó꞉rons nonhkweshón꞉ʼa akorihwà꞉ke ne Judah. Ó꞉nenk tsi ensehnóronkwe norihwí꞉io ó꞉ni ne skén꞉non.”

Matthew 5:5

Iakotaskat nʼok tiiakaȣeron iaȣeronhatie; aseken akoȣenk enȣaton nonȣentsia.

1 Thessalonians 4:1

Nonakénh꞉kha, tewatenroʼshón꞉ʼa, wahkwahrihónnien ónh꞉ní꞉ioht tsi aitiónnheke tsi ahontatsisewahnikonraiérite ne Rawenni꞉io. Ne kí꞉ken, ne kwáh thóh ní꞉ioht, tsi tionnhétie꞉ne. Tánon nónwa wahkwanéken ó꞉ni kwahretiárons raosénnakon ne Roiá꞉ner Ié꞉sos ne sénha ísinon tsi naisewáh꞉iere.

1 Thessalonians 4:10

Tánon sewáh꞉ien, kwáh seh, thóhniʼiehʼtsihiatsieráse rahtikwéh꞉kon ne thonetákwen atenatakwékon ne Macedonia. Káti kwahnekénʼnis, tewahtenroʼshón꞉ʼa, kwáh séhkon ísiʼnon tsi naisewáhiare.

1 Tiér 1:22

Nónwa ne tsi sewatewennarákwen ne oriwiʼioʼónwe níse iatesewaiáti tsi sehsewatonnakanónni ó꞉ni ne iahátkene naisewaháwake ne naioriwatokénhake tsi aietʼtsinorónkwake ne ronatiakhésons ne thoʼnetákwen, tesewatatenorónkwak tasewanikonrakontakwénhak kwáh seweriasakwékon.

1 Tiér 3:4

Kék khók, ne sonkwetihiótsera neh akénhake tsi kwáh nisonkwetóten, ne iáh tatewathatáwis hiontʼkatotserí꞉io ne tiakoriwaiéri saktíken tsi iakónnhe, neh nahonhá꞉a tkanóron ó꞉ni tkhoʼwánen ne rahohénton ne Rawenni꞉io.

2 Tiér 3:18

Nók iasewatasónteren sewatehiáron thóh nónwe ne rahotenretserákon ó꞉ni ne rahotʼthokhatserákon ne Sonkwaiáner ó꞉ni Sonkwaiatákwen Ié꞉sos Kerístos. Rahónha ne kahiatanerakwátsera, nónwa ó꞉ni tsi nénwe! Éhʼtho naiáwenʼne.