Zephaniah 1:8 - Ohiatonhseratokénti

⁸ Tánon ne kwáh thóh enwenhniserá꞉teke ne Roiá꞉ner tsi rokhwáhere kwáh enkheréwate ne ronaterihóntons tánon ne ronhnontí꞉io raonekenteronhtseraʼshón꞉as tánon tsi niiákon né꞉ne iakotseronhniáton ne tiwakwéniate.

Zephaniah 1:8 ပူးပေါင်းရင်းမြစ်များ

2 Kings 10:22

Éhthohʼne ó꞉nen ne Jehu washakónaʼne ne ratitsihénstatsis ne ratinón꞉ne ne iotokéntis wakosés꞉sons nahontahatíhawe nètho wakosés꞉sons tánon né thonwénhnon ne ronterénʼnaiens.

Isaiah 10:12

Nó꞉nen ne Roiá꞉ner enhá꞉sa akwékon ne raoʼiothénsera ne tsi ionónte ne Zion ó꞉ni thóh nón꞉we ne Jerusalem, kwáh kí enhoréhwate ne ratatkowahnátha tsi natehothaʼterénhsaron ne ronnontí꞉io ne Assyria tánon tsi nihothatóhare tsi nihanáʼie.

Isaiah 2:6

Ó Ní꞉io sehiatewenhtéton ne shonkwetaʼshónha, Ó tsi ronónshote ne Jacob. Kwáh thiʼtatíhere nonkweʼó꞉kons tehontʼkónstas ne tsitkarakwínekens nithonhnétha tánon tehontʼkónstha kwáh tsi ní꞉ioht ne Philistines, tánon tehonatatenenhtsawáhkons ne tihononhontsátes.

Isaiah 24:21

Ne thóh entewenhniseráteke ne Roiá꞉ner kwáh ensakoréwaʼte ne ratironhiakeró꞉nons thóh karonhiáke, tánon nonwenhtsáke ne rotinontí꞉ios ne tsi ionwenhtsáte.

Isaiah 39:7

Ótiakes ne kwáh í꞉se sakekenteronʼtserashónhas né í꞉se senakeráts꞉ton kwáh kíʼ ienhonwatiʼiaténhaʼwe; kwáh thenhonwatiʼnenhiatakwahniónko tsi ronónshoʼte ne ronnontí꞉io ne Babylon.”

Habakkuk 1:10

Thihonwatiiéron ne rotinontí꞉ios, tánon ne ratikoráhsons ronwanatswáhtakwa nenh né꞉eh. Neh watenhenraké꞉rons iáh thakakwé꞉ni ne tahiakotáste, tánon okén꞉ra rathitonhiótʼtas nasontatʼtas tsi enhatiié꞉na.

Deuteronomy 22:5

“Ne konhnónkwe iáh tehiówenk ne rónhkwe rahotsherón꞉niat ákonhste, tánon ne ronhnónkwe iáh nónhne tehiówenk ne konhnónkwe ahonaʼtserónhniat áratste; Ne Roiá꞉ner saNí꞉io shakósons nónhkwe ne nihieweienhnó꞉tens.