Zephaniah 1:7 - Ohiatonhseratokénti

⁷ Sak thasatatón꞉ni raohénton ne Roiá꞉ner Rawenni꞉io! Asè꞉ken ne rawenhní꞉sera ne Roiá꞉ner ákta í꞉wes; ne Roiá꞉ner roweienhnenhtàhon rokʼkhwáhere, sakohiatatokenhtíston ne sakohonkará꞉wi.

Zephaniah 1:7 ပူးပေါင်းရင်းမြစ်များ

Job Tánon ne Raoronhiakensera 24:1

“Tsi nitsawè꞉non ne kariwentátshera tsi iáh tewaséhton raonhà꞉ke ne roshatstenhserowanenʼkó꞉wa; nonhtié꞉ren tsi niiá꞉kon ne ronwanorónhkwa iáh nonhwénton teiakotkáton ne kaianéren?

Psalms 46:10

“Thatesatótat, tánon sateriéntarak tsi Í꞉i ne Ní꞉io í꞉ken! Ksenhnowánen tsi nòkwa nonkweshón꞉ha, ionksenhnakaratháton ne tsi ionhwenhtsáte.”

Isaiah 13:3

Akónwa khók kheríhonte nakonkwetashón꞉has ne rotiʼiatatokentíshons, iekhehʼnón꞉kon nakonkwetaʼshón꞉has ne ronterí꞉ios, né꞉ne tekherénhsarons thonatonkwetaʼtónhnions, nahonteriwaténtsiaʼte nakenakwátshera.

Isaiah 13:6

Satsitówak, asèken ne rawenhnísera ne Roiá꞉ner ákta í꞉wes; tsi nènhtewe kwáh né꞉ne atkaronhniátsera thóh nitsawénon ne roshatstenhserowanénhke!

Isaiah 2:12

Asèken ne Sakoiá꞉ner ne ronterí꞉os ratironhiakerónons tsi rawenhniserahrákwen né sakokkónten ratikwékon ne iontatónhni tánon ne iakotatkowaná꞉ton ensakokkónten tsi niháti ne iakotatʼtharatáton tánon aiesenhnowanénhke;

Isaiah 29:2

Kwáh kíʼ ó꞉ni tenhiʼhianikonrhiák꞉then ne Ariel, tánon thóh kí nónwe enhiakahonseniánion tánon enhiakonikonraksénhsheron, tánon ne Jerusalem nakonhá꞉ke kwáh thóh nenhiohiátawen tsi ní꞉ioht ne Ariel.

Isaiah 34:5

Nó꞉nen nakwasarekó꞉wa iatehioiérise tsi niʼionekíren ne tsi karonhiáte, sewathenhnikonhrá꞉ren, kwáh iaʼthenhiotásenhte ne Edom, rononháke nonkweshón꞉has ne kherihwénhton nahonwatiríhwenhte.

Isaiah 34:6

Né Roiá꞉ner raosharehkówa; kwáh ionekwenhsarón꞉nion, né iawerónhnion ne iorénhsen, né꞉ne raotinekwénhsa ne teiotinakarontónhas owirasónhas tánon ne kaiatákeras, né iawerónh꞉nion ne ioréhsens raotistiéseris ne teotinakaronhtón꞉has owirasónhas. Asèken ne Roiá꞉ner rateskóntane ne Bozrah nón꞉we, né꞉ne teiotenonhianíton tsi nenhionthatenonwarhiakónhnion ne tsi ionhontsáien ne Edom.

Isaiah 6:5

Tánon waʼkí꞉ron, “Enskatateriwásthen! Wakatsiathatónhon, asèken Í꞉i ne kónkwe ne iáh tehiotkwéniens ne kerihtsakes, tánon ne skát꞉ne iakwahnákere ne iáh tehiotʼkwéniens ne ratiritsákes; eʼthóhʼsàne ne kharàke ró꞉ken ne Ronnontí꞉io í꞉ken, né꞉ne Sakoiá꞉ner ne ronterí꞉ios ratironhiakeró꞉nons!”

Jeremiah 46:10

Ne kí꞉ken ne rawenhnísehra ne Ronnonhtí꞉io Roiá꞉ner Roshastsʼtenseroʼwáhnen: ónhwah wenhnisehráhte kwáh enshaʼkáhrhiaʼke; ónhwa wenhnisehráhte kwáh enshakoréhwahte ne ronhwáhsons. Ne rahoshaʼrekówah kwáh enhiakohiathakári tsi nióre iaʼtenhiohiériseh, tánon enkahnekírah ne raoʼtinhekwénhsa tsi nióre iaʼtenhiohiériʼse. Ónhwa wenhniseráhte ne Roshastsʼtenseroʼwáhnenh shaʼkotsiatatʼtsaháthon ne shaʼkowénhthon ne ne othoréhke nokwáhti ne tsi kaniatharahtátsie ne Euphrates.

Ezekiel 7:10

Nenhnísera ne kariwenhthátshera kénʼen íwes; ne satkaronhniátshera shá꞉rahne! Nonhkweshón꞉ʼa akoriwahneraháktsheras tánon tsi niʼienáhie ónenh onhtawénhrahte.

Ezekiel 7:7

Ne tsi ieiótʼthe táhwe ne tsiónkwe sewahriwáhke ne owenhtsáke tiónnhe. Ne kawistáheks ákta íwes nónenh kwáh iáh tahonshahiontenikonhró꞉ri ne tiononhtáhere ionterennahienthákwah, nék khók ne tahiakonithónnien.

Joel 1:15

Oh tsi niiotakwaskwa ne tho entewenniserateke! Asè꞉ken ne rawenhní꞉sera né Roiá꞉ner ákta í꞉wes, tánon né꞉ne kaʼkaronhniá꞉tsheras tsi nénhtewe ne Roshatstenhserowanenhkó꞉wa rahonhà꞉ke.

Joel 2:11

Ne Roiá꞉ner kwáh enhatá꞉ti raotihén꞉ton ne raonkweʼtashón꞉as ronterí꞉ios; ne raonkweʼtashón꞉as ronterí꞉ios iáh tewashé꞉ton tsi nionatiokowanen, nón꞉ka enhatewénhnaraʼkwe ne raorihwatatʼtsera enhashátsteke ki! Asè꞉ken ne rawenhní꞉sera ne Roiá꞉ner tsi enwenhniserowá꞉nen tánon thenhiotenonhianì꞉tonke! Ónhka iaiekwé꞉ni nahiontakátsthate?

Joel 2:31

Ne karáhkwa entsiokárawe, tánon nasonhthenhné꞉kha karáhkwa thenwatenekwenhsónhten, raohén꞉ton ne teiotenonhianì꞉ton tánon iothenhniserát꞉teron rawenhní꞉sera ne Roiá꞉ner enwá꞉we.

Amos 6:10

Tánon tó꞉ka saiá꞉ta ne rontatenónkwe ne ahatsenhónhni nahatsáhate nawenhehiónta thá꞉rahkwe nahontahahiákenwe ne kanónskon, tánon kwáh ensakawénhase nónhkak shé꞉kon iatahiakotatenhrón꞉ke shé꞉kon kanónskon ahieterónhtake, “Ónhkak ken skát꞉ne senikwé꞉kon?” Thentserihwaʼserá꞉ko, “Iáh.” Eʼthó꞉ki ne iatatenónkwe enhénron, “Saktasathatónhni! Iáh tehió꞉wenk nahitenináton ne raoshén꞉na Roiá꞉ner.”

Amos 8:3

Ne konhnónkwe ne tekontirihwákwas tsi kanontiiotserá꞉ien enkontskwarahrónhnion né꞉tho entewenhniserá꞉teke,” rá꞉ton ne Roiá꞉ner Rawenni꞉io; “nawenheióntas kwáh thóh tsi nenhiawetowánenhke, tsitnonhwésons átste tewátsion. Sak tasatatónhni!”

Habakkuk 2:20

Ók kíʼ ne Roiá꞉ner thóh rénhteron ne raononsatokentikówane; Áhnion kíʼ ohontsakwé꞉kon sak tihiontatón꞉ni ne raohénton!

Zephaniah 1:14

Ne wenhniseró꞉wahne tewenhniserónhte ne Roiá꞉ner rawenhní꞉sera ákta í꞉wes, tánon thentsawénhstsi tsi nonhtaiawenhnonhátie; tsi nenhiorahkáre ne rawenhní꞉sera ne Roiá꞉ner ne kwáh ronikonhraktshen; otsitó꞉wa tenhasénhto ne ronikonratsani ratiriios ne nón꞉we.

Zechariah 14:1

Nenhní꞉sera nó꞉nenh ne Roiá꞉ner enhátsien ne tahahiató꞉rete ákta í꞉wes. Ethò꞉ne ne Jerusalem kwáh enkonhwanenskwenhá꞉ton, tánon ne kanénhskwen kwáh tenkaiákhonke ne sahénton.

Zechariah 2:13

Sak thikénhak, sewakwé꞉kon, ne rahohén꞉ton ne Roiá꞉ner, asè꞉ken thóh nón꞉we nonhthahawehnonhátie ne iotokénhti thonónhsote.

Malachi 4:1

Satkáhtho, nenhnísera tá꞉we, iotékha tsi ní꞉ioht ne iontenaʼtarontáhkhwa, nó꞉nen ratikwé꞉kon ne rontatkowanáhtha tánon ratikwé꞉kon ne karihwahétkenʼs rotiióʼtens kwáh kawá꞉ʼeh enhón꞉ton; nenhnísera ne én꞉wawe kwáh kiʼ eniakotiaʼtátsaʼahte, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs, ká꞉tiʼ kwáh iáh tshiaʼtaonsahonwanèn꞉rahse nohté꞉ra khehs nʼonhateshón꞉ʼa.

Matthew 22:4

Tihatite sekon ionsasakotori; ȣahenron: ietsirori ne khehonkaraȣi tsi onen kaȣeiennentaon kakkȣahere; akȣekon konȣatirio ne kheiaresenstonne, onen kati kaȣeiennentaon karo kasene nok seȣatekkonni.

Romans 3:19

Kén nónwa ionkwateriéntare kwáh oriwakwékon ne kaianerénsera niehéken tsi niháti ne thóh nónwe ne kaianerénsera ronastonhátie, neh akakwéni onhkwetaʼkwékon taiakótaste ne tóhsa ahonsahatirahiátakwe tánon nawéneste tsi Rawenni꞉io seh tenhaiatórete nohontsiakwékon.

Romans 9:20

Nók í꞉se, órie, ne tahonthatsewenʼnáweron ne Rawenni꞉io? Nhotára kátse iáh tehoriwanontónʼni ne rónkwe tsi nikáien róhson, “Nontiéren tsi ehní꞉ioht tsi tatiatíson?”

Philippians 4:5

Sewénests ne tkariwaiéri tsi natesewáhthere. Kwáh iostóreh ne Roiá꞉ner énsrawe.

1 Samuel 16:5

Ne raónha wahén꞉ron, “Skénnonk í꞉ken; Ne aorí꞉wa tsi kénʼen tá꞉ke ne nahiʼiateskóntʼtase ne Roiá꞉ner; sasewatonnakanónhni niaʼtesewahía꞉tis tánon káts í꞉tewe tsi tewatéskonʼte.” Tánon sahotonhnakanónhni ne Jesse ó꞉ni ne sakoioʼokónʼahs tánon washakohónkaron iahón꞉ne tsi tewatéskonte.

1 Samuel 20:26

Ne Saul kwáh iáh netsiowénhna tehá꞉wenh nètho wenhniserátekwe; asèken ne rahón꞉ha wárehre nenhné꞉ʼeh, “Khahohiátawenh; iáh tehotʼkwéniens, oriwiʼiohónwe tsi iáh tehotkwéniens.”