Zephaniah 1:5 - Ohiatonhseratokénti

⁵ tsi niiákon thenhiontsákete ne tsi karonhkwenáhere raotihénton ne ratironhiakerononókons; tánon tsi nihiákon thenhiontsákete tánon enhonwarihwanirát꞉tse ne Roiá꞉ner, ók ethosà꞉ne ronhwariwaniráti ne raotiní꞉io Milcom;

Zephaniah 1:5 ပူးပေါင်းရင်းမြစ်များ

1 Kings 11:33

Thóh kí nénhtiere tsioríhwa ne Solomon tsi né washakosénhnaien ne thikaniʼioserátes: né꞉ne Astarte, né rahotiní꞉ios ne Sidonró꞉nons; ne Chemosh, ne raotiní꞉io ne Moab; ó꞉ni ne Molech, ne raotiní꞉io ne Ammon. Né Solomon kwáh kíʼ wahakewenhnónhti; tehoterienhthaweriéhon tánon iáh tehotsenawáston naʼtianerénhseras ó꞉ni nakerihwatátʼtieras tsi né niʼiohthónhne ne ronikénʼen Táwit.

1 Kings 11:5

Né shaʼsénhnaiensʼkwe ne Astarte, né rahotiʼní꞉io kènhne ne Sidon, ó꞉ni ne Molech, né ahotehénsera ne Ammon.

1 Kings 18:21

Né Elijah ónhkwe tsi rónhnes niahá꞉re tánon wasakawénhase, “Tóh shé꞉kon nikaríhwes ne iathahiʼsewarihwaiénthaʼse? Tó꞉ka ne Roiá꞉ner rahónha Ní꞉io í꞉ken, tsi sewasénhnaien kíʼ; ók tó꞉ka Baal Ní꞉io íken, né kíʼ sewasénhnaien!” Ók kíʼ nonhkweshón꞉as iáh ne tsowénhna thènhnen thehó꞉nen.

2 Kings 17:32

Kí꞉ken onhkweshón꞉as ronwasénhnaienskwe nón꞉ne ne Roiá꞉ner tánon thóh tsi natehónteres wahonwatiʼiatarakwenháton niatehionkweʼtoténhsons né nahonstsihenstónhni tsi nón꞉we ne ionkweʼtátʼsens nihonterenhnaienthákwahs tánon thóh nón꞉we nahontahatiʼiésthake tsi ahonwanateskóntʼthase né nón꞉we.

2 Kings 17:33

Ká꞉ti wahonwasénhnaien ne Roiá꞉ner, ók kíʼ ronwatisénhnaienskwe nón꞉ne ne raʼotiní꞉ios né tahiohianénhawe tsi nihotirihótenskwe ne tsi kanakerasehráiens tsi nón꞉we nithonenónhseron.

2 Kings 17:41

Káti thí꞉ken onhkweshón꞉as wahonwasénhnaien ne Roiá꞉ner, ók kíʼ ó꞉ni konwasénhnaienskwe ne raoʼtiʼiatónhnis; tánon shé꞉kon kíʼ nónwa wenhniseráte kwáh shé꞉kon éhthoh nihatiʼiéra.

2 Kings 23:12

Né ietsienhará꞉kwahs tsi nikáien ne ronnontí꞉iokwe ne Judah rahónhni ne tsi karonkweʼnáhere ne tsi kanontiʼiotseráien né꞉ne é꞉neken tsi renterónhthakwe ne Ronnontí꞉iokwe Ahaz, né Ronnontí꞉io Josiah thahásenhte, kenikwekonháʼtse ne ietsienharákwah né Ronnontí꞉io Manasseh rokétskwen ne tehiokwénrare natenhénrakons Nononsatokentiʼkó꞉waʼne; kénk níwas tsi waʼtewatʼthóko tánon ahonrákwahkon ne Kidron iathatesén꞉niate.

Isaiah 22:1

Ne tekawenhnathéton ne aorihwàke Nahonrakwáhkon ne Karihotáshion. Onhnahó꞉ten tsi tons nètho ní꞉se tsi iesharátʼthen,

Isaiah 44:5

Né꞉ne kí kén enhia:íeron, “I꞉i ne Roiá꞉ner rahonkwé꞉ta í꞉ken,” nó꞉ia né꞉ne enhiontatenátonkwe ne Jacob raosénhna, né thiʼhaiátate kwáh né rasnonsàke enhahiáton, “Né꞉ne Roiá꞉ner rahonkwé꞉ta í꞉ken,” tánon né thenhatatʼtsenhnáseren ne Israel raosénhna.

Isaiah 45:23

Iahteʼtsiáti khók wakerihwanirá꞉ton, tsiksakáronte tioiakénʼen tsi nieʼiawénon ne karihwaʼkwahrihshióntshera né nowénhna né iáh thatahontónkete: “Ní꞉i kwáh tsi niaʼteiekwitsàke tsi thenhiontentʼtsóten, kwáh tsi niaʼtewenhnasàke tsi enkarihwaníraʼte.”

Isaiah 48:1

Sewahthón꞉tek kí꞉ken, ne tsiónkwe NʼIsraerʼronónke, né ronwanatónkwen ne kasénhna Israel, tánon ne rahónha thóh nón꞉we nitawénon tsi nontakawatsiratátie ne Judah; rahónha rorihwaniráton raosénhnakon ne Roiá꞉ner, tánon iaohná꞉ton ne Sakowenní꞉io NʼIsraerʼronónke, ók iáh noriwí꞉io khés ne tkariwaiéri akénhake.

Jeremiah 12:16

Tó꞉ka kwáh ronhnerhiasahkwékon tsi enhatihiéna ne akonhkwetaʼshón꞉a raothiriwiʼiostóntshera tánon enhatiriwahníraʼte, ‘Ne tsi rónnhe ne Roiá꞉ner’—ne tsi nithonwatiʼrihonniénni nakonkwetaʼshón꞉a nakonhwariwahníratse ne Baal—ethóhʼne kíʼ kwáh enhonwanatsatáhrahse nakonkwetaʼshón꞉a tánon kwáh enhotihianerásten.

Jeremiah 19:13

Ne Jerusalem nónhwe nikanonhsóhtons, ne tsi rothinonhsóhtons ne rotinonhtí꞉ios ne Judah nónhwe, tánon ó꞉ni ne kwáh tsi niaʼtekanónhsahkes tsi nónhwe ne karonkweʼnahkésons ne wenhnekeráhkons watʼtsahathánions né꞉ne ratironhiakerónons raothiriwáhke tánon thóh nónhwe ne otsítsa tewahwéhron né꞉ne akonwahtítatʼtse ne thikaniʼiosehraténions—kwáh ratikwékon tsi iáh tahonatkwenienstónhake tsi ní꞉ioht ne Topheth.”

Jeremiah 32:29

tánon enhatitsiró꞉ten. Kwáh enhontenonhkwahtette, tienwahkwekónhaʼke ne tsi kanonhsóhtons tsi nónhwe nonhkweshón꞉a nihionkenahkonhníhon tsi wahkonwaʼtienkwahronniáten ne Baal ne karonkwenahkésons ó꞉ni tsi tahathinekáhwehron notsítsa tsi wahonwahtítatʼtse nohiáson niʼiohokónhas.

Jeremiah 4:2

tánon tó꞉ka ensehwarihwaníraʼte natsénnakon; ó꞉ni thisehwethákwen, tionkwetaiéris, ó꞉ni sehwahiánere, eʼthóhne káti akahonwenhtsiakwékon enhionkerihwahnónhtonseh nakhehiathatérisʼthe.”

Jeremiah 49:1

Kén kíʼ nahó꞉ten ne Roiá꞉ner ráwenh tsi nòkwah ne Ammon: “Káh nihónnes ne ronnónhkwe ne Israerʼró꞉nonhke? Iáh kén ónhka tehióien nahonthaʼhátiʼne ne rahononhontsiashón꞉a? Nonhtiéren tsi wahonwahtiríhon nonhkweshón꞉a né konhwahsénhnahiens ne Molech ne ne ahatiʼiéna ne ratitaráhien Gad raotinahkerásera tánon thóh nónhwe nahontenáhthaien?

Jeremiah 5:2

Iáh werohátien tsi sehwáhthon Roiá꞉ner tsi sehwahsénnahiens, iáh thitisehwehthákwen tsi nahó꞉ten sehwáhton.

Jeremiah 5:7

Ne Roiá꞉ner wahariwahnónhton, “Onh nonhtiéren tsi ahonsakkhenikónhrense nakonhkwetahshón꞉a raotiriwahnerahákʼtsheras? Ionkatewenhtheʼton tánon né konhwahthisénhnaien ne kahiathónnis ne iáh tekonhnónnhe. Nónenh khenónhten nahkonhkwetaʼshón꞉a tsi nióreh ne kwáh hiathotihiériseh, ók wahontenahkwahiéshaʼte tánon ne wahontʼkáhionsthe ne iothiriwahiathaʼthónʼhons.

Jeremiah 7:10

Né et nishé꞉rah tsi nahó꞉tens ne íksons, ó꞉ni táhse akʼkénton wahtésthaʼne, ne kwáh í꞉i akenonhsatokentíke, tánon sáton, ‘Ionkwaniakénʼen!’

Jeremiah 7:9

Nensehnénhsko, nensehiasehthe, nenshá꞉tenahkwaieshá꞉the, nenshá꞉nowenhte nónenh sahriwahniráton, tánon nentiatienkwaronniáten ne Baal, ó꞉ni nensehsénnaien ne kahiatónnis ne iáh tesehienteríhʼne ne tiotierénton.

Jeremiah 8:2

Tsi ní꞉ioht nakaró꞉ronhke tánon akahiathátenhke, ne raotiʼstienhokónhas thóh nenhʼhiothónhake tsi ní꞉ioht ne óhtha iakonhonsahresensthákwah onhwenhtsiáke kahkéhron. Tánon tsi tenhwahrehniáthonke thóh tsi iohráhkhothe, tánon ne asontʼténhnekhe karáhkwah, tánon ne tsi iotsistokwahrónʼnions, né kí꞉ken nonhkwehshón꞉a ienonhrónhkwahkwe tánon ne tahieriwásniehʼne, tánon ne konhwaterihwaiénhnisʼkwe ó꞉ni konhwathisénhnaiensʼkwe.

Hosea 10:2

Ne raoneriá꞉ne iáh tehiorihwató꞉ken; ó꞉nen kí enhontkéthate ne raotinhí꞉tshera. Ne Roiá꞉ner kwáh thenharihtánion ne tsi ratitsenharáhkwas, tánon enharihwenthóhsehron ne raotinawahataʼshón꞉as.

Hosea 4:15

Ethosà꞉ne ne wetsiátswate ne watenakwaiesátha, O Israel, tó꞉sa serí꞉hon ne Judah nahiónike. Tó꞉sa ienhénse niasatawéiate ne Gilgal, khés ne iáse ne Beth-aven, tánon tó꞉sa serihwaní꞉rat, “Ne Roiá꞉ner tsi rónhne.”

Amos 5:26

Ní꞉se kwáh kí ensewahawí꞉son ne sewahiatónhnis Sakkuth né꞉ne sewanontí꞉io íken tánon ne Kaiwan né꞉ne sewatsisto íken, ne ní꞉se sewatatʼtsenhén꞉ni;

Matthew 6:24

Iah taonton onka tekeni taokosȣetseraientake; aseken tokat saiatatenhosȣen, onhononȣene ne saiatat; ok neʼsʼenʼs ne saiatat enhokonnienste, enhokenron ki ne saiatat, iahkati oni nise taonton ne sataietsiiotense, ne Niio tanon notkonseraksen.

Acts 10:9

Nóhia sahiórenne, tsi wahonathaiʼtákene ónen ákta sihónne ne Joppa, Tiér karonkwénake hiaharátʼten káknon ne éntie síkare nahaterénʼnaien.

Romans 14:11

Asèken noriwatokénti wáton, “Tsi nihioriwí꞉io tsi í꞉i ne konʼnheónwe Ní꞉io, ráton ne Roiá꞉ner, kwáh tsi niatehionkwétake tsi tenhionkatentʼtsóthaʼse, tánon kwáh iatehionkwétake tsi enieriwanírate tsi í꞉i ne Rawenni꞉io.”

Deuteronomy 10:20

Skweniénstak ne Roiá꞉ner saNí꞉io tanon rahonhatsí꞉wak kók entsenhnaiénseke. Sariwatokénhak ne raonhà꞉ke tánon nensaráhratste rahoshén꞉nakon kók kénhak.

Deuteronomy 4:19

Nó꞉nen iensatká꞉tho ne tsi karáhkware tó꞉ka ó꞉ni nashonthenhnékha karáhkwa tó꞉ka ni ó꞉ni ne tsi iotsistoʼkwarónhnions, tó꞉sa iesaʼnikonhrotá꞉ko ne tasaʼtshà꞉kete naseshén꞉naien. Asè꞉ken ne Roiá꞉ner saNí꞉io né꞉ne tesakó꞉wi nakoʼrénhson ne tsi ionwenhtsáte nakonhwatiʼshén꞉naien.

Joshua 23:7

tánon ethò꞉ne iáh othé꞉nen tathaisewateriwahsónhteren kí꞉ken onhkweshón꞉ʼas ne iatehonathaténron tsi nón꞉we nisewénhterons tó꞉sa ó꞉ni ietsinaʼthónsek ne rahotiní꞉ios tó꞉ka ó꞉ni nahí꞉sewatste thí꞉ken kasénhnas nahisewarihwaní꞉ratsthe tó꞉ka ó꞉ni nahisewasénhnaien thí꞉ken niiohokónhas tó꞉ka ó꞉ni ne tahisewatsatʼkhéthe nahothihéntons.