Zephaniah 1:18 - Ohiatonhseratokénti

¹⁸ Sénha í꞉si nón꞉we ne raotiwístas kawistará꞉kens khés ne owistanó꞉rons iáh tkakakwé꞉ni nahiakonónsthate né꞉tho tewenhniséronhte ne Roiá꞉ner raonakwáhtshera; ók onhontsakwé꞉kon ótsire enwatsáhate ne tsi nihotekéfen, asè꞉ken ne enronhniáte ne tsi iehiotókte tenhiotenonhianí꞉tonhke kwáh ratikwé꞉kon tsi nihiákon ienákere ne tsi ionhontsá꞉te.

Zephaniah 1:18 ပူးပေါင်းရင်းမြစ်များ

Genesis 6:7

Ka꞉ti ne Roiá꞉ner wahénron, “Kwáh ensekheiarékwahte kíʼ onhkweʼshón꞉ʼa ne kheiaʼtíson, tánon ó꞉ni ne kárioʼs ó꞉ni notsitenokón꞉a ne tsi iówerare, ne tsi skataterihwáhstani tsi kheiaʼtíson.”

1 Kings 14:22

Nonhkweshón꞉as ne Judah nónhwe wahatirihwánerake tsi nòkwah ne Roiá꞉ner tánon sénha ísiʼnonhtsi nahonwénhraʼte ne rahonakwáhtsera né ronónhake nahontahonwatíkwekʼthe ne sakotisotʼthonkonhkénʼen tsi nahonátiereʼke.

Job Tánon ne Raoronhiakensera 21:30

Ne ronhnonkweʼtahétkens ronwatinónstats ne tsi tewenhniséronte ne atkaronhniátshera; entonwatiiaʼténhawe nentewenhniserá꞉te ne kanakwáhtshera.

Job Tánon ne Raoronhiakensera 3:15

khés ne kakorahserá꞉kon ronaterihóntons rotiiéntakwe nowistanó꞉ron, ronónha thitkarákwe ne tsi rotinonshó꞉tons kawistará꞉kens.

Psalms 78:58

Waʼsakoʼnhákwahse ne Rawenni꞉io ne tsi waʼhonnonniánion ne ietsienharákwas ne thikaniʼiosehrátes áhontste; waʼsakotekhétfase né꞉ne raotiʼhiatonhnisónhas waʼkonhtirihónhni.

Psalms 79:5

Tohnikaríwes, Ó Sewenní꞉io? Kwáh kén tsi nénhwe enkénhake tsi ensanakwénhenke? Kwáh kén ne waʼtekéfas sanhakwáhtshera enhióteke tsi ní꞉ioht ótsire?

Proverbs 11:4

Kakwahtshéhsera iáh oʼthé꞉nen thaiehsaiaʼtakéhnha nó꞉nen entewenhniserá꞉teke tensáhkwaʼte kenhé꞉ion, tókaʼ sarihwakwaríhshion ensaʼniá꞉kenhte tsi sónhnhe.

Proverbs 18:11

Sók ne rotikwáhtshe rón꞉nehreʼk raotikwahtshéhsera enhotinónhstate tsi shí꞉ken ní꞉ioht ne kwáh iorihwahní꞉ron è꞉neken tiótte tewahsónhtote teiohkwatasé꞉ton tsi kaná꞉taien.

Isaiah 1:24

Né Ká꞉ti aoríhwa rá꞉ton ne roʼshatstenhserowánen ne Sakoiá꞉ner ne ratiʼronhiakeró꞉nons, ne rahonhaha tashatstekówa ne Israerʼronónke: Ók, kwáh kí entkáweron nakenakwáhtshera rononháke ne ióntsions, tánon kwáh Í꞉i enkheronʼhiákente ne iónkʼshons!

Isaiah 10:17

Naʼoswaʼthétshera ne Israel ótsire ienhwáton, tánon ne Roiataʼtó꞉kenti Í꞉ken otón꞉kwah nènhneʼe; tánon kwáh enhiotéke tánon enwáhtonte ne raohiktaʼshón꞉has ó꞉ni ne raonionhwáhras sewenhnísera khók enkénhake.

Isaiah 10:3

Ónh nénh꞉shere nenhtewenhniseráte ne karehwahthátsera, natkaronhniátshera né꞉ne kwáh ahí꞉non nió꞉re nènhtewe? Ónka aiesaiénawaʼse, tánon kaʼnónwe nénhshien ne satsokowátshera,

Jeremiah 7:20

Ne káti, Í꞉i, ne Wakenonhtí꞉io Watiá꞉ner, kwáh entʼkáweron nahkenahkwatsherowahnhátshera ne kénʼen Ononhsatokentiʼkówaʼne. Kwáh enthekhehiawerónhase nonhkweshón꞉a tánon kwáh sahtenhiothónhake ne konhtiʼtshénenhs, iekaníhare ó꞉ni ne tsi iorontó꞉tons tánon ne kaienthóhtsheras. Nakenahkwátshera thóh nenhióthon tsi ní꞉ioht nótsire iáh ónhka tahkakwéni nahónswahthe.

Jeremiah 7:34

Nonhwénhtsia kwáh karáhkon enwáhthon. Ne tsi kanahthowáhnenhs ne Judah ó꞉ni ne kanahthakónhsons ne Jerusalem entiáhke tsi nihiotʼtsiaró꞉kwen ne atʼtiennonhniátshera ó꞉ni ne atonnharáhtsheras tánon tsi nihionwéhsen tsi nihiontʼtsiarokwáhtha ne wahténniothe kakʼkwáhere.

Jeremiah 9:11

Ne Roiá꞉ner ráton, “Kwáh enkónhnien ne Jerusalem nahiothonhióthonke ne ioriwahiesáhsehrons, thóh nónhwe ne érhar nenhathináhkerehke; ne tsi kanahtowáhnenhs ne Judah karhákonh enwáhthon, thóh nónhwe ne iáh ónhka tahienáhkerehke.”

Ezekiel 16:38

Kwáh enkhonréwahthe ne tsi satenahkwahieshá꞉tha tánon sehiaséhtha, tánon nahkenahkwahtsherákon ó꞉ni tsi wahkatenahkwahwenhráhti kwáh enkhonréwahthe ne꞉ne ashihéhiaʼte.

Ezekiel 23:25

Tsioríwah tsi konhnhákwahse, kwáh enkheríhon raothinahkwahtsherákon ne ronónha kén niahiesáiere. Kwáh enhieshanionshá꞉ke ó꞉ni enhiesahontsáhke tánon ensakotinonhwahrhiákon ne sehienokónha. Hén, ienshakothihiaténhawe ne sanekenteronhtsherasónha ó꞉ni ne sahiathatshesehrasónha enhiesáhkwah tánon tiehonónhnheke enshakonahtsiatátʼtsahate.

Ezekiel 7:11

Ne kariwaksenhokónha sénha wéso iónhnis ne kariwaneraháktsheras. Kwáh iáh othènenh ne rahonawenhshón꞉has tsatahiothátere, iáh ó꞉ni ne rahothikwahtshésehra, ó꞉ni ne rahothirahséhtshera, iáh ó꞉ni ne rahothirensharónhtshera.

Ezekiel 7:19

Tsi Ní꞉ioht ne iotkénston tsi tekanatokʼkhánions ienhonáti ne raonáwenk nowistanórons ó꞉ni ne kawistarákens, asèken iáh ne kawistaráke khés nowistanóron takakwéni nahiakohiatanónhsthate nónenh ne Roiá꞉ner entʼtáweron tsi nihotenakwahwenʼráhti. Iáh tahónton nahonshá꞉honste nahonerientí꞉io ne raonaskanéktsheras tó꞉ka ó꞉ni nahontenekwéntikʼte. Owistanóron tánon kawistaráken kariwanerahaktsheráke niahakohiaténhawe.

Ezekiel 7:5

Kén kíʼ nahó꞉ten ne Ronhnontí꞉io Roiá꞉ner ratónnions: “Énska ne kariwahiesáhtshera enhionónhterahtse nó꞉ia tsi táhwe ne shariwáhke.

Zephaniah 1:11

Tesewahénret, í꞉se ne Mortar nón꞉we nisewanákere! Asè꞉ken onhkweʼtakwé꞉kon sakotónhton ne Canaan nón꞉we nihatinákere; ratikwé꞉kon ne rotiwistákete kaswistará꞉ken tsi enhonwenhnónhniake.

Zephaniah 1:15

Né꞉tho ne enwenhniseronhtákwen ne kanakwáhtshera, ne enwenhniseronhtákwen ne ahienikonhraronhiáken tánon nateraswatsénhtshera, ne enwenhniseronhtákwen nakarihwentʼthonke tánon ne karihwaiesátshera, ne enwenhniserontákwen ne tetioʼkarásheke tánon né꞉ne kwáh iáh tetiò꞉ken tsi natentioʼkarásehke, ne enwenhniserontákwen nahiotsatarónhnionke tánon iáh thahonsahiokéntonhke,

Zephaniah 2:2

nohénton ne kaianerénhsera aontónnhete nohénton ahontenhniseró꞉hetste, tsi ní꞉ioht ne káwahe ne tsi iahóte ká꞉tses; nohénton ne nón꞉we nahisewárane tsi niotenakwawenhráti Roiá꞉ner ahisewárahne nohénton ne raonhakwáhtshera ne Roiá꞉ner ahisahráne.

Zephaniah 3:8

“Ne káti aorí꞉wa, takwahteráhrat” ráton ne Roiá꞉ner, “asè꞉ken ne thóh enwenhniserá꞉teke kwáh thentekʼtane tsi ní꞉ioht ne ronwathonkwetawenhtháton; asè꞉ken tsi natewatiatoréton ne nakheiataró꞉roke nonkweshón꞉as, nakeró꞉roke tsi nionakeráhsera ne ronnontí꞉io ne nahontakawé꞉ron nakenakwáhtshera rohnonhà꞉ke; akwé꞉kon tsi niiotarí꞉hen nakenakwáhtshera kwáh ohontsakwé꞉kon otsiráhke enwát꞉tsa ne tsi niwakatekéffen.

Matthew 16:26

Nahoten naha oni ahatsennonniatakȣe ne ronkȣe, nonȣentsiakȣekon tahatentsa nok ahasente ne raotonnhestst? Ok ne ens nahoten ahontaonhion ne ronkȣe tsi tahataton ne raotonnhestst?

1 Corinthians 10:22

Kahtònʼken ítewehre atsitewahtekéfʼfathe ne Roiá꞉ner? Ítewehre kén sénha í꞉i tewahshásthe tsi ní꞉ioht ne rahónʼa?

Deuteronomy 31:17

Nó꞉nen ne nenhiá꞉wenhne, kwáh ki enkhenákwase; kwáh enkhehiatewenhthéte, tánon kwáh enhonwatinonhwarià꞉kon. Wé꞉so ioriwákes ne kariwaieshá꞉tsheras enhotí꞉rahne, tánon nó꞉nen enhónhthoke kí꞉ken tsi nihotihiathawénhserons ne tiorì꞉wa Ní꞉i ne Raotiní꞉io, tsi iáh ó꞉nen tetiakwakwé꞉kon.