Zephaniah 1:1 - Ohiatonhseratokénti

¹ Ne raowén꞉na ne Roiá꞉ner waohiatórenhne ne Zephaniah ne roʼní꞉ha né꞉ne Cushi né꞉ne roʼní꞉ha ne Gedaliah né꞉ne roʼní꞉ha ne Amariah né né꞉ne roʼní꞉ha ne Hezekiah, né꞉ne sihothenhniseraténionskwe ne Ronhnontí꞉iokwe Josiah né꞉ne roʼní꞉ha ne Amon ne Judahró꞉non.

Zephaniah 1:1 ပူးပေါင်းရင်းမြစ်များ

2 Kings 21:18

Ne Manasseh warénheʼie tánon kanontiʼiotsherákon kahé꞉takon nón꞉we nihonwaʼiatáʼten, né꞉ne Uzza raohé꞉thakon kènʼne, tánon né꞉ne roiénha Amon tonhsaonát꞉tákwen tsi sahatenontí꞉iosʼte.

2 Kings 21:26

Né Amon wahonwahiatháta thó atsathonkwáhkon ne kahéthakon né Uzza rahohethakénʼen, tánon né꞉ne roiénha Josiah thonsahonatʼthákwen tsi sahatenontí꞉iosʼte.

2 Chronicles 33:20

Né Manasseh warénheʼie tánon kanontiʼiotsherákon nón꞉we nihonwahiatháten, tánon né꞉ne roiénha Amon tonhsahonatʼthákwen tsi wahononhtí꞉ioʼne.

Jeremiah 1:2

Ne Roiá꞉ner wahothárahse ne Jeremiah né꞉ne asénhaton siʼiosehrathásene nètho Josiah né꞉ne Amon roʼníha né ronontí꞉iokwe ne Judah nónwe,

Jeremiah 22:11

Ne Roiá꞉ner ráton ne rahoriwáhke ne Josiah roiénha Joahaz, né teshonatʼthakwénni ne roʼníha ne ronnonhtí꞉ioʼkwe ne Judah, “Éhren rahwèthon ne kén nónhwe, iáh nonhwénhton tahthahontáʼre.

Jeremiah 25:3

“Ne ne tewáhsen-áhsen nihiosehráke, tkènne ne ne áhsenʼiawénhre shiʼiosehratátie nètho Josiah ne ne roʼníha Amon shiʼhononhtí꞉ioʼkwe ne Judah nónhwe ne ne tsi nióre ne kwáh nónhwa wenhnisehráte, ne Roiá꞉ner ratʼtharáni, tánon iáh nonhwénhton tewahkerihwanóronhse nakwahró꞉rike tsi nahó꞉ten ráwenh. Ók iáh othènen karíhhwah tetiónni.

Ezekiel 1:3

Thóh nónhwe ne Babylonia kaniatarákʼta ne Chebar, Onhkatʼthónteʼne ne Roiá꞉ner ratʼtharáhni, tánon wahkàtʼthoke ne raoshastsʼténsera.

Hosea 1:1

Ne raowenhnaó꞉kons ne Roiá꞉ner tsi waohiató꞉renhne ne Hosea ne roʼní꞉ha né꞉ne Beeri, né꞉ne shionateniseraténionskwe ne Ronhtinontí꞉ioskwe Uzziah, Jotham, Ahaz, tánon ne Hezekiah ne Judah nón꞉we, tánon ne shiothenhniseraténionskwe ne Ronnontí꞉iokwe Jeroboam né꞉ne ronikénhen ne Joash ne Israerró꞉nonhke nón꞉we.

2 Timothy 3:16

Akwékon norihwatokentísons Rawenni꞉io rónnhets tánon kwáh kariwástha náhionsthe nahiakorihónnien, iakorístha ne thènen tahionterientawénrie, tánon skakwatákwas naʼterientawenrhétseras, tánon iakorihonniénnis nahontakarihwaiérihke tsi ahiakónnheke,

2 Tiér 1:19

Ne káti ónen sénha ísinon nihionkwanikonraníron nateriwanothátshera tsi nihotirihowanháton ne rohtitokenséhakwe. Kwá íken tsi ensaianerásten thóka kwá ákta tsi ahsatennikonráren, tioríwa tsi kwá neh꞉ne kahásera teioswatʼthéton tsi tetiókaras tsi nióre iatenioswátʼthene noronké꞉ne tánon ne teioswátʼte noronkeʼnéha otsísto iateioswátteton ne seweriánes.