Zechariah 7:9 - Ohiatonhseratokénti

⁹ “Wahón꞉niseh tsi náhe tetʼkhehiá꞉wi nakonkweʼtahshón꞉ʼa ne kaianerénhseras: ‘Kwáh shaterihwahién꞉ni tkariwahié꞉rik tsi ihshá꞉tst ne kaianerénhsera, ó꞉nenhk tsi enshé꞉neste ne kanoronhkwátshera ó꞉ni natanitenráhtshera tsi natesehwátere.

Zechariah 7:9 ပူးပေါင်းရင်းမြစ်များ

2 Samuel 9:7

Ne Táwit wahawénhase ne raón꞉ha, “Tó꞉sa sateronníhak, asèken enkonhnatón꞉hase ne kenténhrat ne raoriwá꞉ke ne ianíha Jonathan; Ní꞉i kwáh tentʼkónhion akwé꞉kon ne raohontsakénʼen ne iashothkénʼen Saul, tánon ní꞉se iateshiá꞉ti khók tenshatskáon nakatekwáhraʼne tiotkonhón꞉we.”

Job Tánon ne Raoronhiakensera 31:20

Tó꞉ka ne raweriáne iáh tehatsathateríston; tsi enhohiataterihá꞉te nakitshé꞉nen teotinaʼkarontónha raonón꞉weron;

Job Tánon ne Raoronhiakensera 6:14

“Tsi niká꞉ien ne raʼnikonróktha ne raó꞉wenk ne kenténron rononhà꞉ke ne raoteroserashón꞉as rotewenhtéton ne raotheronkwáhtsera ne Roshatstenhserowanenʼkó꞉wa.

Proverbs 21:3

Tho ná꞉tsehr tsi nahò꞉ten ne tkariwaié꞉ri, ne sénha enhawerienʼtí꞉io ne Roiá꞉ner ne aontahtshawíhten ne karihwiioseʼokón꞉ʼa naterennaientatsherá꞉kon.

Jeremiah 22:3

“Í꞉i, ne Watiá꞉ner, konnháhon ne ne ahishaʼhióten ne tkariwahiéri tánon ne ioiánere. Tàsheʼne ne iontahtenikonhrahténnis tánon é꞉ren tsi sehwahiatenháwit ne shaʼkonikonhrahtén꞉ni. Tó꞉sa sehiatiéskwen tó꞉ka ó꞉ni ne thaʼsehianikonrhiákʼten ne kenkʼtiʼthoné꞉non, ne tehonthonnahkárhias, tó꞉ka ó꞉ni ne ionahteréhons; tánon tó꞉sa ó꞉ni sehnonhwaʼrhiakónnion ne iáh othènen tehothiníkonh ne kén nónhwe niwahtenátahien.

Jeremiah 7:23

Ók kíʼ kheró꞉ri nahionkewenhnaráhkwahke, né꞉ne Í꞉i Raotiní꞉io akénhake tánon ronnónha nahkonhkwetahshón꞉a. Tánon kheró꞉ri thóh ní꞉ioht tsi ronónhnhek tsi nikheró꞉ri, ne ne ahothihianerásthen ne rahothiriwahshón꞉a.

Jeremiah 7:5

“Tesehwahtháthon tsi nitionnhétie tánon sehwátʼkaf tsi nahorihoténsons tsi nisehwahtiérha. Tkariwahiérik tsi niʼietʼtsihiatiérahse nakorénson.

Ezekiel 18:8

Iáh ne tèken tsi shakowistaníhas ne꞉ne ahatwisthónhniaʼte. Iáh tehatʼthóntats ne thèhnen ahateriwahthénhtiate ne kariwáksen tánon tatʼkáwas ne iotʼthakwahríshion kahiatorehthátshera ne thènenh tekanikónhrahre.

Ezekiel 45:9

Ne Ronnonhtí꞉io Roiá꞉ner wahénron, “Sóhtsi karíwes ónenh shiʼshariwanerenháties, í꞉se ne sewaró꞉ras ne Israerró꞉nonhke! Sehwátkaf tsi nisewateriʼioseranónhwe ó꞉ni tsi niʼietsironhiakéntha. Né sewahióten ne ioiánere ó꞉ni tkariwaiéri. Tó꞉sa shé꞉kon nonwénton saietʼtsihianakeráhkwat nakonkwetashón꞉ʼa ne rahononhontsáke. Í꞉i, ne Wakenontí꞉io Watiá꞉ner, konhró꞉ris kí꞉ken.

Hosea 12:7

Ne rothenhninón꞉serote, né raháwe ne kaʼnikonrá꞉tha iekontseriharáhkwa, rahonwéskwani ne tasakoʼnikonkáriate.

Leviticus 19:15

“Sewarihwatokénhak tánon sewarihwakwahrihshonhat nónen tenhsewahiató꞉rethe ne tsi teiehiatorethákwa; tó꞉sa teietʼtsihiaróton ne iakóten tó꞉ka ó꞉ni aietʼtshitshániʼke ne iakokwáhtshe.

Amos 5:24

Khe khók, serí꞉hon ne tkarihwaié꞉ri tahontnáwenhte tsi ní꞉ioht ne kahionhatátie, tánon ne karihwakwarihshióntshera thóh ne nahiotónhake tsi ní꞉ioht ne kaniatarahtátie ne iáh nonhwénton tsewásthes.

Micah 6:8

Eʼtsisewahró꞉ri, O tiónkwe, tsi nahó꞉ten ne ioiá꞉nere í꞉ken. Tánon tsi thóh kiniiot ne Roiá꞉ner tsi sewarihwanonhtón꞉nis: Ne sewahiò꞉ten ne tkarihwaié꞉ri, tánon ne iorihwató꞉ken kanoronhkwáhtshera, tánon tsi tesewatekhá꞉hakwe sewanitentón꞉hak rahonhà꞉ke ne Ní꞉io.

Zechariah 7:7

Ken nahó꞉ten ne Roiá꞉ner rá꞉wenh rohnonhà꞉ke ne thothihénton rothitokenséhakwe ne thóh sonthakahá꞉wi ne Jerusalem kwáh í꞉ken tsi iokwahtiehʼne ó꞉ni ionthonkwethakáhthekwe ó꞉ni iakotiohkowá꞉nenhne iáh kahná꞉thakon kók tehienahkeréhkwe ók kahnhatakʼthóntie ó꞉ni, ók ki ó꞉ni nenhtieʼnéhsons nokwá꞉ti ionwenhtsiakérons ó꞉ni ne tsi tiononhtharón꞉nions ne tsi iaʼtewatshéntos.

Zechariah 7:8

Ne Roiá꞉ner ne kí꞉ken nateriwahnhothátshera tó꞉wih ne Zechariah:

Matthew 23:23

Seȣententasere ise ne Seȣaiatons oni Pharisian Akonȣara! Akȣa neneh ionerakȣat akȣekon oni niieseȣakariaks tsiniiore nʼohontesonha; nok isi ietsiseȣare nakȣa kontiriȣakȣeniios tsinonkȣati ne Kaianerenseratokenti: neh ȣahi tohiken, ateriȣakȣarisiontsera, atanitenron, Teȣetakon, neh kehiken teioionȣentsiohonne aeseȣaststeniaronke, tosa kineneh sane aeseȣariontion notiake.

Luke 11:42

Seȣententasere ise Pharisian! Akȣa nehne ieseȣakariaks tsi seȣaienthokȣas, oni tsi tekanatokenhaton nok oni nohontessonha; nok seȣentorha ne taeseȣasniene ne Niio raoriȣasonha nese tanon aonteseȣatierenton nok ethone ne kenh kaien.

John 7:24

Tosa neok teseȣaiatoret tsiniiot tsi kaieronni, neh tanon tehseȣaiatoret tsinitkariȣaieri.

John 7:51

Tekaiatoreta kenh nonkȣaianerensera ohenton nahoken ne ronkȣe nok oni naiotokense tsini hotieren?

Deuteronomy 22:1

“Tó꞉ka énsken ne Israerʼró꞉non rahotsé꞉nen tionhnónskwaron tó꞉ka ó꞉ni teiotinaʼkaronhtón꞉a iotihiakénhen natenhenrá꞉kon, tó꞉sa nek kók ne taskaʼnérake. Ionshatiaténhaf tsi nón꞉we tiotihiakén꞉en.