Zechariah 7:3 - Ohiatonhseratokénti

³ tánon nahonwahthirihwanón꞉tonhse ne rohthikhá꞉res ó꞉ni ne rothitokénhse kí꞉ken karihwanonhthóntshera: “Tehiothonwenhtióhon ken ne iahiakwathashón꞉theren tsi ionkwahtsionniónkwen tsi nikanonhsahríhshion ne ionterenhnahienthákwa, ne tsi ionkwenthontiétha tiotkonhón꞉we ne wískhaton niwenhnitahkéhatie tsi nihionkwahiéren ó꞉nen wé꞉so iosehráhke nitsiawéhnon?”

Zechariah 7:3 ပူးပေါင်းရင်းမြစ်များ

Ezra 3:10

Nó꞉nen ne ratinonhsón꞉nis tahontháhsawen nahonhnón꞉ni tsi wahatitstenhrakwenhtháro tsi nón꞉we nenhkonhwénhskwahre Nononhsatokentihkó꞉wa, ne ratitsihénstatsis wakóses ronátstons wathatí꞉taʼne tánon iehonrawátstas ratihawánion, tánon ne Levites né꞉ne tsi ratitióhkwaien ne Asaph thóh wathatí꞉taʼne tehiotwashakwenón꞉ni ratí꞉hawe. Wahonwashén꞉naien ne Roiá꞉ner né tahiohianénhawe ne waterenhnothasónhas tsi nithonwaná꞉wi ne shihotenhniserathénionhkwe ne Ronhnonhtí꞉iokwe Táwit.

Ecclesiastes 3:4

Rahtokénstha nónen aʼhiakonikonrákʼsen tánon tsi nienskáhewe nónen aʼhonshaiontʼtsennónni, tsi nienkáhewe naʼiontʼtsiónnion tánon tsi nienskáhewe tahonshaienónniaʼkwe,

Hosea 4:6

Nakonkweʼtashón꞉as wahonwanátonte ne tsi iáh tsiatekaié꞉ri tsi nihonaterienʼtá꞉rakwe; ne aorì꞉wa ne tsi wesewakénron ne attokhátsera, wakonkénron kí ò꞉ni ní꞉se tsi iáh attsihénstatsi thasá꞉ton. Tiorì꞉wa tsi saʼnikonrénhen ne raoianerénhseras ne Rawenni꞉io, kwáh kí ó꞉ni ní꞉i enkheiatanikónhren ne seioʼokónha.

Joel 2:17

Tsi naʼtetiátere ne tsi iehiontawehiaʼtáhkwa tánon ne ietsienharáhkwa áhnion ne ratitsihénstatsis, ne ronwaterihwatsterístase ne Roiá꞉ner, tehonsénhto. Áhnion ronhní꞉ron, “Shenónstat ne shonkweʼtashón꞉a, O Saiá꞉ner, tánon tó꞉sa tashé꞉hion ne shonkweʼtashon꞉ahs atehenserá꞉kon ne ronhnonwenhtsakeró꞉nons ne nahonwanatkóraste, Ne káti nahonhní꞉ron ne tsi ratinákere nonkweshón꞉as, ‘Kaní꞉res né Sewaní꞉io?’”

Haggai 2:11

“Ken nahó꞉ten ráton ne Sakoiá꞉ner ne ratironhiakeró꞉nons: ietsirihwanóntons ne ratitsihénstatsis nahó꞉ten wáton ne kaianerénhsera.

Zechariah 7:4

Ne kí꞉ken ne Roiá꞉ner rahoterihwahnhothátshera tsi niwahtienáhon.

Zechariah 7:5

Wahèn꞉ron, “Shehró꞉ri nonhkwehshón꞉ʼa ne tsi ionwenhtsá꞉te ó꞉ni ne rothikhá꞉res ne nó꞉nen rohnenhthontiéthon ó꞉ni rohnhatsiónnion ne wískhaton ó꞉ni ne tsathá꞉khaton niwenhnì꞉thare tsi náhe kí꞉ken tsáta nihioserá꞉ke kèn꞉ne, iáh Í꞉i tehiontʼsennhowahnákʼthon.

Zechariah 8:19

“Ne iakenthontsethákwas ne kaierí꞉haton, wískhaton, tsatáhkhaton, ó꞉ni ne oieríhaton niwenhnithakehá꞉ton ne ienwahthihéntho nathonhnaráhtshera ó꞉ni naʼtsenhnonhniá꞉tsheras ne tahiontenonhwerá꞉ton ne wenhthanó꞉rons nonhkweshón꞉ʼa akorihwà꞉ke ne Judah. Ó꞉nenk tsi ensehnóronkwe norihwí꞉io ó꞉ni ne skén꞉non.”

Malachi 2:7

Aseʼkénh tsi ratihshaká꞉ronte ne ratitsihènhstatsiʼs aó꞉wenk naionteweièn꞉tonke nattokháhtshera, tánon nonkwehshón꞉ʼahs aó꞉wenk naiakéhsake ne karihonnienníhtshera ne tsi rahshaká꞉ronte, aseʼkénh ráonha rorihwakarenién꞉nis ne Sakoiá꞉ner ne ronterí꞉ios ratironhiaʼkehró꞉nonʼs.

Matthew 9:15

Iesos tontasakoȣennaȣeron; tsinihati ronȣatihonkaraȣi tsi ȣatenniote, enȣaton kenh nahotinikonraksen seke tsinikariȣes ratikȣekonhaties ne rohniakon? ionȣatenniseriheȣe ki tanon ne ienhonȣaiatenhaȣe ne rohniakon, ethone onen enhonentontietahnion.

1 Corinthians 7:5

Tóhsa tetiatatenonhiánits tsi nahtetiátere, nek khók tóhkaʼ kén né entʼkahénthe entiateriwahserónni kénk nikariwésʼsha ahshaʼtatenakthóhtaʼse nahsaterénnaien, nók ethò꞉ne ientsitiatasónteren tsi nihiorennáʼon tsi seniniákon. Né kí꞉ken enshanónstathe ne tóhsa tahianikonrahkénni ne Ranesonrónon tioríhwa tsi iáh tsatekaiéri tsi niʼtishatateniarótaron.

Deuteronomy 33:10

Enhonwatirihón꞉nien ne shonkweʼtashón꞉as nahontewénhnaraʼkwe ne saianerénhsera; Enhonteskónthake ne tsi tienharáhkwa.