Zechariah 5:3 - Ohiatonhseratokénti

³ Ethò꞉ne wahakénhase, “É꞉tho kahiá꞉ton ne karewahthátshera tsi ienkaiá꞉kenʼne nowenhtsiakwé꞉kon tenwahréni. Ne skáti nokwá꞉ti tsi kahorotakwenón꞉ni ne kahiatónhsera wáton kwáh tsi niatehionkwè꞉tahke ne rahthinénskwas tsi éhren enhonwahthihiaʼtenhá꞉wite ne tsi ionwenhtsiá꞉te: tánon ne skáti nokwá꞉ti wá꞉ton nenhʼné꞉ʼe kwáh tsi nihiá꞉kon nenhionnhowénhte nó꞉nen iakoriwahní꞉rahton ne ó꞉ni éhren enhiontahtiatenhá꞉withe.

Zechariah 5:3 ပူးပေါင်းရင်းမြစ်များ

Exodus 20:15

“Tó꞉sa sheʼnénsko.

Proverbs 29:24

Ónhka ne thonatenróhon ranénhskwas ráonha tiaonhá꞉ʼa ratátswenhs. Enhonwaré꞉wahte tókaʼ tsi teieiaʼtorehtáhkhwa orihwí꞉io tsi nahò꞉ten enhén꞉ron tánon Rawenni꞉io enhoré꞉wahte tókaʼ iáh thothahá꞉iere.

Proverbs 3:33

Roiá꞉ner enhà꞉ren kahrewahtáhtshera tsi nón꞉we nihatì꞉teron ne rotirihwanerenʼákskon nok enhaiaʼtaté꞉rihste tsi ratì꞉teron ne tionkweʼtaié꞉ri

Proverbs 30:9

Tókaʼ só꞉tsi wé꞉so aontáhskon nón꞉wa, enkí꞉ron iáh thaʼteskoniatonhwentsó꞉ni. Nok tókaʼ wakí꞉ten, tókaʼ nón꞉wa enkenénhsko tánon enhiiatéhaʼte Akení꞉io.

Isaiah 24:6

Né thóh ní꞉iot ne kariwaieshá꞉hon enwá꞉ke ne tsi ionwenhtsàte, tánon èhʼthoh ienakerénion né enhiakoronhiákente nakonhí꞉tshera; né káti aoríhwa ne ienakerénion tsi ionwenhtsáte iáh tetiontonkwetaká꞉te, tánon kénk nihionkwé꞉take iatetsakothaténhron.

Isaiah 43:28

Né ká꞉ti wahónhni khehetʼkenton ne ronaterihóntons nononsatokentikówaʼne, Iehiʼiatʼkáwen ne Jacob tsi nó꞉kwah natkaronhniá꞉tshera, tánon Israel né nènhneʼe nakonwakenrenhserón꞉ni.

Isaiah 48:1

Sewahthón꞉tek kí꞉ken, ne tsiónkwe NʼIsraerʼronónke, né ronwanatónkwen ne kasénhna Israel, tánon ne rahónha thóh nón꞉we nitawénon tsi nontakawatsiratátie ne Judah; rahónha rorihwaniráton raosénhnakon ne Roiá꞉ner, tánon iaohná꞉ton ne Sakowenní꞉io NʼIsraerʼronónke, ók iáh noriwí꞉io khés ne tkariwaiéri akénhake.

Jeremiah 23:10

Ne tsi ionhwenhtsáte titkáhereh nonhkweshón꞉a ne iáh tehiakoriwahtóken rahonháke ne Roiá꞉ner; kariwáksen tsi nihononhnhétie tánon ó꞉ia ní꞉ioht tsi ronatstonhátie ne rahotiʼshastsʼténseras. Ne karihónnis tsi shaʼkorewéhtha ne Roiá꞉ner nohóntsa wahkahiésah tánon ne tsi konwahtiʼterontákwah ne katʼtshénenh onstátʼthen ne kahentáhke.

Jeremiah 26:6

Tó꞉ka iesehwahthasónteren ne iáh tahisehwahtewénhnarahkwe, ethóhne kíʼ éhtho nenhtiérahse kí꞉ken Ononhsatokentiʼkówah tsi nitiérahse ne Shiloh, tánon onhkwetaʼkwékon ne tsi ionwenhtsiáte ne énhionsthe kíʼ kanatowáhnenh ahosénna naʼieriwahiesáhtaʼkwe.”

Jeremiah 5:2

Iáh werohátien tsi sehwáhthon Roiá꞉ner tsi sehwahsénnahiens, iáh thitisehwehthákwen tsi nahó꞉ten sehwáhton.

Jeremiah 7:9

Nensehnénhsko, nensehiasehthe, nenshá꞉tenahkwaieshá꞉the, nenshá꞉nowenhte nónenh sahriwahniráton, tánon nentiatienkwaronniáten ne Baal, ó꞉ni nensehsénnaien ne kahiatónnis ne iáh tesehienteríhʼne ne tiotierénton.

Ezekiel 2:9

Ethóhʼne wakatkátho otsána tetsió꞉tsate nakonháke, tánon kahiatonsehrénhawe.

Daniel 9:11

Onkweʼtakwé꞉kon ne Israerʼró꞉nons tehotiiá꞉kon ne saianerénhsera tánon iáh tehonathontá꞉ton naiesatahónhsatate. Waʼakwarihwané꞉raʼke tsi nokwá ní꞉se, eʼthó꞉ne káti tahskwatenniéhten ne kahrewahtáhtshera tsi nikahiá꞉ton ne Mahís raoianerenhserá꞉kon, né ne sanhátshera.

Hosea 4:2

Rontewenhnatsatánions, ronhnowenhtánions, tánon shonterihwatewatánions, tánon kanenskwátsheras tánon kanakwaiesátshera ioterihwathéntion; kwáh rotinekwenhsarónhnions.

Leviticus 19:11

“Tó꞉sa sheʼnénhsko tó꞉ka ó꞉ni nasehnikónhrate tó꞉ka ó꞉ni nashaʼnówenhthe.

Leviticus 19:12

Tó꞉sa othènen shaʼráratst ne Í꞉i aksénhnakon tó꞉ka iáh éhtho thesanikonhró꞉ten naserihwaiérihte; né ní꞉ioht ne tkáhas natehénsera naksénhnakon. Í꞉i ne Watiá꞉ner Sewaní꞉io íken.

Amos 3:10

Iáh tehonaterién꞉tare oh ní꞉ioht tsi ahotiriwatokénhake, rá꞉ton ne Roiá꞉ner, tsi niiá꞉kon ne ne iakoteweienʼtónties ne kaianerenhseráksens tánon kanenhskwáhtsera ne raotinonhskónhsons.

Zechariah 5:4

Ne Roiá꞉ner Roshatstenhserowá꞉nen ráton ienhaténiethe kí꞉ken karewahthátshera, tánon ienhiakonnonhsohrénʼne kwáh tsi niatehionkwè꞉take ne ienénhskwas ó꞉ni tsi nihiá꞉kon ne ionnhowénhtha nó꞉nen iakorihwahní꞉raton. Akonónhskon enkaiénthake tánon enhiakohetkénten.”

Zechariah 8:17

Tó꞉sa ne sehwateʼnikonhrón꞉ni ne tahisehwatatkaré꞉wahte. Tó꞉sa ne tasátkaf ne iáh thokenskeʼtéken nó꞉nen shariwahnirá꞉thon. Íksons nonhó꞉wenh, ne iáh tetkarihwaié꞉ri, ó꞉ni ne kariwahetkénhsera.”

Malachi 3:5

Eʼthó꞉ne kiʼ kwáh sewaiaʼtákta én꞉kehte nakwarí꞉wenhte; kwáh entiaʼtahstó꞉reke tsi enkerihwahní꞉rate tsi nonwá ne rontenʼèn꞉naras, tsi nonkwá ne rontenahkwaiesáhtha, tsi nonkwá ne ratirihwahní꞉rats nonó꞉wenʼs, tsi nonkwá ne shakotironhiakèn꞉tha ne ratihnhá꞉tsheraʼs tsi nihonatkariá꞉kse, ne ionatehré꞉ʼons tánon ne tehontonhnhakárhias, tsi niiá꞉kon ne é꞉ren iehonwatí꞉reks ne thihonnonhontsá꞉te, tánon ne iáh teiontatkweniènhstha, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs.

Malachi 4:6

Kwáh ensehshakaweriahsahserón꞉ni rotiwiraièn꞉tonʼs tsi nokwá ne shakotiioʼokón꞉ahs neh non, ne shá꞉ka ne shakotiioʼokón꞉ahs tsi nonkwáh ne ronwatiioʼokón꞉ʼahs, ne ká꞉ti ne tóhsa aón꞉take ne átienhte nohóntsa ne kahrewahtáhtshera.

Matthew 25:41

Ethone oni neneh ensakaȣenhase ne sanekȣati iakoiatontieton: Seȣariȣaston! ehren iseȣet nok ȣasene tsi tiotekhaonȣe, eh nonȣe nihonȣanaktaseronnienni nʼotkonseraksen oni ne raotiokȣa.

Luke 21:35

Aseken eh niiot tsi enhiakoȣenonni akaonȣentsiakȣekon nonkȣe tsiniiot ne ȣataharo.

Ephesians 4:28

Tóhkaʼ senenskwáskwe, ónenk tsi ensátkaʼwe tánon tasatásawen satehʼnhatserónni, ehnahontáwe kwáh ioiánere tsi asathathonʼnhakéna ó꞉ni naskwéni aseiénawase ne iakóten.

1 Timothy 1:9

Ónenk tsi enwehiárake, kwáh kíʼ nèn꞉ne, tsi kahsahánions ne kaianerénseras, iáh né꞉ne tionkwetaiéris tehiakoriwáhke, nók né꞉ne thehatí꞉iaks ne kaianerénseras ó꞉ni ne sohnateriwahtheʼwáton, neh꞉ne iáh tehotinihioseráien ó꞉ni rohtiriwáhneren, asèken tsi nihiákon ne iáh tehiakoriwiʼiostontseráien tóhka ó꞉ni iáh tehiakoriwiʼióston, nónka nenhononwahrhiákon ne rohníha tóka ó꞉ni ne sakotinisténha, rohnónha ne sakohnashé꞉tha,

Ne꞉ne Sák Rohiaton 5:12

Ne kwáh éneʼken iothohetsʼtákwen, tewatenrosónhas, tóh꞉sa ne íhsas ne kariwahniráhtsera ne nó꞉nen thé꞉nen ensahráhraste. Tóh꞉sa ne karonhiakékha tóh꞉ka ó꞉ni nonwentsiákha né꞉ne áhsatsthe nahseriwaníratsʼte khés nó꞉iah nahorihoténsons. Kwá nék khók ne tsíron “Hén” nónen neh thènen tsítons ne hén, tánon “Iáh” nónen neh tsítons ne iáh, ehʼthó꞉ne iáh né tahisanonthánakʼte ne Rawenni꞉io rahohiatorethátsera.

Ne꞉ne Sák Rohiaton 5:4

Iáh teshekáriase tsi niháthi ne sahéthakons rothihióte. Satahónsatat tsi nihothiriwakatén꞉en! Tsi natehonsénthos tsi niháti ne rathirórhos né saienthótseras iakanihára꞉ne na Rawenni꞉io wahothónte꞉ne, ne Rosastenserowánen ne Roiá꞉ner.

Joshua 9:20

Ó꞉nenk tsi enhiakhirí꞉hon nahonhnón꞉neke tiorì꞉wa tsi hionkwarahrátston; tó꞉ka enhiakhikaré꞉waʼthe, Rawenni꞉io enshonkwaré꞉waʼthe.

Revelation 21:8

Ók ne roʼnát꞉tsens, ne iáh teotí꞉ien ne tewetá꞉kwen, ne teotihiatátions, ne sakonaséh꞉thas, ne roʼthí꞉teha, ne rontahenná꞉ras, ne rontenakwaiesáthas, tánon ratikwé꞉kon ne rotinhó꞉wenhs, ne raotinák꞉tes kwáh thóh nón꞉we tsi kaniatá꞉re ne iotékhas nótsire ó꞉ni iontenatentástha, ne né꞉tho ne tekeníhaton kenhé꞉iat.”

Revelation 22:15

Akste ne kanaʼtó꞉wanenhke thóh ronhnes érhar tánon rontenhenhná꞉ras tánon ne tihó꞉thiteha tánon sakoná꞉sehthas tánon ne rontená꞉kwahiesathas, tánon tsi niiakon ne ienón꞉wes ó꞉ni ne ahiakoioten nonhó꞉nenhs.