Zechariah 4:2 - Ohiatonhseratokénti

² “Nahò꞉ten satkáthos?” wahariwanónhton. “Watʼthasehrahnihiontháhkwa owisthanó꞉ron ionniáhton,” watʼkeriwahserá꞉ko. “Ne è꞉neken thón káhere kátʼtse ne watehienaráhkwa. Ne watʼthasehranihiontháhkwake thóh iorenthónʼnion tsáta ní꞉kon kaháhseras, ne skátʼtions tsáta ní꞉kon ioiénhton nahontháwah ne kénhie ahosehríhies.

Zechariah 4:2 ပူးပေါင်းရင်းမြစ်များ

1 Chronicles 28:15

né skahaserátʼtsons tánon ne watʼthaseranihionthákwas,

2 Chronicles 13:11

Niaʼtehioronhketserákes ó꞉ni niatehiokaratserákes ronhtsahátas ne kanonkwahtserákons tánon sakonateskóntʼta ne kontitsénens né꞉ne tsekontiʼiatakwékon. Athekwáhrahne nowistanoronhtseróskon ne kwáh sahoiérenh í꞉ken tsi nihiotkwéniens thóh ratihé꞉rah ne kanátaro ne tatiʼiéstha, tánon niaʼtehiokaratseráke ratihasehrót꞉tha thóh ne owistanóron iohasehrothákwahke. Thóh nihiakwahiérah tsi kíʼ nishonkwahríhonte ne Roiá꞉ner, ók kíʼ ní꞉se tsi sewatewenhthéton.

2 Chronicles 4:7

Oiéri níkons wahonhnonhniánon ne owistanórons wathaseranihionhthákwas né enhtsohianénhaʼwe tsi ní꞉ioht tsi tekenhnaríhton, tánon oiéri niwathekwahrahtserákes, tánon thóh tsi tionhtawehiathákwa nón꞉we nononsatokentiʼkówaʼne enhatí꞉ien, wísk níkons ne wathaseranihionthákwahs tánon wísk niwatekwahrahtsherákes skatísons tsi enhatikéron. Kwáh ó꞉ni enskatewenhniáwe nikát꞉sakes nowistanóron wahatitsonhniánions.

Ecclesiastes 12:6

Ne kawistaráhken oronhkwáhsa tenwahtsáke, tánon ne owistanóron watʼthasehrothákwah enkaréhnienhne tánon tekárihne; ne tsioserihieténhton ne tsi tsionáwerothe kwáh tenwáhtsiake, tánon ne watnekaráhkwah kátʼtshe tenwatʼtó꞉ko.

Jeremiah 24:3

Ethóhʼne ne Roiá꞉ner wahakénhaʼse, “Jeremiah, nahó꞉ten satkáthos?” Wakʼkeriwahseráko, “Wisonkówa. Ne wahí꞉ios kwáh í꞉ken tsi wahí꞉ios, tánon ne wahiáksens kwáh íken tsi wahiáksens, sóhtsi wahiáksen nahiónhiaʼke.”

Jeremiah 52:19

Kwáh akwékon iahatíhaʼwe tsi nahó꞉ten ne owistanórons tó꞉ka ó꞉ni kawistaráhkens ionhniátons: ne nikatʼsáhsas, ne ónhtak ne꞉ne rónhstha nahatiʼkahréhni ne ioswenhthaʼtaríhen, ne katʼtseshón꞉ʼas tsi nihónstha nónenh enhontenhekwenhsahráhko tsi nenhkonhwahtsatátʼtsahaʼte ne katshénenh, ne onhtat ne wahteráhkwah ne wahkenronhtákwenh, ne watʼthaseroharáhkwahs, nahkerahshón꞉as ne rontienkwahronhniatákwah, tánon nahkérah ne ronhstáhkwah nahatinekírahte notsítsa nahatihiátarah.

Amos 7:8

Tánon ne Roiá꞉ner wahakénhase, “Amos, onhnahó꞉ten satʼkáthos?” Tánon waʼkí꞉ron, “Ieserihiethenthákwa,” Ethò꞉ne wahèn꞉ron, “Satkáto éntsen ne ieseriiethentáhkwa raotinenhrí꞉hen nakonkweʼtashón꞉as Israerʼró꞉nons; kwáh iáh nonhwén꞉ton shé꞉kon thahonsakhenikonhrénhse;

Zechariah 5:2

Ne raronhiakeró꞉nonh wahakeriwanón꞉tonhse nahó꞉ten wakatʼkáto. Watkeriwaʼserá꞉ko, “Kahorotakwenón꞉ni kahiatónhsera kátsies tsi iówerahre, né꞉ne áhsen-niwahshì꞉tahke ní꞉ions tánon wiskhiawénhre niwahshì꞉tahke nahtewahtahkáron.”

Revelation 1:12

Ethò꞉ne watkatkaraté꞉ni natkhéken ónhka né꞉tho akowén꞉na í꞉ken né꞉tho wahontháhrase, tánon tsi watkatkaraté꞉ni waʼkatkáto tsá꞉ta ní꞉kon owistanó꞉ron wathaseranihiontháhkwa,

Revelation 1:20

Ók tsi nihioteriwashé꞉ton ne tsá꞉ta nikatsistóhkwake né꞉tho wasatkáto ne skeweientetáhkwen, tánon ne tsá꞉ta ní꞉kons owistanó꞉rons wathaseranihiontháhkwas: ne tsá꞉ta nikatsistóhkwakes ne ne aotironhiakeró꞉nons í꞉ken ne tsá꞉ta nikanónsakes ionterenhnaientáhkwas, tánon ne tsá꞉ta ní꞉kons wathaseranihiontáhkwas né꞉ne tsá꞉ta nikanónhsakes ionterenhnaientáhkwas.

Revelation 4:5

Thóh nontaiawenonhátie tsi wanitskwahratsérote tewaktsiraríhkons tewaninekarawánions, tánon iowerenhá꞉ties tánon iorakaré꞉ni tsi iowéren, tánon thóh ohén꞉ton tsi wanitskwaratseró꞉te iotékha tsá꞉ta ní꞉kons ne iotón꞉kote wathaserothákwas, né꞉tho né꞉ne tsá꞉ta niwatonhnhatserá꞉ke ronwaiò꞉tenhse ne Ní꞉io;