Zechariah 3:4 - Ohiatonhseratokénti

⁴ Ne raronhiakeró꞉nonh wahsakawénhase ne raonhatsherahó꞉kons ne karonhià꞉ke, “Ahé꞉ren sehwahá꞉wit ne tehiokweniáhtion kí꞉ken rónkwe rhotieronniáhton.” Ethò꞉ne wahawénhase ne Joshua, “héren wahkhá꞉withe ne sharihwaneraháktshera tánon akweniáhse tentʼkónhion nahonshasháste.”

Zechariah 3:4 ပူးပေါင်းရင်းမြစ်များ

2 Samuel 12:13

Táwit wahawénhase ne Nathan, “Wakeriwáneren tsi nòkwah ne Roiá꞉ner.” Nathan wahawénhase ne Táwit, “Ó꞉nenh ne Roiá꞉ner shianikonrénhse ne sarihwanerahákʼtsera; ní꞉se kwáh kíʼ iáh thashí꞉heʼie.

1 Kings 22:19

Né Micaiah iahathasónhteren: “Ónen kíʼ sathahónsatat tsi nahó꞉ten ráton ne Roiá꞉ner! Wahíken ne Roiá꞉ner rahonitskwáhraʼne ne karonhiáke thènskothe, ratikwékon ne rahoronhiakeró꞉nons rahiatákʼta rónhʼnethe.

Psalms 51:9

Satarónhtiens akwékon nakerihwaʼnerahát꞉tseras, tánon sasehrón꞉ko akwékon naketerihwatewatónhtshera.

Isaiah 43:25

Í꞉i, Í꞉i ne rahónha í꞉ken Í꞉i skeriwathón꞉tha ne saterihwatewahtóntshera né꞉ne kwáh Í꞉i akerihonhniát, tánon iáh tahonsakeiáraʼke ne sariwaʼnerahák꞉tsheras.

Isaiah 44:22

Wakonhèwen éhʼren watʼkhawíton ne sarihwanerahát꞉tshera tsi ní꞉nioht ne tsi iotsatarónh꞉nion, tánon ne sarihwaneraháktsheras kwáh né꞉ne iahonhaʼwínon í꞉ken; akonhá꞉ke natonhtáse, asèken I꞉i skhonʼhiatákwen.

Isaiah 52:1

Í꞉i tie, I꞉i tie, né í꞉sast ne shashatsʼténsera, Ó Zion! Né saʼtserónhniat ne kwáh sakweʼní꞉ios, Ó Jerusalem, ne ionatatokénti í꞉ken; né iáh tehonwatiwarakwétaron tánon ne iáh teonatʼkwéniens iáh shé꞉kon tahonsaʼiesataweiáten.

Isaiah 61:10

Kwáh í꞉ken tsi kowá꞉nen enkatonnháren rahonháke ne Roiá꞉ner, kwáh akatonnhetsherakwékon iaʼtetsokétoʼte tsi enwatonnháren rahonháke nakeʼNí꞉io; asèken né ratseronhniáton naoʼtsherónh꞉niat ne kaienawaséhtshera, né rakerorókston né wakóses atiátawi ne aterihwakwahrihshón꞉tsheras í꞉ken, tsi ní꞉ioht né roniák꞉khe waharáseste wahatʼtatsitsaráh꞉raʼke, tánon tsi ní꞉ioht ne ioniát꞉khe wakará꞉seste né ionsthá꞉nion naowistanoroshónhas.

Isaiah 61:3

né nahontakheʼhiatʼkáwenh tsi nihá꞉ti ne ronatʼtiónhnion né Zion nón꞉we— nahontakhéhion ne otsítsa kakahkwenhtonniáton tsi ní꞉ioht né꞉ne akénhake ne wakenrontákwen okénhra, né꞉ne kénhie ne atsenhnonniátshera í꞉ken tsi ní꞉ioht né꞉ne akénhake nahiakhotiónhnionke, né nateweiárah ne kanonhweratónhtshera tsi ní꞉ioht né꞉ne akénhake ne kanikonhraksénhtshera. Né enhonwatinatónhkwahke karíhton karónh꞉ta né꞉ne karihwaʼkwahrihshiónhtshera í꞉ken, tsi roiéntʼthon ne Roiá꞉ner, né naré꞉neste ne raoʼiatanerakwáhtshera.

Jeremiah 52:33

Káti ne Jehoiachin wahonwahríhon ne tahonsahatháton ne rahotsherónhniat tánon Ronnonhtí꞉io rahotekhwárahne nónhwe natahatskahónsehke ne tshienhathonnhókʼten.

Ezekiel 36:25

Kwáh tenhkonhiatsʼtaróhkwahthe ne kanhekí꞉io tánon enskonhiató꞉hare tsi naʼtehiesahiatatsiónston ne sahiatonhnishónhas tánon ne oiásonhs naorihoténsonhs ne tehiesahiathatiónston.

Ezekiel 42:14

Nónen ne rothikháres iehonathawehiáthonʼne Nononhsatokentiʼkówahne tánon nenhónʼnere nátsthe nonhtenhenráhti niahónʼne, ónenhk tsi enhathihiákenʼne kí꞉ken ionákthaiens ne iotokénti atsherónhniat ronátsthonʼne tsi náhe wahonwahiótenhse ne Roiá꞉ner. Ónenhk tsi né꞉ne ó꞉ia atʼtsherónhniat énshonsthe nohénton niahathihiákenhʼne tsi nónhwe tsakokʼkenhníson nonhkweshón꞉ʼa.”

Micah 7:18

Ónhka ne Ní꞉io akénhake thóh nahahiatoténhake tsi ní꞉se ní꞉ioht, sehsenikónrenhse ne karihwaneraháktsheras tánon tehatkarohestháhkwa ne ratiriwanón꞉we ne iatahonathaténronke ne raonkweʼtashón꞉as? Iáh tehatienawástha ne raonhakwáhtshera ne iahokonhtakwénhake, tiorì꞉wa tsi ne rawerientí꞉iostha tsi renéstha natanitenhrátshera.

Micah 7:19

Kwáh kíʼ shé꞉kon tentre tánon ensheshonkwenténhre; kwáh kíʼ enharatatiéson nonkwahrihwaneraháktshera. Akwé꞉kon isehienhóti nonkwahrihwaneraháktsheras tsi nón꞉we ne kwáh tionó꞉tes kaniatarakeʼkowáhne.

Zechariah 3:1

Ne ó꞉iah atettsénsehre ne Roiá꞉ner wahakenaʼtónhase ne Ratsihenstowá꞉nen Joshua í꞉rahte rahohénton ne Roiá꞉ner rahoronhiakeró꞉nonh. Tánon é꞉tho ne rahiatákʼta ne Joshua í꞉rate ne Sakoriwaros, rothatehweiennenhtà꞉on nahorihwáhro.

Zechariah 3:7

ne Roiá꞉ner Roshatstenhserowá꞉nen tsi ráhwen: “tóka enshatewenhnhárahkwe natianerénhsera tánon ne enshateriwahténtiahte ne kahioʼténhsera tsi nitkonhiá꞉wi, ethò꞉ne ki ienskóntahkwe nahshateriwatsté꞉riste Nahkenonhsatokenhtí꞉ke ó꞉ni nahotenáhthake, tánon enwahkatʼthónteke ne shaterennahienthátsheras, kwáh tsi ní꞉ioht tsi niwakatʼthónte ne ratironhiakeró꞉nonhs rahonahterennahienthátsheras ne akʼkhénton rón꞉nete.

Zechariah 3:9

Rahohénton ne Joshua skanénhia éntien né꞉ne tsá꞉ta nateiohiosohkéronte. É꞉tho entierón꞉nitste enkʼkhiáton, tánon tókok sewenhní꞉sera ahé꞉ren entkhá꞉withe ne karihwáneren ne kén꞉en iowenhtsá꞉te.

Matthew 22:11

Nok nonen sisakotkensere ne Ronontiio-koȣa tsiniiakon iakotekkȣahere; saiatat ȣahoken nʼiah tehotseronniaton ne iontenniotakȣa.

Luke 1:19

Nok ne Raronhiakeronon Tontahenron: II ne Kabriel rahohenton ne Niio ihkete, nok neh tionkatoriatakȣen ne tahetenitharen, oni nakonrori neh nikariȣiios.

Luke 15:22

Nok ne rokstenha ȣasakonnhane ne kannhatsera: ahontahatihaȣe nok ahonȣaseronniate nakȣa niateseȣakȣenniios, nok ahonȣasnonsaȣite oni tahonȣata.

John 1:29

Tsi ȣahorhenne Saȣatis ȣahoken ne Iesos eh nontahaȣenonhatie tsi ihres, ȣahenron: neh kehiken ne Niio Roienha, oni sarakeȣas nonkȣe akoriȣaneraaksera.

Romans 3:22

Ne Rawenni꞉io neh sesakotakwarisháta neh tsi tonwethákwen ne Ié꞉sos Kerístos. Rawenni꞉io thoʼnihaiérha tsi niʼiákon tonwethákwen ne Kerístos, asèken iáh noʼiáh tehioháhaien onʼnakaiéren nonkwesónhas nahonsahotiʼianerásten tsi natehónthere ne Rawenni꞉io.

Romans 6:23

Naohkarhiátsera ne kariwáneren neh꞉ne tsi nieʼhiotʼthahínon ne kenhéion; nók ne Rawenni꞉io kwáh iáh ohthènen tehakaráiens tsi tatʼkáwas neh ionʼnheónwe atónʼnhes, neh tsi ratikwékon ne Kerístos Ié꞉sos Sonkwaiáner.

1 Corinthians 6:11

Shewáhtiakes tohnisewahweiennótenʼne. Nók kíʼ tsi sehwatonnakanonníʼon tsi nòkwa ne kariwahnerenhatsherákon; tsi sewahriwatokentíston tsi nòkwa ne Rawenni꞉io; tsi shewahteriwaseronniénni raohénton ne Rawenni꞉io né꞉ne Roiá꞉ner Ié꞉sos Kerístos thóh nihóshon tánon ne Raonikónra Nonkwaʼní꞉io. Ne rónkwe roianerasténhni ne iáh thaoniake kehs ensíron nètho rónkwe roianerasténhni ne iáh thaoniake.

2 Corinthians 5:21

Kerístos iáh nowén꞉ton tehorihwanéren! Nok ne Rawenni꞉io eh nontahó꞉tate tsi shí꞉ken ní꞉ioht ne ahorihwanéren, eh naontá꞉we ne Kerístos ahshonkwariʼwawá꞉se ne Rawenni꞉io ahshonkwaié꞉na.

Colossians 3:10

tánon ó꞉nen oweién꞉nase tsi nisehseweiennó꞉tens. Ne kí꞉ken ne á꞉se tiotasawáhkwen tsi nokwáh ne Rawenni꞉io, ne Rohsahánion, kwáh tiokontákwen á꞉se srónnis kwáh tsi ní꞉ioht ne raónha, ehnahontáwe kwáh iakaié꞉rike tsi ahtsheriwaienteráh꞉ne.

Hebrews 8:12

Ensehkhenikónhrenseh ne raoʼtirihwahneraháktsheras tánon kwáh iáh tahonshaʼkehiárahke tsi naʼthahonahterenthaʼweréhon.”

Revelation 5:11

Ethò꞉ne watkatkathón꞉nionwe, tanon wakhewenhnáronke ne ronatiohkowá꞉nen ratironhiakeró꞉nons tehotihonwarón꞉ni tsi wanitskwaratseróte tánon ne ronhnonhé꞉nion kários tanon ne rotitstenokónhas; thóh niʼonatiohkwá tsi ní꞉iot ne mirihons tánon thóka natekaiáhseres ne tewenhniaweheʼtseráhsens,

Revelation 7:14

Wahiiénhase, “Sénhshon, í꞉se khók saterièn꞉tare.” Ethò꞉ne wahakénhase, “Né꞉ne ronón꞉ha tontahonhnótkawe ne tsi nateiotenonhianì꞉ton tsi niioteriwatiérenhkwe; shotinhoharéhnion ne teontewehiarákwas tánon sahatirakénste thóh raonekwénhsake ne teiotinaʼkaronhtónha owí꞉ra.