Zechariah 3:2 - Ohiatonhseratokénti

² Ne Roiá꞉ner rahoronhiakeró꞉nonh wahawénhase ne Sakoriwaros, “Aiá꞉wens ne Roiá꞉ner ahiaré꞉wahte ní꞉se, Seriwaros! Aiáwens ne Roiá꞉ner ne ranoronhkwa ne Jerusalem, ahiaré꞉wahte. Kí꞉ken rónkwe ne teskaieróntahre ne kánia tsiakahonthákwen notsírake.”

Zechariah 3:2 ပူးပေါင်းရင်းမြစ်များ

2 Chronicles 6:5

‘Né sonhtakaháwi satonhthakehiatínekenhwe nakonkwetashón꞉as né Egypt tsi niʼió꞉re nón꞉wa, iáh kanèka tewakeráhkwen tsi níkon ne kanatowáhnens í꞉ken ne tsi ionhontsáien Nisraeʼró꞉nonke né nón꞉we akénhake nakanonshonhníhake nononsatokentiʼkówa né nón꞉we nahiontsenhnaientákwahke, tánon iáh ónhka tekheiataráhkwen nahonwatihéntenhse nakonkweʼtaʼshón꞉as Nisraeʼró꞉nons.

2 Chronicles 6:6

Ók kíʼ ó꞉nen Jerusalem nón꞉we nakeráhko tsi nón꞉we nenhiontsenhnaientákwahke, tánon í꞉se, Táwit, ensehiatkóraste nakonkweʼtaʼshón꞉a.’”

Psalms 109:31

Asèken thóh í꞉rate tsi ieweientetákwen ne tehiontʼkárias, né nasakonónsthate ne rononháke ne nontsèrek ahsakotiríhwenhte ahonnhí꞉heʼie.

Isaiah 7:4

Tánon tsró꞉ri, rathaʼtenhnikonhrá꞉ren, sakthiʼkénhak, tánon tóh꞉sa teshonnaríkʼkhon, ne ne akeniʼrihónhni kíʼken tekatsinaharáke ioienkwárote tsi ioʼtsinaharatéken-ne tsi nahotinakónhniaʼte ne Rezin tánon ne Syria, tánon ne raonekenteronhtsheraʼshónhas ne Remaliah.

Daniel 12:1

Ne raronhiaʼkehró꞉non ne rotsheronniá꞉ton ne kwáh kaniaʼtarí꞉io wahén꞉ron, “Tsi nienkáhewe ne kwáh thonwakowá꞉nen raronhiaʼkehró꞉non Wíshe, tsi niká꞉ien ne shakoʼnikón꞉rare ne sonkwè꞉ta enhatotáhsi. Thó ne ó꞉nen ienkáhewe ne taionʼnikonrhá꞉ren, iáh nonwén꞉ton eʼtho tetiawén꞉en tsi náhe tiakonakerá꞉ton ne onkwehshón꞉ʼa. Né nó꞉nen ienkáhewe, ratikwé꞉kon ne sentióhkwa tsi nihá꞉ti enhatihsénnarake ne Rawenni꞉io raohiatonhserá꞉kon enhatiʼniá꞉kenʼne.

Amos 4:11

Tohkára nihá꞉ti waʼkheiáhtonʼte, tsi kíʼ ní꞉ioht ne Rawenni꞉io tsi shakohtón꞉ton ne Sodom tánon ne Gomorrah, tánon tho nihshiaʼtó꞉ten tsi ní꞉ioht ne iotientátshon iótshon ne tsi iotékha; shé꞉kon kíʼ iáh akonhá꞉ke thaʼtetisé꞉non, rá꞉ton ne Roiá꞉ner.

Zechariah 1:17

Tánon kwáh ó꞉ni wahakró꞉ri ne raronhiakeró꞉nonh: “Ne Roiá꞉ner Roshatstenhserowá꞉nen ráton ne raonahtowá꞉nens shé꞉kon entiothihianerásten tánon shé꞉kon énska iensehwaterásthe enshasniéhnonh ne Jerusalem tánon enharó꞉ri ne kanatowá꞉nen tsi rahonhatsí꞉wa rahonáhta.”

Zechariah 2:12

Shé꞉kon énska iensehwaterátsthe ne Judah kwáh kahtokénston rahonhatsí꞉wa ne Roiá꞉ner enhahiathakwénhioke thóh nón꞉we rahonwenhtsiatokenhtí꞉ke, tánon Jerusalem ne kanahtowá꞉nen ne tsiahonhà꞉a entahnatanorónhkwake.

St. Mark 1:25

Nok tanon ne Iesos tahoteȣennakȣisronhase, ȣahaȣenhase: tastotek, satsiakenn oni tsinonȣe nisiteron.

St. Mark 9:25

Sahatkatto ne Iesos tsi akȣekon ok etho nontaiakaȣenonhatie ethone ȣahateȣennatsaniten notkon, ȣarenhase: Satkon iah tesatati iah oni tesaronkas, ii, ȣakonrori tontatsiakenn ne kenh raksaa raiatakon tosa oni nonȣenton ionsasataȣeiat.

Luke 22:32

Nok ki tanon konhiaterennaienni, ne tosa aesariȣanoronse: Ne kati oni nise nonen tensatonnhateni enseriȣiioston, shenikonranirat Seȣatatekenokon.

Luke 4:35

Nok ne Iesos ȣahatteten ȣahenron: tastotek, nok tontatsiakenn ne raonhake. Nok notkonseraksen akȣa niare kanenhrihen eh ȣahoiatonti, iah ki neneh sane tehokareȣaton, nok tontakaiakenne.

Luke 9:42

Akȣa neok iahatenti, ok naha notkon ȣahoiena neh oni ihken ne iatiotiete; nok tanon ne Iesos ȣahatteten notkon, nok sahotsiente sahoȣiron oni ne roniha.

John 13:18

Iah ki tanon tiiekȣakȣekta, aseken kheienteri ki nonka kheiatarakȣen; Nok ki tanon iatekakonte tsi enkahnane tsinikaiaton, tsi ȣaton; nehne teiakiatonsts ȣahakatkarhateni.

Romans 16:20

Tanon Rawenni꞉io, neh nonkwaiatakweniʼióhtsera ne skénnen, kwáh iostóre tenhoskwaserónkwaʼte ne ranesonrónon ne sewasitókon. Ne rahoténrat ne Sonkwaianer Ié꞉sos sewakweʼkónhak.

Romans 8:33

Ónhka ahiekwéni ahonwathiriwáhro neh Rawenni꞉io rahonkwetaʼsónha? Rahóna ne Rawenni꞉io sakoróris iáh tehothiníkon!

1 Sawátis 3:8

Ónka ieniontasónteren naieriwánerake ranesonrónon rahonkwéta, asèken ne ranesonrónon kwá tsitiotásawe thoriwáneren. Ne neh kwá ne aoriwáke tsi tawénon ne Rawenni꞉io Roiénha, ne nahariwáthonte tsi nihoiéren ne ranesonrónon.

Jude 1:23

saietʼtsiniákenk nakorénsons tsi entsiehʼtsihiathótion notsirókon; tánon nakorénsons ietʼtsítenr nónhne tsi natehonanithonnién꞉ni tsi nihothì꞉terons, nok sewáson ne rahonatʼtserónniat, tsi ne tehiotiónston ne rahotiriwanerahatʼtsera ne tsi nihthonskanékskwe.

Jude 1:9

Iáh sékon ne raronhiakerononkówa Wiseh ehteohiéren. Tsi natʼnihriwakéna ne ranesonrónon, ónka enhiontienawáste ne Mahís rahoierónta, Ne Wiseh iáh tehawéron nahonikonrat꞉sate nʼótkon ne nahotewennatʼtsaniten, nok “wahoró꞉ri Roiá꞉ner enhiarewáte!”

Revelation 17:14

ne ronón꞉ha kwáh enhonterihioserónhni rahonhà꞉ke ne teonakaronhtón꞉ha, tánon ne teonakaronhtón꞉ha kwáh kíʼ ensakosénhni, asè꞉ken raón꞉ha ne Sakoiá꞉ner ne Roʼtiiá꞉ners ó꞉ni Sakonontí꞉ios ne Rontinontí꞉ios, tánon tsi nihiá꞉kon ne raónha ratikwekonháties né꞉ne ronwatinaʼtónhkwa ne ronwatiiatarákwen tánon rotiriwatóken.”