Zechariah 2:9 - Ohiatonhseratokénti

⁹ “Ne Roiá꞉ner iatenhohiátisthe tsi ensehwaterí꞉io, tánon kwáh ronónha entieshanénhsko tsi niká꞉ien ne shanhatserahkén꞉en kénʼne.” Nó꞉nen kí꞉ken é꞉tho nenhiá꞉wenhne, kwáh onhkweʼtakwé꞉kon tsi enhiakoterienʼtá꞉rahʼne né꞉tho Roiá꞉ner Roshatstenhserowá꞉nen thakható꞉rion.

Zechariah 2:9 ပူးပေါင်းရင်းမြစ်များ

Isaiah 10:32

Kwáh ónhwa wenhniseráte Nob nón꞉we nathenhátaʼne, kwáh tenhatsikwahteʼníʼhon ne tsi tsiotenontáhere nakoiénha Zion, ne tsi tsionontáhere ne Jerusalem.

Isaiah 11:15

Tánon kí ne Roiá꞉ner kwáh í꞉ken tsi ensakótonhte nawennáhson ne kaniatarakhekowáne ne Egypt nón꞉we; tánon thenhanentsaʼteníhon èhʼneken ne tsi kaniataratátie né ráhawe ne iowerataríhen; tánon thenwatoríhon né꞉ne tsáta niʼkanahtserá꞉ke ienhwáton, tánon ne enrónniate ne taiehiáiaʼke thaʼkéson niaá꞉ien;

Isaiah 12:6

Teshahénret iorakareníhak tánon tesehríh꞉wak natonhnarátshera Ó nètho sewanákere Zion, asèken tehotenonhianíton ne sewanenhríhen rénhteron ne Rohiatatokénti Saiáta khók í꞉ken ne Israerʼronónke.

Isaiah 13:2

Né꞉ne onontóskon nón꞉we nahatiʼniatarakétsko, iorakaréni tsi tesewahséntʼtho ne rahotiʼhénton; tesehwanentʼtsateníhon né꞉ne ronónha iahontáweiaʼte ne tsi ronaʼthenhenrakáronhte ne ratiʼsenhnowánens.

Isaiah 14:2

Tánon ne ronhnonhonʼtsakerónons kwáh ienhonwatiʼiathénhaʼwe tánon tsi thatiʼterónhton nón꞉we ienhonwatiʼiathénhaʼwe, tánon tsi ronónshoʼte ne Israel kwáh ensakotiénawasʼte ne ronnonhontsaʼkerónons ne ne rotiskenrakéte tánon ne tsonatʼthonwísens kontiná꞉tsheras ne tsi rahonhontsáien ne Roiá꞉ner; kwáh kí ensakotiʼienenháton tsi nikáien ne ronwatiʼiénaskwe, tánon ensakonatʼkóraste tsi nikáien ne ronwatironhiakéntha.

Isaiah 19:16

Né thóh enwenniseráteʼke ne Egyptró꞉nons kwáh thóh nenhatiʼhiatothénhaʼke tsi ní꞉ioht ne tsonatʼthonhwísen, tánon enhotiʼhiathí꞉sonhkwe tsi nenhotiʼterónhsehke ohénton ne raoʼtsána ne Sakoiá꞉ner ne ronterí꞉ios ratiʼronhiakeró꞉nons tentʼthátaʼne niaʼsakotsatónhti.

Isaiah 26:1

Né éhʼtho entewenniseráteʼke kí꞉ken karénhna kwáh thenkarihwá꞉kwenh ne tsi watonhontsáien ne Judah: Kashátste nonkwahnáta; rakétskwas natesenhniétshera tsi ní꞉ioht ne wathenhenró꞉tons tánon ne kanikató꞉tons.

Isaiah 33:1

Áh, í꞉se ne sehiatónhtha, ní꞉se iateshiá꞉ti khók iáh teiesatónhton; í꞉se nènska ne satonkwetátʼteron, iáh ónhka ní꞉se teiesathenhnínon! Nó꞉nen ensát꞉kaʼwe tsi sehiathón꞉tha, kwáh kí thó꞉ne ní꞉se eniesathón꞉te; tánon nó꞉nen ensát꞉kaʼwe tsi né saterihwahthéntsaton naʼsehiathenhnínon, kwáh kí thó꞉ne ní꞉se entsesathenhnínon.

Isaiah 33:21

Ók thóh nón꞉we ne Roiá꞉ner raoiatanerakwáhtsherakon kwáh enteshonkwahrihwáwaʼse thóh tsi nón꞉we ne tekaniataraʼkáron ó꞉ni né kahionhatátie, thóh nón꞉we ne wathénhnios kahonhiowá꞉nen ne ratikáwes iáh thaʼhónton né nón꞉we niá꞉we, khés ne kwáh kahonhiowanenkówa iáh thaʼhónton né thóh nón꞉we nahontó꞉hetste.

Isaiah 33:23

Né shaʼseriʼiesónhas thiʼhiorentónhnions; iáh taʼkakwéni nahioníronhke nakawánerentsthe ne watʼtsirótʼthas tsi nón꞉we nateʼhiotonhontsóhon, khés ne thakatakwáritʼte ne watʼtsirót꞉tha. Eʼthóhʼne ne karhiotanénskwe ó꞉ni ne kanenskwenhátons tehatiʼhiákon; iekaníhare ne osinó꞉kwas enhatiʼhiatsiénenhne tsi enhatiʼnenskwenháton.

Isaiah 4:5

Eʼthó꞉ne ne Roiá꞉ner kwáh enhatenatónhni ne tsi iokwénhraʼre ne tsi Ionónhte ne Zion tánon ne tsi nónhwe nihiontʼkenhnisaáhkwah nenhonterénhnaien tenhiotsátahienʼke ne tsi niwenhníseres tánon enhiotsiokwahronhníhake ó꞉ni tsi nateioswát꞉te notónkwah ne ótsire nokarasnéha. Kwáh kí akwékon ne kaiatanerakwáhtshera kwáh enwatoseróhronhke.

Isaiah 48:16

Tiaták꞉ta nontáse, sathón꞉tek kí꞉ken! Né kwáh shiʼtiotásaʼwe tsi wakatatíhon kwáh iáh tewakerihwaséhton, né shiaʼkáhewe nètho naʼiáwenhne kwáh èhʼtho Í꞉keskwe. Tánon nón꞉wa né Roiá꞉ner Rawenni꞉io thaʼkatórion tánon né raonikonriʼiosthóntshera.

Isaiah 60:18

Né kariwakʼsenhókons iáh shé꞉kon tahonsaiakotʼthón꞉teke ne satonhwenhtsáke, né karihwaieshá꞉tsheras khés natkenronhniátsheras ne tsi nón꞉we nisateristhatátie; né enshenátonhkwe ne tsi sathenhenró꞉tons kaienawashé꞉tshera, tánon ne tsi sathenhenrakarónhtons kanonweratón꞉tshera.

Isaiah 60:19

Né kará꞉kwah iáh shé꞉kon né thaʼtaonsesahswátheʼte né tsi niwenhníseres, iáh ó꞉ni tsi nateioswát꞉the nashonthenhnékha kará꞉kwah iáh né thatahonsesahswatʼthéten ne tsi niwashóntes ók né꞉ne Roiá꞉ner kwáh tsi nénhwe enkénhake tsi theniaswatʼthéten, tánon ne Saní꞉io kwáh né sahiaʼtanerakwáhtshera enkénhake.

Jeremiah 27:7

Kwáh onhkwetahkwékon tsi enhonwahiótenhseh, tánon kwáh tenhonwahriwásnieseh ne roiénha ó꞉ni ne sahkoterehokónha tsi nióre ienkáhewe ne kwáh rahónha rahonkwetaʼshón꞉a enhonwahtiʼsénni. Ethóhʼne ne rahonkwetaʼshón꞉a né enshonwahtiʼhiótense ne kwáh thatiʼshástsʼtes onhkweshón꞉a ó꞉ni ne ratiʼshástsʼtes rohtinonhtí꞉ios.

Jeremiah 28:9

Ók kíʼ ne rotokénse ne ieióhe ne skénnen nék enkahkwéni nahonwahiénterehne tsi rotokénhse ne tsi kwáh Roiá꞉ner oriwihiohónwe thoteniéton nónenh nètho rotokénhse nahó꞉ten iehóhe thóh naháwenhne.”

Jeremiah 8:19

Sahtahonshá꞉tat! Ohontsiakwékon Wakatʼthónte nakonhkwetahshón꞉ʼa tiatenhonséntʼtho, “Ne Roiá꞉ner iáh kén ónenh Zion tèsres? Ne Zion ahonnonhtí꞉io iáh kén ónenh thóh tèsres?” Ne Roiá꞉ner, ronwanonhtí꞉io, wathariwahsehráko, “Onh nonhtiéren tsi waskenakónhni ne tsi wasehsénnaien ne sahiatonnishón꞉a tánon ne tsi watesehʼhiatentʼtsóthaʼse ne iáh othènenh tehatiriwásthas niʼiohʼokónhas?”

Ezekiel 39:10

Iáh thaʼtehiothonhotióhon nahathiʼienthorónhko ne kahentákes ó꞉ni nahathironhtsáke ne karahkónhsons, tioríhwa tsi né꞉ne watewenhthétons ne ionteriʼiosthákwa enhontekátaʼkwe. Kwáh enhatinenhskweháton ó꞉ni enshá꞉konahtserónhkwen tsi nikáien ne ronhwahtinenhskwenháton ó꞉ni ronhwanahtserónhkwenhni.” Ne Ronhnontí꞉io Roiá꞉ner wahatáti.

Joel 2:27

Ní꞉se kwáh ensaterienʼtá꞉rane né꞉tho tsi kwáh satekanenhrí꞉hen nón꞉we níkes Nisraeró꞉nonke, tánon ne tsi Í꞉ih ne Watiá꞉ner í꞉ken, né꞉ne Saní꞉io í꞉ken tánon iáh ónhka nakó꞉ren akénhake. Tánon nakonkweʼtashón꞉as kwáh iáh shé꞉kon nonhwén꞉ton tahonsahonwanatehá꞉te.

Habakkuk 2:17

Asè꞉ken tsi nikonhwateniaskatstén꞉ni ne Lebanon kwáh kíʼ ní꞉se eniesatón꞉te; sehnonwarhiaʼkhónhnion ne kontiʼtshé꞉nens ó꞉nenh kíʼ ne entiesaterónhkwen. Thóh kí꞉ken nenhiawénhseron né enkarihón꞉ni tsi nisehiaséhton nonkweshón꞉as ne tsi ionhonhtsá꞉te, tánon tsi nisehiateniakatsthén꞉ni nonkweshón꞉as ne kanatowanénhkes nón꞉we nihatiʼterónhton.

Habakkuk 2:8

Tiorì꞉wa tsi nihiakotiohkowá꞉nen nonhkweshón꞉as senénhskwen, ratikwé꞉kon ne iatehonathaténhron nonkweshón꞉as kwáh entiesanénhsko— tiorì꞉wa tsi nisehnonwarhiaʼkónhnion nonkweshón꞉as ne tsi ionhontsá꞉te, tánon tsi nisehiateniakatsthén꞉ni nonkweshón꞉as ne tsi kanatowá꞉nenhs.

Zephaniah 2:9

É꞉tho ká꞉ti, tsi nikónhnhe, ráton ne Roiá꞉ner ne kwáh è꞉neken tókte ne ratironhiaʼkehró꞉nons, ne Sakoní꞉io Israerʼró꞉nons; ne Moab thóh nenhiohiatáwen tsi nihiohiatawénhon ne Sodom tánon nahonkweʼtashón꞉as ne Ammon thóh nenhotihiatáwen tsi nihioiatawénhon ne Gomorrah, thóh nón꞉we niwatonhniátha ne kahontátsens tánon ne hiosonhwakarónhtons ne tiohió꞉tsis tánon kariwaiesáton né꞉ne tsi nén꞉we enkénhake; ne iatehonathaténhron nakonhkweʼtashón꞉as Judahró꞉nons kwáh enhatinenskwenhá꞉ton, ne nakonkweʼtashón꞉as ensatihiatakwení꞉ioke.

Zephaniah 3:15

Ne Roiá꞉ner éhren rohawí꞉ton ne karewathátshera ne shonhà꞉ke; sehsakoktháton ne iesásons; ne Ronhnontí꞉io Nisraeró꞉nonke, né꞉ne Roiá꞉ner, sewanenhrí꞉hen í꞉res tánon iáh shé꞉kon tahonsehsewatkátho ne karihwahetkénhsera.

Zechariah 2:11

Ne thóh nenhkahá꞉wike iakotiohkowá꞉nen rahonhà꞉ke ne Roiá꞉ner niénhien tánon rahonkwè꞉tah enhiónton. Skátke entewenterontake, tánon ensehwaterienʼtá꞉rahne tsi raónha thakató꞉rion ne tionhá꞉ke.

Zechariah 2:8

Nónhka akénhake nahieshakahré꞉wahte wahekahré꞉wahte tsi nahò꞉ten ne kwáh kanó꞉ron nakerihwà꞉ke.” Káti ne Roiá꞉ner Roshatstenhserowá꞉nen tahakahthéniete nahontatʼkháwe kí꞉ken aterihwahnhothátshera ne rahothirihwà꞉ke tsi nihá꞉ti ne shakothinénhskwen ne rahonkweʼtashón꞉a:

Zechariah 4:9

Wahèn꞉ron, “Zerubbabel tehostenró꞉the nononhsatokenhtí꞉ke, tánon ienhásha tsi rotenonhsonnihátie. Nó꞉nen kí꞉ken é꞉tho nenhiá꞉wenhne, nakonkweʼtahshón꞉ʼa enhonahterienʼtá꞉rahne tsi Í꞉i hiekwahtó꞉rion ne rononhà꞉ke.

Zechariah 6:15

Ronhnón꞉kwe nahinónhson nón꞉we thathinahkerénion eʼthò꞉ne nahonshahatinonhsón꞉ni ne Raononhsatokénhti ne Roiá꞉ner. Tanon nó꞉nenh enskanónhshison, enshaterienʼtá꞉rahne né꞉tho tsi Roiá꞉ner iehakató꞉rion ne shonhà꞉ke. Tóh꞉ki nenhiá꞉wenhne tó꞉ka kwáh entiewén꞉narahkwe ne Roiá꞉ner Saní꞉io.

Zechariah 9:15

Ne Roiá꞉ner Roshatstenhserowá꞉nen kwáh enteshá꞉konhe ne rahonkweʼtashón꞉ʼa tsi ní꞉ioht ne iontrenhostáhkwa. Kwáh enhonahkástehke ó꞉ni enshakotishén꞉ni tsi nihá꞉ti ne ronwahtinenhʼhió꞉ias. Ethò꞉ne enhatinehkí꞉ra tsi nenhontenhnikonhró꞉ri, tánon tenhothihénrehte tsi shí꞉ken ní꞉ioht ne iakohnonhwahrathón꞉on. Kwáh thóh ní꞉ioht tsi enhothinekáthane tsi ní꞉ioht tsi ionahnónhon ne katʼtse tsi wahtenekwensaráhkwen ne konwatsatakʼtsaháton kaʼtshé꞉nen, kwáh thóh ní꞉ioht tsi tenhothinhokwensokó꞉tonke tsi ní꞉ioht ne ientsienharáhkwa tekahiosá꞉ien.

John 13:19

Tahonenne ok tkȣaroris ohenton eh naiaȣenne; nʼaiaȣens nʼonen ienkaeȣe eh oni nenhiaȣenne aonteseȣetakȣe tsi Ii takatorion ne Rakeniha.

John 16:4

Neh ȣaonni ȣakȣarori, nonen ienkaeȣe aonseseȣeiarane tsi kȣarori; nok iah oksaok tetkȣarori tsi tiotasaȣe neh ki tsi teȣakȣekonhatieskȣe.