Zechariah 11:2 - Ohiatonhseratokénti

² Teshaséntho tánon teshahénret, cypress karontahshónha— ne onenhtakwentétsheras iorenién꞉en; ne thóh ioronhtanehrahkwaténions kwáh wahthónton! Teshaséntho tánon teshahénret, karíhtons ne Bashan nón꞉we— ne ioterahthò꞉on kwáh kahiá꞉khons!

Zechariah 11:2 ပူးပေါင်းရင်းမြစ်များ

Ezekiel 20:46

“Rónhkwe iaiénha,” wahénron, “Iasatkátho ne entiéne nòkwahti. Iasehiatewenhnaiénthonf nenhtieró꞉nonhs tánon iasehriwáhken tsi nòkwah ne karáhkonhs nenhtiéne nòkwahti.

Ezekiel 27:6

Ne kari꞉ton karonhthasónhas Bashan né nónhwe nitotíhas né꞉ne ahontkawetserónhniaʼte; Ók ne tsisahnítskaron onénhta nènhʼne wahonʼnónhniaʼte né꞉ne Cyprus nithótih Tánon ne wahthatinahnètha ne kanónhskon né꞉ne wáhonsthe ne onotsthakówah rahonáhkare.

Ezekiel 31:17

Skátʼke tsi nienkónhne tsi tionhontsáien ne kenhéion niaʼhiakonatsiátarahse tsi níkon nónenh ioronhtsenénhʼen. Tánon tsi nihiákon ne thóh iéteronh tsi iorahkwaweróston kwáh ohontsakwékon tenhonwahnaréniaʼthe.

Amos 6:1

Ionikonráksat tsi nihiá꞉kon ne tsakoterákare ne Zion nón꞉we, tánon tsi niiá꞉kon ne ihiénhreh iakontaní꞉ron ne tsi Ionónhte ne Samaria, í꞉se ne sewasenhnowá꞉nens ne ietsihénthenhse ne kí꞉ken kentiohkowá꞉nen Nisraeró꞉nonke, tionháke nieiéntha nonhkweshón꞉as naieʼtsiié꞉nawaʼse!

Zechariah 11:1

Teshanonhónti, Lebanon, ne nahónton nótsire ahontsáhate ne sahronthashónha nonenhtakwenthétshera!

Zechariah 11:3

Ne ratikoráhsons tiatehotihenréhtha tsi nihotinikonhráksens; ne rahonaʼtsenhnionniá꞉tshera iototʼtáhon! Shatahónsahtat tsi nihionahthatenahkón꞉ni ne kénreks; tsi konthiʼterónhtakwe ne kahráhkon ákta ne Jordan karihwahthón꞉ton!

Luke 23:31

Tokat nonȣa eh nakonȣaierase noientase, oh kati nehneh nenhkonȣaierase noientakaion?