Zechariah 10:3 - Ohiatonhseratokénti

³ Ne Roiá꞉ner ráton, “Khenáhkwase né꞉tho thihononhontsá꞉tes tsi rohnónha tsieshakotihiaʼthakwehní꞉io nakonhkweʼtahshón꞉ʼa, tánon kwáh enkheré꞉wahte. Nonhkweshón꞉ʼa ne Judah Í꞉i akonhkweʼtashón꞉ʼas, tánon í꞉ih ne Watiá꞉ner Wakeshatstenhserowá꞉nen, enkhehiatenhnikónhraren. Kwáh rohnónha enkénhake ne konhthiʼshátses koshá꞉tens né꞉ne iakoshaténhstas tsi wahterí꞉io.

Zechariah 10:3 ပူးပေါင်းရင်းမြစ်များ

Job Tánon ne Raoronhiakensera 39:25

Nó꞉nen ne iehonrawátsta enwatá꞉ti, tenhonhonkwí꞉saron ‘Aha!’ Kwáh ahí꞉non nió꞉re tsi enhotíswenh naterihió꞉sera, tsi nihotirítstare ne ratinenrakwehní꞉ios tánon tehotihenrétha.

Exodus 4:31

Tahonnhétaʼkwe, tánon ne sahatiʼriwáhronʼke né Roiá꞉ner tsi sakohiaʼthoʼrènʼen tánon rotkathó꞉sehron tsi nihonwahʼnateniaʼkatsʼténhni, waʼthonsáhkeʼte tánon wahonterénhnaien.

Proverbs 21:31

Enhskwé꞉ni nakohsá꞉tens enhsheweienén꞉taʼne nakonteriióhsera, nok kiʼ Roiá꞉ner khók entháhtkaʼwe nahonteʼshén꞉ni.

Song of Songs 1:9

Ne tetkoniatenienténstha, akenoronkwáhtshera, nonétien kosáhtens ne ioiathénton ne Pharaoh raoserétake otsiónkwa.

Isaiah 10:12

Nó꞉nen ne Roiá꞉ner enhá꞉sa akwékon ne raoʼiothénsera ne tsi ionónte ne Zion ó꞉ni thóh nón꞉we ne Jerusalem, kwáh kí enhoréhwate ne ratatkowahnátha tsi natehothaʼterénhsaron ne ronnontí꞉io ne Assyria tánon tsi nihothatóhare tsi nihanáʼie.

Isaiah 24:21

Ne thóh entewenhniseráteke ne Roiá꞉ner kwáh ensakoréwaʼte ne ratironhiakeró꞉nons thóh karonhiáke, tánon nonwenhtsáke ne rotinontí꞉ios ne tsi ionwenhtsáte.

Jeremiah 10:21

Watʼkeriwahseráko, “Ne ionkhihéntense thonatónnhokʼte; iáh tehonwariwahnonhtónni ne Roiá꞉ner nashaʼkohéntenʼse. Ne kíʼ tsioríhwa tsi wahothiriwahnóronse, tánon nonhtsionkwetashón꞉ʼa tehonatʼthókwen.

Jeremiah 11:22

Sók káti ne Roiá꞉ner Roshaststenserowánenh wahénron, “Kwáh enkheréwahte! Ne kenʼnithothihiónsa rahonnonhkwetaʼshón꞉a tsi wahterí꞉io nónhwe nenhonwatírhio; ne shaʼkotiʼiohokón꞉a athonkarhiákon enhotírhiote.

Jeremiah 25:12

Nenhwahtóhetsthe kwáh enkheréwahthe ne Babyloniaró꞉nons tánon ne raothinonhtiʼiótsheras ne enkarihónni ne raotiriwahneraháktshera. Kwáh enkerihwénhthoh nètho kanahkeráhsehra tánon thóh enkaiénthake enkaiésha tsi nénhwe.

Jeremiah 25:34

Tesehwahsénttho, i꞉se ne ientʼtsihéntenʼse, i꞉se ne ietʼtsinikónhrahre naʼkonkwetahshón꞉a, iorahkareníhak tsi tesehwahséntho! Sewatʼtsiónnion ó꞉ni okenráhke sehwahtesehréson. Ónenh iakáheʼwe nahietʼtsinonhwahrhiákon, tánon thóh ní꞉ioht tsi enhiettsihiátsoʼwe tsi ní꞉ioht ne teiotinakarontónʼa ráhtsinn.

Jeremiah 50:6

“Nakonhkwetaʼshón꞉a tsi ní꞉ioht ne tehiotinakaronhtónʼa ionahtiathaʼtónʼon. Ne shaʼkónonhne wahshaʼkothaharáhkwahte tánon tsi tiononhtarónhnion iasahkótkaʼwe. Wakontiathá꞉ton tánon iáh teskonnéhiaʼre onhní꞉ioht tsi iahonsakónʼne ne iahonshaʼhiakonatsiátarahse nonáhtsiake.

Ezekiel 34:11

“Í꞉i, ne Wakenonhtí꞉io Watiá꞉ner, kwahró꞉ris tsi iatenwahtsiátisthe ensekʼkhehiathisáhke nakhitshénen tánon enkhehiatenhnikonhráhren

Ezekiel 34:12

kwáh tsi ní꞉ioht tsi shakotinikónhrahre ne rahotitʼtshénenh teiotinahkaronhtónha ne tehionahrénion tánon shé꞉kon sahkonhwatihiataróh꞉roke. Kwáh tentekhehiaténhawe ne tsiknonhwésons niatehionahréhnion nètho tetsiókaras, kahkaronhniatsherowáhnen tewenhnisehrónhte.

Ezekiel 34:2

“Rónhkwe iaiénha,” wahénron, “Sehrihontháko ne ratikoráhsonhs ne Israel. Iasehriwáhkens, sehró꞉ri tsi nahó꞉ten ne í꞉ih, ne Wakenonhtí꞉io Watiá꞉ner, kheró꞉ris: Ensehwatʼréwahthe, í꞉se ne katʼtshénen iettsinikónhrahre ne Israel! Sehwahthatenikonhráhrak, ók tó꞉sa kíʼ nonhwénton ietʼtsiʼiatstérists ne teiotinahkaronhtónha.

Daniel 11:32

Ne ronnontí꞉io tsi nenhaʼnikónrhaʼte enthonwahswanòn꞉na tsi nihá꞉ti ó꞉nen ronahtsakwaríhsion ne raotirihwiiohstónhtshera, nok tsi nihá꞉ti ne shé꞉kon Rawenni꞉io ronwahnonterátieʼs tenthotinàkhwen.

Zephaniah 1:8

Tánon ne kwáh thóh enwenhniserá꞉teke ne Roiá꞉ner tsi rokhwáhere kwáh enkheréwate ne ronaterihóntons tánon ne ronhnontí꞉io raonekenteronhtseraʼshón꞉as tánon tsi niiákon né꞉ne iakotseronhniáton ne tiwakwéniate.

Zephaniah 2:7

Tánon tsi niwatenáskwah ne kaniataraktónhtie ne kaniatarakeʼkowáhne kwáh ne enhonawenhkónhweke tsi ronónhshote ne Judah, tánon thóh nón꞉we nenkonwahnatʼkháwe ne rahothitsenenhó꞉kons nakonthihóntake; tánon thóh enhonhnónhwete tsi ronónhshote ne Ashkelon noʼkarasnéha; asè꞉ken ne Roiá꞉ner kwáh ensakonatarená꞉se tánon tentesakáwenh ne raonatatewenhnihiósera.

Zechariah 11:17

Né꞉tho iáh thé꞉nenh tehariwástha nakonkwè꞉ta sakonónhne teiotinakarontón꞉a, tsi shakotewenhthétha ne kaʼtshé꞉nen! Aiá꞉wenhs náhsare ahoiénte ne ranenhtʼtsáke tánon ne sawehienthetháhkwen nahakaráti! Kwáh ne rahnénhttsiake ahonthakénheie, ne sahnekwá꞉ti nahakará꞉ti kwáh taharónwehke.”

Luke 1:68

Tahonȣanonȣeraton ne Roianer Israerronon Rao-Niio, ne tsi sasakaȣeiarane nok sasakohnerensi ne raotiokȣa,

1 Tiér 2:12

Tsi niseweiennóten tsi natesewátere ne iáh tehotiriwiʼióston kwáh ioteriwíson nahioianeréhake ne nónen thènen eniesariwárho tsi seweiennáksen, ónenk tsi enhatiʼiénterene tsi nishotenserí꞉io tánon káti ahonwasénnaien ne Rawenni꞉io nentenwenniseráteke nónen tèntre.

Ruth 1:6

Ohnaʼkénhkha káti Naomi waʼerihwá꞉ronke ne Roiá꞉ner tsi wahshakoiaʼtaté꞉riste ne raonkweʼtaʼshón꞉ʼa é꞉so tahshakotenniéhten ne kaienthóhsera; waʼontateweiennén꞉taʼne káti waʼakennakerá꞉ko ne Moab wakón꞉ne ne konwatisá꞉wha.