Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Zechariah 1:4 - Ohiatonhseratokénti

4 Tó꞉sa shaieʼtsiiénrenk ne ietsisoʼthonkonhkén꞉en. Wahón꞉nise tsi náhe ne rothitokenséhakwe teshakoná꞉wi nahkateriwahnhothátshera, shakothiró꞉riskwe ne tó꞉sa kariwáksen tsi ní꞉ioht tsi ahonónhnheke, tó꞉sa ne kariwanerahaktsherá꞉kon akénhake tsi ahonnónhnheke. Ók iáh ki tehionkathahonshá꞉tahton khés nahionkewenhnaráhkwen.

အခန်းကိုကြည့်ပါ။ ကော်ပီ




Zechariah 1:4
55 ပူးပေါင်းရင်းမြစ်များ  

Né ratirihwakariénies iahatihiákenhne tsi kíʼ nisakoríhonhte ne ronnontí꞉io ó꞉ni ne rahonkwetashón꞉as kwáh tsi niwatonhóntsa ne Judah ó꞉ni ne Israerʼró꞉nonhke ratíhawe ne kahonkarahwí꞉tsheras: “Nisraeʼró꞉nons, shé꞉kon nitión꞉nhe ne iaʼtesehwataténhron né tsi sewaʼniá꞉kenhse né ronnontí꞉io Assyriaró꞉non tsi né rotienawáston nonhóntsa. Ó꞉nenh ká꞉ti Roiá꞉ner nòkwahti nionhsáshewe, né Raoní꞉iokwe ne Abraham, Isaac, tánon ne Jacob, tánon ká꞉ti í꞉seke natenht꞉re.


Tó꞉sa thóh niʼiohtónhak tsi ní꞉ioht ne ietsisotʼthonkonhkénʼen tánon ne Israerʼró꞉nons sewathátenonkwes né꞉ne iáh tehotirihwatókenhne rahonháke ne Roiá꞉ner Sewaní꞉io í꞉ken. Tsi kíʼ nisewatkáthos, kwáh í꞉ken tsi sakorewáton.


“Wáhs iatierihwanón꞉tons ne Roiá꞉ner nakerihwáke tánon nonhkweʼshón꞉a ne Israerʼró꞉nonke tánon ne Judah nón꞉we shé꞉kon nihonathaténhron. Sehrihwísat nahorihonhnienhnítshera kí kén kahiatónhsera. Né Roiá꞉ner shonkwahnákwahse tsioríhwa ne ietisotʼthonkonhkénʼen tsi iáh tehonatewenhnaráhkwenh ne Roiá꞉ner raowénhna tánon iáh éhtho tehotiʼiéren tsi niwá꞉ton kí꞉ken kahiatónhsera tsi nihioterihwíson tsi nahiéiere.”


Ne tsi thonatenhniserathénionskwe niakisoʼthonkonhkén꞉en tsi nió꞉re nón꞉wa, nonhkwahtiákes, ne shonkweʼtashón꞉as, kwáh í꞉ken tsi iorihowá꞉nen ionkwarihwanerahátskons. Ne tiorì꞉wa nonhwarihwaneraháktsheras nonhkwahtiákes, nonhkwahnonhtiiótsheras, tánon nonhkwahtsihénsthatsis thóh iahatihiathénhne ratisnónhke ne tihononhontsá꞉tes ronhtinonhtí꞉ios, tánon wahonkhihiawénhtho, wahonkhineskwenhá꞉ton, tánon iahonkhihiaʼthénhawe nahionhkhinhotónhnion. Kwáh thakarohrókʼthe tsi wahonhkhihiateháthe, tánon shé꞉kon ki thóh ní꞉ioht nón꞉wa wenhniserá꞉te.


“Ók neh ronón꞉ha tánon neh iakhinihó꞉kons tsi nahatí꞉iere wahonthatónhnine tánon rotinontsistaní꞉rons tánon iáh tehonatahonsatháton ne sharihwataʼtsheras.


“Ók iáh tehontewenhnaráhkwa tánon rotinontsistahní꞉ron tsi nokwáh ní꞉se tánon í꞉se iehonátses ne sahianerénhsera thóh ratishón꞉ne tánon sakotinonwarhiaʼkhónhnion s rotitokenséhakwe né꞉ne ronónha rotirihwaní꞉raton tsi nokwáh ne ronónha ne nahónton tahonsahontkarahté꞉ni isé꞉ke niahonsahón꞉ne tánon tsi nihonahtié꞉ren kowá꞉nen rotirihwaiesá꞉ton.


Asè꞉ken wé꞉so ioserá꞉ke sehiatenikonrí꞉ioston tánon sherihowanhathénhni thóh sanhakwatsherá꞉kon ne rontsá꞉nakes ne rotitokénhse; ne kit sá꞉ka iáh teonathahonsatháton, ne káti aoríhwa ní꞉se tashé꞉ion thóh rontsá꞉nake nonkweshón꞉a ne tsi ionhontsá꞉ien.


tánon iáh tehiówenk ne thóh nahatihiathoténhake tsi ní꞉ioht ne sakotisotʼthonhkonkénʼen, rotiʼnontsistaníron tánon ratirihwaʼnónhwe ronhnónkwe, né꞉ne ónhkwe nakaweriáne iáh tehiorihwatóken, tsi thonwetákwen ne Rawenni꞉io iáh tehiorihwatóken.


Sasehwá꞉ket rahonhá꞉ke nionhsásehwe í꞉se ne kwáh í꞉ken tsi tehiahosehrénhon tsisewatsiaʼtonhtakwénhni, Ó tsiónhkwe Israerʼró꞉non.


Né káti, sehró꞉ri nonhkweshón꞉a ne Judah nónhwe ó꞉ni ne Jerusalem nónhwe tsi kahtenikonhrónnis tsi nòkwa ne rohnónha tánon katatewehienénhtas natkheréwahthe. Sehró꞉ri nahóntʼkaʼwe tsi nikariwáhneren tsi ní꞉ioht tsi rohnonhnhétie—tehontáton tsi nihatewehienʼnótens tánon tsi nahoténsons rohthihiotáties.


Tó꞉ka ahonaʼterientáhrahke ne ioterihwahséhton naʼkanonhthonnióntsheras, ethónne kíʼ ahiotónhon nahonatróh꞉rihke naʼkateriwahnhotátshera tsi nòkwah nakonhkwetaʼshón꞉a tánon ahonwahnonhniénniʼke nahonahtsiaʼkwahríshion꞉ke tsi niʼkariwahétken tsi nihononhnhétieʼneh tánon ne kariwáksen tsi nihontiérahkwe.


“Éhtho kíʼ, tioríwah tsi iáh tetsisehwathahonshaʼtháton, ne Roiá꞉ner Roʼshastsʼtenserowánenh ráton,


tánon né tsi wesehwaʼtennikonhráhren ne raotiʼwenhnasónhas nakenhátsheras, ne rotiʼtokénse, tsi nikáien ne tiotkonhónwe iekhehiateniéthaʼkwe ne tionháke. Iáh nonhwénhton tesehwatewenhnaráhkwen tsi nihónenh.


Wahakró꞉ri ne iáke tánon nakró꞉ri ne Israel, “Iáh tehiorihwahtó꞉ken Israel, íh nòkwa nahthétewe. Wahkahthanitenrástskon tánon iáh tahonkenáhkwen; iáh tsi nénhwe thakonhnáhkwahse.


“Iáh teshewahriwahtó꞉ken tiónkwe, thonthásehwe; í꞉ih akonhkwethashón꞉a. Tsi sehwahiatʼtátʼtion ienkwahiaténhawe ne ne skanáhtha tánon tehionkwéthake ne skanatát꞉shon, tánon tsi tionónhte ne Zion nienskwahiaténhawe.


Iewakʼkhonthákwenh ieʼkhehiathó꞉res tionháke nahkhenhátsheras ne rothitó꞉kenʼse, tánon ietʼtsiró꞉ri naʼisehwahtiakwahríshi tsi niʼsehwahweienʼnáksens tánon ne sehwahióhten ne tkariwahiéri. Ietʼtsiretiarónhon ne tó꞉sa aietʼtsisénhnaien ne thiʼkaniʼioserahténions, ne ne iaʼisehwahkónthaʼkwe thóh nónhwe naʼisehwenhterónthaʼke tsi ionhwénhtsaien ne tkwáhwi ó꞉ni ne ietʼtsisotʼthonkonkénʼen. Ók kíʼ iáh teʼskwahthahonsahtáton iáh ó꞉ni karíhwah tetionníhon.


Ne Roiá꞉ner ráton, “Ne Israerʼró꞉nons, tó꞉ka í꞉sehwere ne tahontesehwáhkete, ók kíʼ íʼnokwa nathontáhsehwe. Tó꞉ka sehwahrihwató꞉ken nakonháke ó꞉ni éhren sehwaháwit ne kahiatónnis ne íksons,


“Kwáh iáh thaʼhiakwahtahónsathaʼte tsi nahó꞉ten thakwahró꞉ri ne rahosénhnahkon ne Roiá꞉ner.


“Ónenh káti, ietʼtsiró꞉ri Nisraeró꞉nonhs tsi nahó꞉ten Ní꞉ih, ne Wakenonhtí꞉io Watiá꞉ner, kathónhnions: Thonshasehwatkarahténi tánon ietʼtsihiátkaf ne sewáhwenhk ioteriwahtéhas kahiatónhnis.


Khèkok, wakheronhkáten ne kén nithotihiónsa ne skátke rahtináhkereh: Tó꞉sa sehwateweiénhthon ne kaianerénsehrah ne ietʼtsisotʼthonkonhkénʼen rothíson; tó꞉sa sehwáhser ne raothiriwahkáhion tó꞉sa ó꞉ni ne tesewahthatsatátions ne raothihiatonhnisónhas akarihónhni.


Sehró꞉ri tsi nihioriwí꞉io tsi Í꞉i, ne Wakenonhtí꞉io Watiá꞉ner, Í꞉i ne konhnhehónwe Ní꞉io, iáh tekatʼtsenhnónhnis tahikánerahke ne rohriwáhneren ahrénhieie. Ne ahonthakeráhko tatkhekánerahke ahóntkaʼwe tsi rohtiriwahnerenháties tánon ronhnónhnhek. Israel, sátkaf tsi nikariwáksen tsi nishá꞉tierah. Onhʼnonhtséren tsi ísereh ashí꞉hehie?


Tó꞉ka ónhka enhiakotʼthónteʼne ók iáh thènenh karíwah thahiakónhni tánon ne tehontátʼtsions wahónʼnhewe tánon wahonwahnonhwahrhiákon, ethòne kíʼi rahónʼha enthohtérahse tsi wahrénheʼie.


Iáh teiakhiiatahonhsatá꞉ton ne sanhaʼtsheraʼó꞉kons ne rotitokenhséhahkwe, sahsén꞉nakon tsi tehatihthárhahkwe ne ionkhinontí꞉ioskwe, ó꞉ni ne ratikó꞉ras iakhishotonkonkénhens, tánon akwé꞉kon ne ón꞉kwe nʼetho nón꞉we niʼienákere.


Tonhtásehwe, O Israel, rahonhà꞉ke ne Roiá꞉ner Sewaní꞉io, asè꞉ken tesewarakwénhtaras ne karihón꞉nis sehwarihwaneraháktshera.


Khe khók, serí꞉hon ne tkarihwaié꞉ri tahontnáwenhte tsi ní꞉ioht ne kahionhatátie, tánon ne karihwakwarihshióntshera thóh ne nahiotónhake tsi ní꞉ioht ne kaniatarahtátie ne iáh nonhwénton tsewásthes.


“Tó꞉sa iaserihwá꞉ken”—nek kík sáka iehatirihwákens— “Iáh tehió꞉wenk ne iahatirihwà꞉ke kí nahorihoʼténhsons khés ne natehénsera entionkwahró꞉rohke.”


ók ki ó꞉nen í꞉se sheró꞉ri, ‘Íhʼne nokwáh nahthontáhsehwe, tánon tionháhke niénske.


Ken nahó꞉ten ne Roiá꞉ner rá꞉wenh rohnonhà꞉ke ne thothihénton rothitokenséhakwe ne thóh sonthakahá꞉wi ne Jerusalem kwáh í꞉ken tsi iokwahtiehʼne ó꞉ni ionthonkwethakáhthekwe ó꞉ni iakotiohkowá꞉nenhne iáh kahná꞉thakon kók tehienahkeréhkwe ók kahnhatakʼthóntie ó꞉ni, ók ki ó꞉ni nenhtieʼnéhsons nokwá꞉ti ionwenhtsiakérons ó꞉ni ne tsi tiononhtharón꞉nions ne tsi iaʼtewatshéntos.


Tontsérente nehne Damascus nónwe etʼthóhne Jerusalem non etʼthóhne kwáh kanakeraserakwékon ne Judeaʼronon꞉ke tánon tsi nowéson ne iáh tehatiʼsitaeʼró꞉nons, wakhehiateriwanótʼtase tsi ónenk tsi ensontatʼréwate ne rahothiriwanerahákʼtseras tánon Ni꞉ióʼne nókwa niehónne tánon thóh nihatí꞉ier tsi ronnèʼnest tsi shonatatʼrewáton.


Sasewatatʼréwat, káti, tánon Niióʼne nionsásewe, neh nahónte nahonsahonikónren ne sewariwaneraháktseras. Tho꞉ka thóh nen sewáiere,


Asèken sateriéntare tsi nahóten kahkariák꞉ton tsi tsiʼsatatewenniʼió꞉on tsi ní꞉iáh thènen tekásthakwe tsi niʼiotónne tsi iakónnhekwe ne tsi nitiesáwi ne sehsotʼtonhonkonkén꞉en. Iáh neh tèken nahónton akariwathónton, kwáh neh satetionátʼthe ne kawistaráken tánon ne owistanóron;


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ