Ruth 4:17 - Ohiatonhseratokénti

¹⁷ Kí꞉ken konnón꞉kwe ne tho kontinákere wahonwahsén꞉non kí꞉ken raksá꞉ʼa Obed. Waʼtkonterihwaré꞉niaʼte akwé꞉kon aiakotó꞉kenhse, “Raksá꞉ʼa wahrénnakerate Naomi ronwaién꞉ʼa!” (Toh nihatiweienoʼtén꞉e neʼthó shontakahá꞉wi.) Obed káti ieshoién꞉ʼa ne Jesse tánon ne ieshoién꞉ʼa ne Táwit.

Ruth 4:17 ပူးပေါင်းရင်းမြစ်များ

Ruth 4:16

Naomi, kwáh ieiaʼtákta tsi wahonwaié꞉na ne raksá꞉ʼa tánon akaónha wahonwatenʼnikòn꞉raren.

Ruth 4:18

Ne káti kí꞉ken waʼkahwatsiratátie ne Perez tánon tsi niió꞉re Táwit. Perez roién꞉ʼa ne Hezron, Ram, Amminadab, Nahshon, Salmon, Boaz, Obed, Jesse, Táwit.

1 Samuel 16:1

Ne Roiá꞉ner wahawénhase ne Samuel, “Tohá꞉kwa nikarí꞉wes tsi entsationniónhkwen ne Saul? Ní꞉i rikenronníhon nahonontí꞉ioke ne NIsraerʼronónhke. Ne í꞉senanh ne katshénen aonakarakénʼen ne iakenʼiewá꞉tha kénhie tánon tho iahá꞉se, Ní꞉i kwáh ienkoniaténieʼte tsi thénhteron ne Jesse ne ne Bethlehemró꞉non, asèken ní꞉i neh wakathaterakwénhni ne iatetsiá꞉ti ne ahotinontí꞉ioke ne sakohiohokónʼahs.”

1 Samuel 17:12

Nón꞉wa ne Táwit ne roniʼkénʼen ne Ephrathite ne Bethlehemró꞉non ne ne Judah nón꞉we, Jesse ronwaiáts, ne raónha shaʼtékon nionekenterontseraien꞉takwe. Thóh tsi nihotenhniseraténionskwe ne Saul ne ne rón꞉kwe ó꞉nenk shiʼoksténha tánon kwáh thóh tsi nihahoserákwen.