Ruth 3:7 - Ohiatonhseratokénti

⁷ Tsi ó꞉nen Boaz wahótaʼne ó꞉ni tsi rohnekì꞉ren, kwáh í꞉ken ionʼwésen tsi ranonhtónnion. Tho niahá꞉re tsi nón꞉ tioʼtón꞉iote teiotikonhstónhrhes eh tho wahá꞉rate tánon wahó꞉taʼwe. Ruth kwáh skenén꞉ʼa tho niahà꞉en taiehará꞉tate ne róhere tánon tho waʼón꞉rate rasihtákta.

Ruth 3:7 ပူးပေါင်းရင်းမြစ်များ

Genesis 43:34

Kenʼ nikonhátie tahonwén꞉non ne Só꞉se raotekhwaráhne nontahatíhawe, ók kiʼ ne Benjamin wísk niiorí꞉wake sénha í꞉siʼ nón꞉we wé꞉so í꞉ken tsi ní꞉ioht ne ronátiaʼkes. Katíʼ wahatihnekí꞉ra tánon ronatshennón꞉ni skátne ne ráonha.

2 Samuel 13:28

Ehʼthóhʼne ne Absalom wasakónhane ne raonhatseraókons, “Sewatenhnikonrá꞉ren nó꞉nenh ne Absalom kwáh í꞉ken wé꞉so tsi ronekíren notsítsa, tánon nó꞉nenh enkwaró꞉ri, ‘tsi sewáient ne Amnon,’ ehʼthóhʼne tsi sewanonwarhiá꞉khon. Tó꞉sa sewatsá꞉nik; iáh kén í꞉i tekwanhá꞉on? Sewanikonratsanihtónhak tánon sewashátstet.”

1 Kings 21:7

“Tiakariwakénniaʼte, í꞉se kén sanonhtí꞉io ká꞉ton kén iáh?” né Jezebel watʼkarihwaseráko. “Satkétsko, Sanikonhranirónhak, tánon teshastsʼkáhon. Í꞉i thenkonrihotharíhshiaʼse ne Naboth tsi rotenenhá꞉raʼre!”

Esther 1:10

Tsatáhkhaton shiwenhniserà꞉ke tsi ronatekhwáhere ó꞉nen ronontí꞉io tsi rohnekí꞉ren tó꞉kenske tsi rotonhnháhere, iahshakó꞉nonke ne tsá꞉ta nihá꞉ti tehonwatineniatáhkwen né꞉ne kwáh ákta raónha ronwaioʼténhse, Mehuman, Biztha, Harbona, Bigtha, Abagtha, Zethar tánon ne Carkas.

Psalms 104:15

tánon onenharatasehontsherákeri enhontʼnekónhni né nenhné꞉e nahontsenhnonniátaʼkwe iakeniehwáhtha kénhie enhonthatókaʼwe ne ratikonhsáke ne nenhné꞉e nahontkatotsherihióhake, tánon kákhwa né꞉ne tsakosasthenhseráwis.

Ecclesiastes 10:19

Nensahtekónhni entíson nasatʼtsenhnónhni tánon notsítsa enshanikonhkétsko, ók kíʼ tetsáronh iáh tahónton nahisaiéntahne tó꞉ka iáh tesawísthaien.

Ecclesiastes 2:24

Né kwáh tkariwaiéri tsi nahitewáhtsere né꞉ne tahitewastsʼkáon ó꞉ni ahitewahnekira tánon tewatenikonhró꞉ri tsi nahoténsons tehionkwahtention. Tánon ki ó꞉ni, wakatʼthó꞉ke shé꞉kon kíʼ nonhʼnéʼe kí꞉ken Rawenní꞉ioke seh nitewétha.

Ecclesiastes 8:15

Káti tewaketákwen tsi tehiotonwenhtsóhon nahonkwathonhnárahke nonhtionhakéson, tsoríhwa tsi nék khók ionhkwáien nonhwesénhtshera ne tsi tiónnhe né꞉ne tahitewatskáhon ó꞉ni ahitewanekhíra tánon nahitewatenikonhró꞉ri. Né kík thók khók tentewahkwéni tsi ahionkwahióten ne tsi tiónnhe tsi nitesonhkwáwi ne Rawenni꞉io ne kénʼen ionhwenhtsáte.

Ecclesiastes 9:7

Wáhs satatʼthén꞉test—tesatskáhon tánon satonnhárak; snekíra ne sanèka otsiatsa tánon satʼtsenhnonhnihák. Thóh seh nihotenikonhrónhni ne Rawenni꞉io nashé꞉re.

1 Corinthians 10:31

Ioiáneren, kwáh tsi nensháh꞉tiere, tóhkaʼ tashatskáhon tóhkaʼ ó꞉ni hasnekírah, né thóh náhtier ne tsi Rawenni꞉io rahohiatanerahkwáhtshera.

Ephesians 5:18

Tóhsa sanonwaráthont tsi nasnekíra notsítsia, kwáh nènʼne nek khók nensakarón꞉ni; khék, neh tiatanahnónhak ne kanikonrí꞉io.

Judges 19:22

Kwáh í꞉ken tsi ronathonhnáhere kwáh thonthahiawénhstsi thó꞉ka nihionkwétakes ne kenhtésehra ronatenikonhrahetkénhton wathonwatiʼnonhsanáke tánon tahontásawenh wahatinoháhiake. Wahonwénhase ne roksthénha, “Tatʼtsiatínekenf tí꞉ken rónhkwe ne thatsaténhawe! Tehionkwahthonhontsóni ne rahónha skát꞉ke ahiakwahtenikonhró꞉ri”

Judges 19:6

Káti ne tenihiáse wahiátsien tánon watʼiaskáhon tánon skát꞉ke rotinekíren. Ethòne ne iakónhkwe ronhwaníha wahoróri, “Asatʼthontá꞉tseke kénʼen shasasonhtíhia tánon satenikonhró꞉ri.”

Judges 19:9

Né siʼhiothohesthonénhtie, né rahónha ó꞉ni ne rahóskare tánon ne ranhátsera ronhthateweienénhtas nahonsahonthénhti, né rawenónhsa wahénron, “Satʼkátho, ónenh hiokarahatonhátse. Kénʼen sewasonhtíhiak tánon sewatenikonhró꞉ri, Enhiórenhne oronhkétstsi sewatkétsko tánon thonsasehwatʼtháhak.”

Ruth 3:6

Tho káti Ruth niaʼhá꞉en tsi nón꞉ thatihwá꞉ʼeks eh tho naié꞉iere tsi nahò꞉ten waʼontathró꞉ri nontatshá꞉wha.

Ruth 3:8

Tsi káti niwahsón꞉tes thontaiawénstsi wahá꞉ie, wahatʼkarháhtho wahonehrá꞉ko tsi iakón꞉kwe ieiaʼtión꞉ni rasihtákta.