Ruth 3:12 - Ohiatonhseratokénti

¹² Tokénske tsi ákta tewatatenónhkwe tánon wakaterihwaién꞉ni ne takónsnieʼne. Nek tsi rón꞉kwe sénha ákta tsatatenónhkwe tsi ní꞉ioht ní꞉ʼi.

Ruth 3:12 ပူးပေါင်းရင်းမြစ်များ

Matthew 7:12

Tsini tesaskaneks naiesaierase ne tkariȣaieri, etho oni nise naseieras; aseken eh nikaianerenseroten eh oni nihotirihoten ne Rotitokensehakȣe.

1 Thessalonians 4:6

Kí꞉ken nahorihóten, káti, kwáh iáh ónhka tsi níh꞉tion tateiotonwentióʼon ne thóh ní꞉ioht tsi taisewahterientawénrieh tsi nòkwa ne ótiakes rotirihwiʼióstons thó꞉ka ó꞉ni ne tahontaietʼtsihianóntonse. Ónen kí꞉ken tiotserénton kwahróri, tánon kwáh íken tsi kaʼsátsthe tsi wakwahronkáten nètho Roiá꞉ner ensakoréwahte nón꞉ka ne thóh niʼieweiennóten.

Ruth 2:20

Naomi waʼontshennón꞉ni waʼí꞉ron, “Aiá꞉wens Roiá꞉ner ahoiaʼtatérihste ne Boaz! Ne Roiá꞉ner iáh teshoʼnikónhrens nahò꞉ten enhsakohrharátsten ne iakónhnhe ók ó꞉ni ne iakawenhé꞉ion.” Tánon ó꞉ni waʼí꞉ron, “Thí꞉ken rón꞉kwe kwáh ákta tsi tewatatenónhkwe roteriʼwaién꞉ni tashonkenísnieʼne.”

Ruth 3:11

Tóhsa káti tesatateʼnikòn꞉raren Ruth. Akwé꞉kon tho néntiere nahò꞉ten wahseriʼwanón꞉ton aséʼken akwé꞉kon tsi niiá꞉kon nonkwaná꞉takon ronaterién꞉tare kí꞉ken són꞉kwe tehsonkweʼtaié꞉ri.

Ruth 3:13

Kén꞉ʼen sé꞉shek tsi niwahsón꞉tes tánon ohronʼkè꞉ne enteniriʼwahtshén꞉ri tóka kenʼ enharihwanón꞉weʼne ne raónha tahiásnieʼne. Tóka enharihʼwanón꞉weʼne ioiá꞉nere, tóka iáh taharihwanón꞉weʼne, enkerihwaní꞉rate káti raohénton ne Roiá꞉ner tsi í꞉ʼi ki wakaterihwaién꞉ni takónsnieʼne. Ken sé꞉shek tánon sà꞉rat tsi niió꞉re ohronʼkè꞉ne.”

Ruth 4:1

Boaz eh tho niahá꞉re tsi rontkennisaʼahtáhkhwa eh tho iahátien. Ne káti kí꞉ken rón꞉kwe Boaz ohén꞉ton thoná꞉ton kwáh sénha ákta iatatenónhkwe ne Elimelech, eh tho wahoké꞉tohte Boaz, tahó꞉nonke, “Kén꞉ nontá꞉se, ontiatén꞉ro, tánon sátien.” Tho kí niahá꞉re tánon wahátien.

Ruth 4:4

Tóka káti tesatonwénhtsó꞉ni nashní꞉non raotihén꞉ton kí꞉ken ken꞉ʼen ratitskó꞉ton, shní꞉non. Tóka káti iáh thatesatonwentsó꞉ni tsì꞉ron kiʼ, áseʼken ne tiotierénhton í꞉se satehshén꞉naien thó꞉ne ó꞉nen í꞉ʼí.” Thó꞉ne ó꞉nen wahèn꞉ron ne rón꞉kwe, “Í enkhní꞉non.”