Ruth 3:10 - Ohiatonhseratokénti

¹⁰ Wahèn꞉ron, “Roiá꞉ner ahiaiaʼtatérihste. Wéne senestonhá꞉tie tsi sénha seriwakweniéns꞉tha ne kahwá꞉tsire tsi nihsatiérha nón꞉wa, tsi niʼsheiatierá꞉se iesasá꞉wha. Aiotónʼon aiesesá꞉kon sénha kenʼnithoiénha tóka rokwáhtshe tóka niʼ ró꞉ten nek tsi iáh kiʼ tho tesaié꞉ren.

Ruth 3:10 ပူးပေါင်းရင်းမြစ်များ

Genesis 24:31

Wahén꞉ron, “Káts tsítene. Í꞉se ne són꞉kwe ne Roiá꞉ner iaiaʼtateríston. Nontié꞉ren tsi kén꞉ʼen íhsete? Ó꞉nen wakeweiennentá꞉ʼon ne kanàkta ní꞉se sarihwá꞉ke ne tsi tewakenónhsote, tánon ó꞉ni iotináktaien ne iotiniaʼkwáhere.”

Ruth 2:11

Boaz tontahariʼwaserá꞉ko, “Akwé꞉kon wakeriwahrón꞉ken tsi nishekweniéns꞉tha ne iesasá꞉wha tsi náhe thawenhé꞉ion ne seniniakón꞉ne. Wakaterién꞉tare tsi shehiatká꞉wen ne iaʼníha tánon saʼnisténha tánon tsi nón꞉ tehsenakeréhkwe, ó꞉ni khé nón꞉ enhsennákerate tsi nón꞉ iáh ónhka tehsheienté꞉ri.

Ruth 2:20

Naomi waʼontshennón꞉ni waʼí꞉ron, “Aiá꞉wens Roiá꞉ner ahoiaʼtatérihste ne Boaz! Ne Roiá꞉ner iáh teshoʼnikónhrens nahò꞉ten enhsakohrharátsten ne iakónhnhe ók ó꞉ni ne iakawenhé꞉ion.” Tánon ó꞉ni waʼí꞉ron, “Thí꞉ken rón꞉kwe kwáh ákta tsi tewatatenónhkwe roteriʼwaién꞉ni tashonkenísnieʼne.”

Ruth 2:4

Ohnakénhkha ó꞉nen sárawe ne Boaz, tsi tkanátaien ne Bethlehem natontá꞉re, waʼtehsakononhwerá꞉ton ne rotiióʼtenion, wahèn꞉ron, “Roiá꞉ner aiesewakwekónhake!” Tontahonnì꞉ron, “Roiá꞉ner ahiaiaʼtatériste!”

Ruth 3:9

“Ónhka ní꞉se”? wahariʼwanón꞉ton. Tontaieriʼwaserá꞉ko, “Sénhsion, Ruth kí꞉ken ne tsi ákta tsi tiatatenónhkwe, í꞉se káti saterihwaién꞉ni taséksnieʼne. Ahsathontátsheke káti naionkení꞉niake.”

1 Samuel 15:13

Nó꞉nenh ne Samuel shiahárawe tsítres ne Saul, Saul wahawénhase, “Aiá꞉wens ní꞉se aiaiathateríston ne Roiá꞉ner; Í꞉i wakerihwaieríhton ne raotiawenhrátshera ne Roiá꞉ner.”