Ruth 2:8 - Ohiatonhseratokénti

^8-9 Sók ne Boaz iahshakotháhrhahse ne Ruth, “Akonʼnikòn꞉ron tiok nahò꞉ten akonhró꞉ri. Tóhsa é꞉ren nón꞉we iaʼsohrón꞉ko ne óhere. Kén꞉ sé꞉shek skátne sewaióʼten ne konnón꞉kwe; tehshekánerak tsi nón꞉ nikontiienthó꞉kwas tánon skátne sewé꞉shek. Waʼkehró꞉ri nakonkweʼtaʼshón꞉ʼa ne tóhsa taiesaʼnikòn꞉raren. Tánon nó꞉nen ensaniaʼtáthen iaháse tsi nón꞉ tkaweroʼkwakè꞉ron tethotihráhton ohné꞉kanos.”

Ruth 2:8 ပူးပေါင်းရင်းမြစ်များ

2 Kings 5:13

Né rahonhatserahókon tsítres niahónhne tánon wahonníron, “Sién꞉shon, tó꞉ka ne rotó꞉kense thé꞉nen wahiaróri ne waterihwenhtó꞉re tsi nashá꞉tsere, thóh kíʼ nahisaiérenhke. Káti nón꞉wa nonʼtsé꞉ren tsi iáh kíʼ teshatsatóhares, tsi kíʼ niháwen, tánon satseʼwén꞉tan?”

Leviticus 19:9

“Nó꞉nen ensewaienthóko ne sewahenthákes, tó꞉sa sewanatsí꞉iak ne tsi ieiotʼthénthate, tánon tó꞉sa thóh nionhsháse ne shékon tahonthonsewaróhroʼke noná꞉tsias ne iothaténrons.

Matthew 9:2

Saiatat roiatakenheion Kanaktake raiationnitie eh ȣahonȣaiatheȣe. Tehakanere ne Iesos tsinithonetakon, ȣahaȣenhase ne roiatakenheion: Sanikonranironhak kien! sonterakeȣe ne sariȣaneraaksera.

Matthew 9:22

Nok tontahatkarhateni ne Iesos, ȣathatkaneren nok ȣarenhase: tsiaken kien! nese sesatsiente tsi tisetakon. Nok oksaok sakaieȣentane.

Philippians 4:8

Nonahkènkha, tewatenrosónhas, ne sewanáhnonk ne sewanikónhras tsi nahoténsons ne tkariwaiéris, tánon né tehiothonwenhtióhon ne tahiontenonhweráhton: nahoténsons ne oirihwí꞉io íken, iotkwéniens, tkariwaiéhri, aóskon, ioráh꞉se, tánon tekarénsaron.

Ruth 2:7

Waʼonkeriʼwanóntonhse nakheríhon nahonwatíhsere ne rotiióʼte tánon aiakohrón꞉ko ne óhere. Oronhkéstsi shiiakoióʼte kwáh ón꞉wak kenʼ nikarihwésha tiakotoríshen tsi wahskwáhere.”

1 Samuel 3:16

Ók Eli iahonáton Samuel tánon wahén꞉ron, “Samuel konién꞉ha.” Tahénron, “Kénʼen íhkes.”

1 Samuel 3:6

Ne Roiá꞉ner ionsahonáton shé꞉kon, “Samuel!” Samuel thontahaksʼkétskwahte tánon thóh niahá꞉re tsítres ne Eli, tánon wahén꞉ron, “Kén꞉thon í꞉kes, sé꞉ken í꞉se iaskenáton.” Ók ne raónha wahén꞉ron, “Iáh tiekonhnáton, konʼién꞉a; shaʼsárat shé꞉kon.”