Ruth 2:12 - Ohiatonhseratokénti

¹² Aiá꞉wens ne Roiá꞉ner tahiariʼwaserakwáhse tsi nisatié꞉ren. Aiá꞉wens káti ó꞉ni kwáh otokén꞉en tahiariʼwaserakwáhse ne Roiá꞉ner Rawenni꞉io ne Israel tsi kén꞉en nontáhse nahiaiaʼtanónhstate!”

Ruth 2:12 ပူးပေါင်းရင်းမြစ်များ

Psalms 17:8

Thóh ní꞉ioht tsi taskene tsi ní꞉ioht tsi teshé꞉nes ne ská꞉rake; tatsá꞉taset thóh tsi iotasahtare ne shá꞉nerahòn꞉tsa;

Psalms 19:11

Ronónha ó꞉ni ne iorihonhníhon ne sanhátseras ronwatitokaténhni; nenhontiénawaste kowánen tsi tenhonaterihwasehrákwahse.

Psalms 36:7

Tsi niwé꞉so satèkena ne iorihwaʼtó꞉ken sanoronhkwátshera, Ó Ní꞉io! Tèsehnes nonweshónha kwáh tsi ní꞉ioht ne kítkit tsi iakohiataséhtha nakohiohokónha ne kanerahontsiókon;

Psalms 57:1

Takiténhrak, Ó Sewenní꞉io, takiténhrak, asèken shonháke nón꞉we nakatón꞉nhets niʼiotekwáhsen; né tsi iotasátare ne sanerahón꞉tsa nón꞉we nenhkatekwáhsen, tsi nió꞉re ne iakothóntha kawerowánen enwaʼtó꞉hetste.

Psalms 58:11

Nonkweshón꞉has enhiaiéron, “Oriwiʼiohónwe tsi teshonateriwasehrakwénhnis ne tionkwetaiéris; oriwiʼiohónwe tsi káien ne Rawenni꞉io tsi rahónha rarihwénhtha ne tsi ionwenhtsáte.”

Psalms 61:4

Takeríhon sahnonsatokentikówane akiterón꞉take né꞉ne tsi nénhwe akénhake, akettsénhri nakataséhtakwe nákon tsi iotasátare ne sanerahontsókons. Selah

Psalms 63:7

asèken tiotkonhón꞉we í꞉se tatienawasehátse, tánon thóh tsi iotasáhtare ne senerahontsiókon tenhkeríhwaʼkwe natsenhnonniátsera.

Psalms 91:4

kwáh enhiaróhroʼke tsi ní꞉ioht ne kítʼkit tsi iakohiataséhtha nakohiohʼokónha kanerahontsiókon, tánon ranerahontsiókonh nón꞉we nisataséhthaʼkwe; ne Rawenni꞉io rorihwaʼtóken kwáh kíʼ enhiaiatanónsthate tsi ní꞉ioht ne tehioniatasthákwa.

Proverbs 11:18

Nónhka ne iáh tetiakorihwaié꞉ri iáh oʼthé꞉nen kwáh thaʼtaiontèn꞉tsha. Nok tókaʼ tho nénhshiere tsi nahò꞉ten tkariwaié꞉ri kwáh ki iorihwí꞉io tsi tensaterihwaʼserákwahse.

Proverbs 23:18

Tóka tho ní꞉ioht tiótkon tsi nén꞉we kiʼ tsi tensaswátheʼke.

Jeremiah 31:16

Sátkaf tsi teshaséntos tánon shaʼtatʼkasehró꞉kef. Norihwahkwékon tsi niʼsehiatiérahse ne sehʼienhokónʼa iáh séh thó꞉ka kén ne iáh thaʼtaheshariwahsehráhkwaʼse; kwáh enthóh nónwe nahtentʼthónʼne ne ieshá꞉swenhs raoʼnonhontsiáke.

Matthew 23:37

Jerusalem, Jerusalem, ise ne Sherios ne Rotitokense nok ietsinenhioiaks ne tekheiatories! Toh niioriȣake ȣakatenienten aonsakheiataroroke ne Sheienhokonha tsiniiot ne kitkit kaneraontsokon iakoiatasetha nakoienhokonha, nok iah teseȣathontaton.

Matthew 5:12

Seȣatsennonni oni seȣatonnharen, aseken koȣanen enseȣatsennonniate ne karonhiake: aseken etho nihonȣatiierase ne thonatierenton Thotitokensehakȣe.

Matthew 6:1

Seȣanikonrarak tosa ȣene kenhak nonhietsitenre ne iakotent, nʼaionttokanion; aseken iahki othenon tatatsiseȣariȣaserakȣase ne Etsiseȣaniha Karonhiake tenteron.

Luke 6:35

Neh kati ȣahonni iestsinonȣehak ne ietsikenronnis, ietsinoronk, ietsihni oni, nok tosa othenon saseȣarharek; koȣanen tenseȣateriȣaserakȣase, nok ethone oni enhietsinatonkȣake Niio Henekentsi sakoienhokonha; aseken rotanitenron tsinonkati ne ionkȣetaksen.

Colossians 2:18

Tóhsa ónhka ieʼtsirí꞉hon naieʼtsihiatʼkónten tsi rónton thóh nathonkwetáthe tiorì꞉wah tsi kentokénston rohnatetʼtsens ó꞉ni iehotikontákwen tsi nihotinó꞉wens nahontahotiriwahié꞉rike tánon tsi nisakotishén꞉naiens ne ratironhiakeró꞉nons. Asè꞉ken iáh thé꞉nen satekéna tè꞉ken, ne niionkweʼtó꞉ten kwáh ronthonriótha tsi nihonhnonkwethó꞉ten tsi ronhnonthónnions

2 Timothy 1:18

Aiáwens ne Roiá꞉ner nahontaháwen ne rahoténrat nètho entewenniserátehke! Ó꞉ni kwáh íken tsi sateriéntare tsi niwéso ratiénawaʼse ne Ephesus nónwe.

2 Timothy 4:8

Tánon nónwah ónen wakeráh꞉re ne atesenniétsera kahkariák꞉tsera neh tsi tkaiéri tsi tionkeriwahseronniénʼni tsi nòkwa ne Rawenni꞉io, neh꞉ne Roiá꞉ner, ne kariwahkwarisióntsera Rarihwéntha, entʼthákon nètho tewenniseráte—nók iáh I꞉i khók tèken, nók tsi nihiákon neh꞉ne iakórare ne kanoronkwátsera ne rahónha enhokéthothe.

Hebrews 11:26

Wahanonthónnionʼwe nahonwahnikonrahkaréwahthe ne Kerístos aharihónni iawehtatʼtsáni sénha ne wéso satekéna tsi ní꞉ioht ne tsi níkon iohtsokowahtsheráien ne Egypt, asè꞉ken thóh nónwe iatehakánere tsi niahawenonhátie ne tkakariaktsheráhehre.

Hebrews 11:6

Kwáh iáh ónhka taiekwéni nahontahonwahnikonrahiérithe ne Rawenni꞉io tokà꞉iah tekáien ne tewetákwenh, asèken ónhka Rawenní꞉ioʼke nienhén꞉ien ónenk tsi enhiakoiéntake ne tewehtákwenh ne Rawenni꞉io tsi rónnhe ó꞉ni teshakorihwahserahkwénhnis nónka ronhiaiathí꞉shaks.

Hebrews 6:10

Rawenni꞉io iáh tehanikonráhtha. Iáh tahonikónren tsi nisaiotén꞉en khés tsi nihshenéston tsi nitienorónhkwah tsi nishasʼnié꞉non ó꞉ni sékon tasheiawihátie nakorénshons ne iakorihwiʼióstons.

Ruth 1:16

Tontakariʼwaserá꞉ko ne Ruth, “Tóhsa takeriʼwanón꞉tons nakoniá꞉tkawe! Takeríhon naiétene. Tsi nón꞉ nienhénhse tho kiʼ niʼ ní꞉i nienhén꞉ke tsi nón꞉ nenhsiʼteróntake tho kiʼ enkiʼteróntake. Sonkweʼtaʼshón꞉ʼa í꞉ʼi꞉ ó꞉ni akonkweʼtaʼshón꞉ʼa enwá꞉ton tánon Saní꞉io í꞉ʼi ó꞉ní Akení꞉io enwá꞉ton.

Ruth 2:11

Boaz tontahariʼwaserá꞉ko, “Akwé꞉kon wakeriwahrón꞉ken tsi nishekweniéns꞉tha ne iesasá꞉wha tsi náhe thawenhé꞉ion ne seniniakón꞉ne. Wakaterién꞉tare tsi shehiatká꞉wen ne iaʼníha tánon saʼnisténha tánon tsi nón꞉ tehsenakeréhkwe, ó꞉ni khé nón꞉ enhsennákerate tsi nón꞉ iáh ónhka tehsheienté꞉ri.

Ruth 2:13

Tontaiaì꞉ron ne Ruth, “Kwáh í꞉ken tsi tisarihwaié꞉ri ne í꞉i akerihwá꞉ke, Sénhsion. Ionʼwé꞉sen tsi skanonhtónnion tsi ní꞉ioht tsi tahshektháhrhahse, aronhátien iáh shaʼtetionkwátʼte ne iesaióʼtenhse.”

Ruth 4:15

Shesá꞉wha iesanorónhkhwa ne sénha iesaiaʼtakéhnhen tsi ní꞉ioht ne tsá꞉ta niháti aiesawiraién꞉take. Tánon nón꞉wa tshateré꞉ʼa saiesá꞉ion. Á꞉se ensrón꞉ni tsi sónhnhe tánon ó꞉ni enthiá꞉ion skén꞉nen ahsanonhtónnionwe nó꞉nen ensaksténhaʼne.”

1 Samuel 24:19

Asèken ón꞉ka nón꞉kwe nonwénhton sakotiʼiatatʼtsénrion ne tehontátʼtions, tánon shaʼsakonatékwahte ne tehontátʼtions kwáh skénnonk tahkén꞉hake? Káti aiá꞉wens ne Roiá꞉ner tahiariwaserákwahse nahioianekéhake asèken tsi nahó꞉ten ní꞉se naskatiérase nón꞉wa wenhniseráte.

1 Samuel 24:20

Ó꞉nenh kiʼ onkateriéntarane ní꞉se kwáh oriwiʼiohónwe tsi ensatenontí꞉ioste, tánon nètho tsi kanakeraseráien ne Israerʼronónke kwáh í꞉se shatshanáke enshiatakwení꞉ioke.