Ruth 1:21 - Ohiatonhseratokénti

²¹ Shaʼkahtén꞉ti ne kén꞉en, wakkwahtshéhne. Nok ne Roiá꞉ner shatiaʼtenhá꞉wi kwáh iáh thé꞉nen tesékhawi. Oh nontié꞉ren káti Naomi ahskwanatónhkwe né꞉ ne Rohsatstenhserowá꞉nen Rawenni꞉io rakerihwèn꞉ton tánon thakwatenniehtén꞉ni kaʼnikonhraráhtshera.”

Ruth 1:21 ပူးပေါင်းရင်းမြစ်များ

Job Tánon ne Raoronhiakensera 1:21

Wahèn꞉ron, “Akenehóskonk tsi nitewakè꞉non nakeʼnisténha tsi iewiraráhkwah, tánon akenehóskonk ki tsi thóh nón꞉we nienhénske; ne Roiá꞉ner taʼkáwis, tánon ne Roiá꞉ner ieshá꞉has; tehiontenonhwerá꞉ton ne raosénhna ne Roiá꞉ner.”

Job Tánon ne Raoronhiakensera 10:17

Ní꞉se á꞉se sehshón꞉nis tsi takerihwáros nahionkatkónhten, tánon takowahnasérenh ne sanhakwénhtshera tsi nokwáh ní꞉i tánon ní꞉se iontsaterí꞉io.

Job Tánon ne Raoronhiakensera 13:26

Asè꞉ken ní꞉se ne sahiatónhnions ne iotskárat tsi nokwáh ní꞉i, tánon takonhniénhnis nahonsatsientwáko tsi natewakaterienʼtawénhrie ne shitewatiónha.

Job Tánon ne Raoronhiakensera 16:8

Tánon wahakinhokeríhkhon, né꞉ne onhkerihwanirá꞉tie tsi nihionkátkonte; tsi niwakatí꞉wen wahé꞉neʼne tsi nihakátkonte, tánon kontsá꞉ke nón꞉we nikariwaní꞉rats.

Job Tánon ne Raoronhiakensera 30:11

Tiorì꞉wa tsi Rawenni꞉io tonsahatironhtón꞉ko natsherí꞉ie tánon eʼtá꞉ke wahakón꞉ni; ronónha ó꞉ni í꞉se iahoná꞉ti nahontatié꞉nenke nakʼkénton.

Malachi 3:5

Eʼthó꞉ne kiʼ kwáh sewaiaʼtákta én꞉kehte nakwarí꞉wenhte; kwáh entiaʼtahstó꞉reke tsi enkerihwahní꞉rate tsi nonwá ne rontenʼèn꞉naras, tsi nonkwá ne rontenahkwaiesáhtha, tsi nonkwá ne ratirihwahní꞉rats nonó꞉wenʼs, tsi nonkwá ne shakotironhiakèn꞉tha ne ratihnhá꞉tsheraʼs tsi nihonatkariá꞉kse, ne ionatehré꞉ʼons tánon ne tehontonhnhakárhias, tsi niiá꞉kon ne é꞉ren iehonwatí꞉reks ne thihonnonhontsá꞉te, tánon ne iáh teiontatkweniènhstha, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs.

Ruth 1:13

aietsatehrhà꞉rate ken tsi niió꞉re iaʼnonkweʼtaié꞉riʼne? Né꞉ kenʼ taiesení꞉tahste ne akó꞉ren aonsesení꞉niake? Iáh, keniién꞉ʼa, tsaterién꞉tare tsi iáh nowén꞉ton tho thaiá꞉wenʼne. Roiá꞉ner iáh thaʼtehshakerihwasnié꞉se tánon wakeʼnikónhkararens ne senirihwà꞉ke.”