Ruth 1:17 - Ohiatonhseratokénti

¹⁷ Tsi nón꞉ nenhsíheie tho kiʼ niʼ ní꞉i nón꞉ nenkíheie, tho nón꞉we neniontià꞉tata. Tóka káti ne Roiá꞉ner ne tiaonhá꞉ʼa ahakʼrewáhte, nek enkakwé꞉ni ne kenhéion, taionkenikáhsi tóka enkoniatewén꞉teʼte!”

Ruth 1:17 ပူးပေါင်းရင်းမြစ်များ

2 Samuel 15:21

Ók ne Ittai watoriwaserá꞉kwahse ne ronnontí꞉io, “Tsi nironnheónwe ne Roiá꞉ner, tánon tsi nirónhne natiá꞉ner ronnontí꞉io, tsi nón꞉we natiá꞉ner naréhseke, khés ne kenheiát꞉ne khéhs tsi nirónnhe, thó nón꞉we nenhkéhseke.”

2 Samuel 19:13

Tánon tsi sewénhas ne Amasa, ‘Ní꞉se iáh kén í꞉i tetiaʼtaténon? Káti aiá꞉wens ne Ní꞉io thóh nahatiérase, ó꞉ni sénha ishiʼnón, tó꞉ka ní꞉se iáh ó꞉nen í꞉se thatesheseniarotárion nakitsió꞉kwa ronterí꞉ios ne kénʼen ienwatásawen, ne raonaktáke Joab.’”

2 Samuel 3:35

Ehʼthóhʼne onkwetahkwékon tahón꞉ne nahonwaréhker ne Táwit ne knahótenk ará꞉ke tsík sénhak shé꞉kon iawenhniserón꞉te; ók ne Táwit kwáh í꞉ken tsi wahará꞉ratste, ratón꞉nions, “Káti aiá꞉wenhs ne Ní꞉io thóh nahatiérase, tánon sénha íshiʼnon, tó꞉kaʼ akatenatahrát꞉kenhse khéhs ne tsík nahó꞉tenk akénhake nohén꞉ton iakará꞉kwenhne!”

2 Samuel 3:9

Káti aiá꞉wens ne Ní꞉io thóh nahoiérase ne Abner tánon aiá꞉wens iahá꞉ieste! Asèken tsi nahóten ne Roiá꞉ner rorahratsténhni ne Táwit, ní꞉i kwáh kiʼ enkerihwaiérite ne raonhá꞉ke,

1 Kings 13:31

Sahonwahiatathaháko ne rotó꞉kense washakawénhase ne sakohiohokónhas, “Nó꞉nen henkíheʼie, kén kí꞉ken ohtsatonhkwáhkon takwahiatátha tánon natierónhta ákta sewáien nètho rahoierónhta

1 Kings 19:2

Nahónha iahoterihwaniéthase ne Elijah: “Aiáwens ne ratiní꞉ios ahiónhtienʼte nakíheʼie thóh nakaháwike nenhiórenhne tsi nónhwa nihiowistáhe né iáh thóh thaʼkonhierásere tsi né niseiérase ne rothithokenhséhakwe.”

1 Kings 2:23

Ethòne ne Solomon kwáh íken tsi iorihwaníron tsi ní꞉ioht tsi waharihwaníraʼte rahosénhnakon ne Roiá꞉ner, “Aiáwens ne Rawenni꞉io ahátsienhthe nakíheie tó꞉ka iáh thahiʼhiónhnien ne Adonijah tsi rónhnhe ahakárhiakʼte tsi rakerihwanonhtónhnis kí꞉ken!

1 Kings 20:10

hionsahaterihwénieʼte ne Benhadad: “Kwáh iatekaiéri tsi nihonatsiókwah entekhehiaténhaʼwe nakerihwénhtho kí꞉ken kanatowanénhke ne í꞉se sanátha tánon ronhtshanáke énhonsthe tsi é꞉ren enhatiháwithe nononhwénhsera. Aiáwens ne niʼiohokónhas ahióntienhte nakíheʼie tó꞉ka iáh éhtho thatsére!”

2 Kings 6:31

Waʼhén꞉ron, “Aiáwens ne Rawenni꞉io aháʼtiente akíheie tó꞉ka ne Elisha iáh tahonwanontsístsiaʼke nohénton aontenʼniserót꞉ten nón꞉wa wenniseráte!”

Psalms 45:10

Takatahónsahtat, í꞉se ne ronhnontí꞉io iaiénha, tsi nahó꞉ten enkíron; sehiatanikónhren ne shonkwetaʼshón꞉has ó꞉ni ne sewathaténons,

Acts 11:23

Siahárawe ó꞉ni wahatʼkátho tsi ní꞉ioht ne Rawenni꞉io sakohiatateríston nonkwesónha, wahatʼtsenónni tánon wasakoretsiáron rathikwékon tsi ahotiriwathokénhake ó꞉ni kwáh roneriasakwékon tsi ahontahonwetakwénhake ne Roia꞉ner.

Acts 20:24

Kheʼrenkátiʼken ni꞉i tsi kónʼnhe iáh thé꞉nen satèkena tèken; nek khók níhkere ne hiatakókʼten ó꞉ni niákʼsa kíʼ ken kahioténsera tsi nithakáwi ne Roiá꞉ner Ié꞉sos, nahkateriwatsʼtéristhe, nehne akatʼróhri ne kariwí꞉ios nehne tsi nithoriwaiéri ne Rawenni꞉io tsi nókwa nonkwesónhas.

Ruth 1:16

Tontakariʼwaserá꞉ko ne Ruth, “Tóhsa takeriʼwanón꞉tons nakoniá꞉tkawe! Takeríhon naiétene. Tsi nón꞉ nienhénhse tho kiʼ niʼ ní꞉i nienhén꞉ke tsi nón꞉ nenhsiʼteróntake tho kiʼ enkiʼteróntake. Sonkweʼtaʼshón꞉ʼa í꞉ʼi꞉ ó꞉ni akonkweʼtaʼshón꞉ʼa enwá꞉ton tánon Saní꞉io í꞉ʼi ó꞉ní Akení꞉io enwá꞉ton.

Ruth 4:15

Shesá꞉wha iesanorónhkhwa ne sénha iesaiaʼtakéhnhen tsi ní꞉ioht ne tsá꞉ta niháti aiesawiraién꞉take. Tánon nón꞉wa tshateré꞉ʼa saiesá꞉ion. Á꞉se ensrón꞉ni tsi sónhnhe tánon ó꞉ni enthiá꞉ion skén꞉nen ahsanonhtónnionwe nó꞉nen ensaksténhaʼne.”

1 Samuel 14:44

Ne Saul wahén꞉ron, “Ne Ní꞉io kwáh thóh nihatiéras tánon kwáh í꞉sinonh; ní꞉se kwáh kiʼ oriwiʼiohónwe tsi ensíheʼie!”

1 Samuel 20:13

Ók tó꞉ka ne rakení꞉ha thóh nihonikonró꞉ten nahiakarónhni, ne Roiá꞉ner thóh kiʼ nón꞉ne eh nenhoiérase ne Jonathan, tánon kwáh ó꞉ni isiʼnónwe sén꞉ha, tó꞉ka ní꞉i iáh thakonrohrhiá꞉ne, Aiá꞉wenhs ne Roiá꞉ner ahiʼsenikwekónhake ní꞉se, tsi kiʼ ne nihniʼkwékon ne rakení꞉ha.

1 Samuel 25:22

Ne Ní꞉io thóh nisakoiéras ne Táwit ronwásons tánon kwáh ó꞉ni í꞉sinonh tsi nahiáwenhne, tó꞉kaʼ tsi ieniórenhne iahón꞉kenhʼre thóh nahonahtsió꞉kwasʼke tsi ní꞉ioht ne tionkwé꞉ta ne ratikwé꞉kon ne rotiskenrakéte ne raónha raonkwetashón꞉ahs.”

1 Samuel 3:17

Eli wahén꞉ron, “Onhnahó꞉ten nètho wahiaró꞉ri? Tó꞉sa takatashéten. Aiá꞉wenhs ne Ní꞉io kwáh thóken꞉en ahiawéwate tó꞉ka ní꞉se asheriwásehte knahótenk tsi nó꞉kwa ní꞉i akwé꞉kon nètho iaró꞉ri.”