Ruth 1:13 - Ohiatonhseratokénti

¹³ aietsatehrhà꞉rate ken tsi niió꞉re iaʼnonkweʼtaié꞉riʼne? Né꞉ kenʼ taiesení꞉tahste ne akó꞉ren aonsesení꞉niake? Iáh, keniién꞉ʼa, tsaterién꞉tare tsi iáh nowén꞉ton tho thaiá꞉wenʼne. Roiá꞉ner iáh thaʼtehshakerihwasnié꞉se tánon wakeʼnikónhkararens ne senirihwà꞉ke.”

Ruth 1:13 ပူးပေါင်းရင်းမြစ်များ

Genesis 38:11

Eʼthó꞉ne ne Judah wahshakawènhahse ne shakosá꞉fha Tamar, “Iaʼnihnéha nionsá꞉se tánon iaʼskón꞉tahk tsi satehréʼons tsi niió꞉re ne riién꞉a Shelah ienhatehiá꞉ron”—aseʼkénh ráonha ó꞉ni wahanonhtónnionhwe nontié꞉renʼk nón꞉neʼeh enhrénheie, tsi kíʼ nihotiiaʼtawén꞉ʼen ne shakohtsiʼokón꞉ʼahs. Sók kiʼ ne Tamar saionhtén꞉ti ronwaʼnihneha tsi thonónhsote nionsá꞉ien.

Job Tánon ne Raoronhiakensera 19:21

Takwéntenr, takwéntenr, O í꞉se nonkwatenhroshón꞉as, asè꞉ken ne ratsá꞉nake ne Rawenni꞉io ontsiatiénenhte!

Psalms 32:4

Tsi niwenhnísehres ó꞉ni tsi niwahshóntes tsi wahsekrehwahthe, Saiá꞉ner; kwáh iáh othènen teséts꞉thakwe, kwáh tsi ní꞉ioht notsítsa tsi wastátʼthens nó꞉nen kwáh iorakwahtaríhen nakenhnáke nikaháwi. Selah

Psalms 38:2

Asèken ne saiénhkwires waʼtewatiatáweʼheste, tánon ne sahtshanáke waʼtewaknhiotháko.

Deuteronomy 2:15

Ne Roiá꞉ner iahakontákwe tsi sakorewaʼtáwe kwáh tsi nió꞉re ratikwé꞉kon wahonhníheie.

Judges 2:15

Kwáh tsi niʼiorihwáke nenhonteriʼiósera, ne Roiá꞉ner tsi enshakotʼkhónten, kwáh kíʼ tsi niháwenh tsi thóh nenháiere. Kwáh kíʼ iorihowánenh tsi ní꞉ioht tsi rotironhiáken.

Ruth 1:12

Satsahtén꞉ti, aséʼken sótsi ó꞉nen wakeksténha naonsonké꞉niake. Ók ó꞉ni nakéhrheke tóka shé꞉kon aiohrharahtseraién꞉take tánon ón꞉wa iokarahtsherá꞉te aonké꞉niake tánon tehniiáhse rotiskenʼrakéhte aonsonkewiraién꞉taʼne,

Ruth 1:14

Sók á꞉re tonsatiahséntho. Thó꞉ne Orpah waʼtiakonoronkwá꞉nion nakosá꞉wha tánon tho nionsá꞉ien tsi nón꞉ tienakeréhkwe. Sók ne Ruth iaʼontatié꞉na ne Naomi.

Ruth 1:21

Shaʼkahtén꞉ti ne kén꞉en, wakkwahtshéhne. Nok ne Roiá꞉ner shatiaʼtenhá꞉wi kwáh iáh thé꞉nen tesékhawi. Oh nontié꞉ren káti Naomi ahskwanatónhkwe né꞉ ne Rohsatstenhserowá꞉nen Rawenni꞉io rakerihwèn꞉ton tánon thakwatenniehtén꞉ni kaʼnikonhraráhtshera.”

1 Samuel 5:11

Eʼthóhʼne iahonwahnaténieʼte tánon nashakotiʼiataróhroʼke skát꞉ne ratiʼkwé꞉kon ne Rotiʼiá꞉ners ne Philistine, tánon wahonní꞉ron, “Ionsaʼsewaténiet ne raoʼneró꞉kwa ne sakoʼNí꞉io NʼIsraerʼró꞉nons, tánon thóh ieskaʼiéntak tsi nón꞉we tionákte, nètho ne ne tó꞉sa aón꞉ton naionkwanonwahrhiákhon ó꞉ni nontsonkwetaʼókons.” Asèken ne ne kenhéiat tsi ní꞉iot tsi wahtsiaʼkaonhnarík꞉khon kwáh kaʼnatakwékon nontáweʼte ne kanatowahnénhke. Ne ratsanáke ne Ní꞉io kwáh í꞉ken tsi washakoteniakátsʼtatʼtshe neh nón꞉we.