Ruth 1:12 - Ohiatonhseratokénti

¹² Satsahtén꞉ti, aséʼken sótsi ó꞉nen wakeksténha naonsonké꞉niake. Ók ó꞉ni nakéhrheke tóka shé꞉kon aiohrharahtseraién꞉take tánon ón꞉wa iokarahtsherá꞉te aonké꞉niake tánon tehniiáhse rotiskenʼrakéhte aonsonkewiraién꞉taʼne,

Ruth 1:12 ပူးပေါင်းရင်းမြစ်များ

Genesis 17:17

Eʼthó꞉ne ne Abraham onhwentsá꞉ke tshiahakonhsó꞉tane tánon wahahsté꞉rihste, tánon raonhá꞉ke khók tsi wahén꞉ron, “Iotón꞉on ónhteʼkenh ne raksá꞉a nahrennákerate né rón꞉kwe ne roʼníha akénhake nó꞉nen né rón꞉kwe énskaʼtewenʼniáwe niiohserá꞉ke nithó꞉ion? Aó꞉wenh kenh ne Sarah, náonha ó꞉nen tióhton niwáhsen niiohserá꞉ke nitió꞉ion, naiowiraièn꞉taʼne?”

Genesis 38:11

Eʼthó꞉ne ne Judah wahshakawènhahse ne shakosá꞉fha Tamar, “Iaʼnihnéha nionsá꞉se tánon iaʼskón꞉tahk tsi satehréʼons tsi niió꞉re ne riién꞉a Shelah ienhatehiá꞉ron”—aseʼkénh ráonha ó꞉ni wahanonhtónnionhwe nontié꞉renʼk nón꞉neʼeh enhrénheie, tsi kíʼ nihotiiaʼtawén꞉ʼen ne shakohtsiʼokón꞉ʼahs. Sók kiʼ ne Tamar saionhtén꞉ti ronwaʼnihneha tsi thonónhsote nionsá꞉ien.

1 Timothy 5:9

Tóhsa ietʼtsisénnaren ne ionaterèʼons tsi nónwe nikontisennarónnion ne ionaterèʼons tsík enhionathohétston ne iáh-iak niwáhsen nahontahiotíhionke. Tánon ó꞉ni énskak khók ahiothiniákonke

Ruth 1:11

“Ó꞉nenk tsi entsitsà꞉kete keniienʼokón꞉ʼa,” waʼì꞉ron Naomi. “Oh niiotié꞉ren tsi ísenehre aiétewe? Ísenehre kenʼ tóka shé꞉kon aonsonkewiraién꞉taʼne ne rotiskenʼrakéhte ne aonsesení꞉niake?

Ruth 1:13

aietsatehrhà꞉rate ken tsi niió꞉re iaʼnonkweʼtaié꞉riʼne? Né꞉ kenʼ taiesení꞉tahste ne akó꞉ren aonsesení꞉niake? Iáh, keniién꞉ʼa, tsaterién꞉tare tsi iáh nowén꞉ton tho thaiá꞉wenʼne. Roiá꞉ner iáh thaʼtehshakerihwasnié꞉se tánon wakeʼnikónhkararens ne senirihwà꞉ke.”