Ruth 1:11 - Ohiatonhseratokénti

¹¹ “Ó꞉nenk tsi entsitsà꞉kete keniienʼokón꞉ʼa,” waʼì꞉ron Naomi. “Oh niiotié꞉ren tsi ísenehre aiétewe? Ísenehre kenʼ tóka shé꞉kon aonsonkewiraién꞉taʼne ne rotiskenʼrakéhte ne aonsesení꞉niake?

Ruth 1:11 ပူးပေါင်းရင်းမြစ်များ

Genesis 38:11

Eʼthó꞉ne ne Judah wahshakawènhahse ne shakosá꞉fha Tamar, “Iaʼnihnéha nionsá꞉se tánon iaʼskón꞉tahk tsi satehréʼons tsi niió꞉re ne riién꞉a Shelah ienhatehiá꞉ron”—aseʼkénh ráonha ó꞉ni wahanonhtónnionhwe nontié꞉renʼk nón꞉neʼeh enhrénheie, tsi kíʼ nihotiiaʼtawén꞉ʼen ne shakohtsiʼokón꞉ʼahs. Sók kiʼ ne Tamar saionhtén꞉ti ronwaʼnihneha tsi thonónhsote nionsá꞉ien.

Genesis 38:9

Nok ne Onan sihoterienʼtaraʼstsíhon ne ratiksaʼokón꞉ʼahs tsi iáh ráonha thahshakohioʼokón꞉ʼake, katiʼ tsi níiorí꞉wake skátne enhiá꞉rate ne iatateʼkenʼkénhen ró꞉nehkwe ne ká꞉nen ohontsà꞉ke nienhastaraié꞉raʼte, ne katíʼ ne tóhsa ahowiraièn꞉taʼne ne iatateʼkenʼkén꞉ʼa raorihwá꞉ke.

Deuteronomy 25:5

“Tó꞉ka ne iathateʼkenhénha skátke nì꞉teron ne tsi kaientaʼtsherá꞉ien tánon saiáta warenhéie, tánon iáh tehonekenhterontieraientà꞉on, ethò꞉ne ki ne ronekén꞉en iáh ónhka ne átste nakawatsí꞉rate thahonsahiónake; ne ki ne rawenhé꞉ion iathateʼkénha roteriwaién꞉ni nahonshahotí꞉niaʼke.

Ruth 1:10

Waʼkenì꞉ron tsi waʼontathró꞉ri, “Iáh! Éntewe tsi nón꞉ thatinákere ne sonkweʼtaʼó꞉kon.”

Ruth 1:12

Satsahtén꞉ti, aséʼken sótsi ó꞉nen wakeksténha naonsonké꞉niake. Ók ó꞉ni nakéhrheke tóka shé꞉kon aiohrharahtseraién꞉take tánon ón꞉wa iokarahtsherá꞉te aonké꞉niake tánon tehniiáhse rotiskenʼrakéhte aonsonkewiraién꞉taʼne,